Éxodo 32:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ca' queso liỹa na'xa'a, ca' so Moisés 'naaco' queso qomyipi: —Qamiri ỹaatqajam chalego lecaic da rasauaxashichii. Ca' vichiguiño' nagui, ca saashi'ma ñi qara'gaxala', sha'apiguito' seshit quiyim ỹapalaxat da rasauaxashichii.

Éxodo 32:30 Iomraidhean Croise

2 Samuel 12:9

¿Chi'negue ma' liỹoqoira'piguit da ỹa'qaatec, ca 'viichi' dá'maq se yqo'ta? Ca' lauachi' so Urías so hitita le'ec na' 'ỹaañiro quiyim qaỹalauat queso llaalqaipi so Amón, ca' loqoichiguit añi loua.

2 Samuel 16:12

Ma' sqoue quiyim ñi qara'gaxala' ma' iuana da i'xoric, ca' nqouaguic, ñigui nqai'en da ñishiuenaxac sa'qaatapega nagui.

Éxodo 32:29

Co'na'le, ca 'naaco' so Moisés: —Ca' nagui, ca' qoỹanaguilo qamiri quiyim qamiri letaxaỹaxanqajanqa na qomyipi quiyim qaretaxaỹa'pegue' ñi qara'gaxala'. Ma' quiñi 'óna npa'guene'e' ca llaalec chaqai quena liỹa queca chi lqaỹa. Ca' vichiguiño' nagui, ca' ñi qara'gaxala' no'ueenaxat nagui ca qayicyaxaguii.

Amós 5:15

¡Se rqo'chiỹa na se no'uen! ¡Ca rqo'chiỹa ná'maq no'uen! 'Chiichiguiñi nqai'ñii quiyim ỹo'uet na ỹa'maqachiguiñi ná'maq leraxanaxaqui na nimiitaxanaq quena nasauaxaset; ca' sqoue quiyim ñi qara'gaxala' ñí'maq qota'olec sqaica lqalanec 'ue ca lqouagaxa quená'maq ca'laaxaiquipi quena Israel. (16-20 So Amós rashiilaxantac quiyim netogot so qomyipi.)

Jonás 3:9

Sha'apiguito' ñi qota'olec nemanñi da lauel coqomi'. Ca' se qaralauat.

Lucas 15:18

Aỹim sopila ma'le yi la'a' ca ita'a. Ime, ca' shinapega ma'le, shinaco': Qami' ita'a, ỹim 'uo' da ỹasauaxaset hueeto'ot ñi qota'olec chaqai caqami'.

Lucas 7:47

Ca' vichiguiño' nagui shiñirapegaxaua', cañi'maxare queda lodegaxat le'xorenataxanaxa chicqochigui quiyim 'xoic ca lasauaxaset qaỹapalaxat; ma' ca qom quiyim sqailligueme' ca lasauaxaset qaỹapalaxat, ca' chaqai 'nejem sqailligueme' re'oq ca le'xorenataxanaxa.

Romanos 9:3

ma' ỹim ỹovire'ta sovira'a quiyim sahotaque quiyim aỹim ná'maq ỹo'da'guit ñi qota'olec, qaiyi qoỹoqo'ta nqai'en aỹim so Cristo, queta' chaqaido' dá'maq noviraxat ca la'maxa na ỹaqaỹaripi, quená'maq chi iuo' laseripi judioipi.

Gálatas 3:13

Qam so Cristo quepaqataxanlgoto qomi' quedá'maq chalego lecaic qanouaxanaxaset quet chicqochigui so naqataxaquipi, ma' so'maxare npa'xanguit dá'maq chalego lecaic nouaxanaxaset talgoto quet qomi'. Ma' naua naneresañi na'qaatqa 'neracsa': “Chalego lecaic ca nouaxanaxaset quiñi qota'a ná'ogue ná'maq qaicoñirashiguim queca qo'paq.”

2 Timoteo 2:25

chaqai neneequesenta quiyim ralamqataxan quená'maq pa'guenaxantac, sha'apiguito' quiyim ñi qota'a netogochigui lauel nqai'en, ma' ỹahotaque quiyim ỹa'den dá'maq ỹaatqajam lliqueta,

Santiago 5:16

Ca' vichiguiño' queca 'óna caqamiri ra'qaataxanem ca liỹa queca lasauaxaset, chaqai quiñi 'óna nqouagaxaintalec ca liỹa, qaiyi qaỹomaterec qamiri. Da nqouagaxainaxac ca huagaxaraic ỹale ỹaatqajam 'xoic lquesaxanaxa.

1 Samuel 2:17

Ca' chaqaida 'neeta, ca' da lasauaxaset na ne'naqaipi quiñi qara'gaxala' ỹaatqajam chalego lecaic, ma' se ỹa'maxata'gue aná'maq nachitaxanataxanqate lalamaxarete ñi qara'gaxala'.