Éxodo 32:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ca' so Moisés pilshi'ma yi neeta'ñi ñi qara'gaxala'. Ca 'naaco': —Yi qomyipi ỹaatqajam chalego lecaic da lasauaxaset na' ỹo'uet so lashiilec 'oro.

Éxodo 32:31 Iomraidhean Croise

Esdras 9:15

Qami' qara'gaxala', qami' qota'olec quena Israel, ỹaatqajam ỹa'maqachiguiñi dá'maq 'ñiteteguelo qomi', ma' ñaqa 'ue nqai'ñi' na ca'laaxaic ná'maq nagui qaiuanchigui. Ca' qomi' ỹaatqajam 'ue da qarasauaxaset caqami'. Vichiguiño' qomi' se ỹa'maxañi quiyim seloxoiqato'ot qami'.

Éxodo 20:4

Totaxan 'viichiỹo' ca rashiilliguii re'oq chaqai vire'ta ca radenqachigui quena hueeto'ot na piguim, chaqai vire'ta quená'maq hueetalec na 'laua, chaqai vire'ta quená'maq 'ue hueetañigui ana huaaxai pa'aatañi quena 'laua.

Éxodo 32:30

Ca' queso liỹa na'xa'a, ca' so Moisés 'naaco' queso qomyipi: —Qamiri ỹaatqajam chalego lecaic da rasauaxashichii. Ca' vichiguiño' nagui, ca saashi'ma ñi qara'gaxala', sha'apiguito' seshit quiyim ỹapalaxat da rasauaxashichii.

Éxodo 34:28

Ca' so Moisés na'anyi neeto'ot ñi qara'gaxala', ỹovirerauec nqai'ne' saua cuarenta na'xata' chaqai saua cuarenta piri, se que'e chaqai se ne'et. Ca' quiyi, ca ỹirelgoto saua qari dauá'maq na'qaatqa queda 'maqataxac loqo'm daua diez nelaataxanaxaco.