Éxodo 32:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca co'na' so Moisés paguec sqoỹoqaque nqai'en so co'matqa', ca iuane'ta so huaqui llaalec chaqai ca rasotaxaripi, ca' ỹaatqajam ro'o. Ca nenaqaiño' saua lo'qoota'alo qari, ca ropoqoguilo nqai'ne' quena lahi aso quemaralec qa' ladocai.

Éxodo 32:19 Iomraidhean Croise

2 Samuel 6:14

Ca' so David ỹansañi saua loho qaican ishite', chicqoraugui na lino, ca' ỹaatqajam rasot, ỹomatauec da lquesaxanaxa.

Éxodo 15:20

Co'na'le, ca' aso qota'a letaxaỹaxaqui leenaxat María, lqaỹa so Aarón, icona aso nasaquinata. Ca' sá'ogue so liỹa 'aallipi coỹaretalec rasoteta chaqai ỹasaquintapigui aso nasaquinata.

Éxodo 32:18

Qam so Moisés 'naaco': —Dá'maq sa'qaataque se no'ueenec quiyim netoon rauegaxan, chaqai se no'ueenec quiyim rachicota 'ue ca noxonec, 'eco' ỹoqa'a no'ueenec dá'maq sa'qaataque.

Éxodo 34:1

Ca' ñi qara'gaxala' 'naaco' queso Moisés: —Chaqai 'viichi' caua dos qari, denaxachichiriguilo saua 'auaxaqa, qaiyi serelgoto quedá'maq 'au hueetalgoto saua 'auaxaqa qari, sauá'maq poxoỹaxachiriguilo na'le.

Jeremías 31:32

Dajo qana'deenaxac totqai 'nejem so qana'deenaxac queso 'auaxaic qataa'illipi, na' secona'a da lqai'laxat, ca' ñaqata'a quiyi Egipto; ma' saua'maxare se ipacqajanyigui so ña'deenaxac, 'eno'm ỹaatqajam ỹalamaxaret. Ỹim na'gaxala', se'taxajñi da ỹa'qaatec.

Mateo 5:22

Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

Marcos 10:14

Ca co'na' so Jesús iuanchigui dajo, ca' ro'o. Ca 'naaco' quesaua'maxare: —Ñaqai 'xañiỹac na ñaaqaipioqui' ñaqa nacpegue' aỹim, sqai quepaqchita'piguit, ma' da lo'ueenataxanaxac ñi qota'olec quená'maq hueetagui, chaqaina ná'maq neneequesenaxai 'neetari' meca noctoqui'.

Marcos 3:5

Co'na'le, ca so Jesús ro'oogui na' ỹamataugui so qomyipi. Ca' 'ue da lachicoxo, ma' saua'maxare se na'xaỹaxane'. Ca 'naapego' só'maq ỹale: —Ỹeguec nqai'ñi' na rqai'laxachi'. Ca' ỹeguec nqai'en da lqai'laxat, ca chaqa'ma' imeuec.

1 Corintios 10:7

Vichiguiño' qamiri se ishit denaxachii da 'ne'tegue so qomyipi, ma' 'uo' quen na nqouagaxainot na nashiilec nqolac, ma' naua naneresañi la'qaatqa ñi qota'a 'nerac: “So qomyipi nqa'xanñi. Ime, ca' ỹo'uet so lqui'ỹaxac chaqai ne'et. Ime, ca' nachajñi, ca' ỹo'uet ca lemaqachic.”

Efesios 4:26

Chaqai no'm 'ue ca ro'o, qam se ỹa'ue ca lasauaxaset; chaqai cajo lonogoxonaxac sqai queugui nqai'en cá'ogue ca na'xa'a.

Deuteronomio 27:26

Ñi qota'olec ỹa'ue ca nouaxanaxaset cá'maq se na'xaỹaxanalo naua'que naua napaxaguinataxanaxaco quiyim ỹo'ueete'. Ca ná'ogue na qomyipi 'naac: Ajá'a, chaqaida 'neeta dajo.