Éxodo 32:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Co'na'le, ca 'naaco' so Moisés: —Ca' nagui, ca' qoỹanaguilo qamiri quiyim qamiri letaxaỹaxanqajanqa na qomyipi quiyim qaretaxaỹa'pegue' ñi qara'gaxala'. Ma' quiñi 'óna npa'guene'e' ca llaalec chaqai quena liỹa queca chi lqaỹa. Ca' vichiguiño' nagui, ca' ñi qara'gaxala' no'ueenaxat nagui ca qayicyaxaguii.

Éxodo 32:29 Iomraidhean Croise

Éxodo 32:28

Ca so Leví llaalqaipi ipaquichigui nqai'en da 'naac so Moisés. Ca quesojo na'xa'a tres mil so ỹalliripi ileu.

Éxodo 32:30

Ca' queso liỹa na'xa'a, ca' so Moisés 'naaco' queso qomyipi: —Qamiri ỹaatqajam chalego lecaic da rasauaxashichii. Ca' vichiguiño' nagui, ca saashi'ma ñi qara'gaxala', sha'apiguito' seshit quiyim ỹapalaxat da rasauaxashichii.

Mateo 10:37

Cá'maq ỹapacqajnauec ca lqo'iichi queca leta'a, loqo'm caca late'e caỹim, ca'maxare sqa taiguit quiyim ỹalamaxaret. Chaqai cá'maq ỹapacqajnauec ca lqo'iichi queca llaalec, loqo'm caca llaale caỹim, ca ca'maxare sqa taiguit quiyim ỹalamaxaret.