Éxodo 32:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Co'na'le, ca 'naaco' so Moisés: —Ñi qara'gaxala', ñí'maq qota'olec quena Israel llaalqaipi, 'naacsa': Quiñi 'óna icona cá'maq chi lecat, ca pilliu'ga na co'matqa', ca' quiitaguilo naua lasomi', ca chi nalauachiỹata'. Quiñi 'óna ỹalauat ca lqaỹa, nauochaxaua chaqai ca lauora.

Éxodo 32:27 Iomraidhean Croise

Éxodo 32:26

Co'na'le, ca' nachajñi, hueetougui ñi ñigo queso co'matqa'. Ca 'naaco': —Ná'ogue ná'maq ñaqai queetalec ñi qara'gaxala', ca nacpegue' aỹim. Ca sá'ogue so llaalqaipi so Leví lapoouo queso'maxare.

Éxodo 32:28

Ca so Leví llaalqaipi ipaquichigui nqai'en da 'naac so Moisés. Ca quesojo na'xa'a tres mil so ỹalliripi ileu.

Éxodo 32:29

Co'na'le, ca 'naaco' so Moisés: —Ca' nagui, ca' qoỹanaguilo qamiri quiyim qamiri letaxaỹaxanqajanqa na qomyipi quiyim qaretaxaỹa'pegue' ñi qara'gaxala'. Ma' quiñi 'óna npa'guene'e' ca llaalec chaqai quena liỹa queca chi lqaỹa. Ca' vichiguiño' nagui, ca' ñi qara'gaxala' no'ueenaxat nagui ca qayicyaxaguii.

Ezequiel 9:5

Ime, ca' sa'xaỹa ñi qara'gaxala' quiyim 'neetapegalo saua liỹa' ỹale': Co'uaachilec so'maxare, quiugui na na'a' lodegaxat, 'auaxañita ñi ỹo'ueenaxanaxaqui, qaica ca rqouaguigue, lauachii na qo'xoiquipi chaqai na ne'naqaipi, nequetegaxaipi, ñaaqaipioqui' chaqai na 'aallipi. Qam se quelolliỹa ná'maq 'ue na netanec. Ca saua'maxare ỹa'auaxanchiriñi so qo'xoiquipi hueeta'gue da reloxoỹa'gue ñi no'ueenaxanaxaqui.

Lucas 14:26

—No'm 'ue ca nacpegue' aỹim, qam no'm se ỹamaqa'gue ca leta'a, aca late'e, aca loua, llaalqa, caua lqaỹa' ỹale' chaqai caua lqaỹa' 'aalo, chaqai vire'ta dá'maq chi nachaalataxac, se ishit quiyim ỹapaxaguinatec.

2 Corintios 5:16

Vichiguiño' qomi' tot qaica quet cá'maq sa'deenqapega quecá'maq 'neetari' ca qom quena 'laua; ma' quesom sa'deenqatapega quen dá'maq 'neetari' so Cristo na' ñaq ỹouoxontac na 'laua, qam nagui tot qara'deenataxanaxac dajo queso'maxare.

Deuteronomio 13:10

Ca' naqai', do'isa'a na qa', chi ỹovireta'a quiyim ileu nqai'ñi' sauaxat quiyim ỹahotaque ỹoỹootec aqami' quiñi qara'gaxala' qota'olec caqami', ñí'maq naqata'a qami' na'le quiyi Egipto yí'maq hua'ñi na' qami' na'ac.

Deuteronomio 13:6

Ca no'm ca ỹaatqajam ralamaxarichi' rqaỹa'e', loqo'm ca qachaalqui', loqo'm aca qachaalli'i', loqo'm aca rqo'itqachi'i' roua'e', loqo'm ca nauochaxaua'e' riỹa'e' quiyim nemootetacot qami' quiyim nqouagaxaiñitot ca nadenqatec nqolac sqai huañirapega chaqai saua 'auaxaqa qata'alli',