Éxodo 32:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca co'na' so Josué 'xaỹaco' so laualaxac so qomyipi, ca 'naaco' queso Moisés: —'Ec laualaxac na qom quena' lauataq dá'maq sa'qaataque quiyi co'matqa'.

Éxodo 32:17 Iomraidhean Croise

Job 39:25

Noỹen quena' 'xaỹaque ana npe'te; ñaq qoỹoqo'ta, qa' ita'guit na lahita na lauataq, 'qaataque na la'qaatec na nashi quena' relaataxan chaqai na naualaxaquipi.

Éxodo 17:9

Co'na'le, ca' so Moisés 'naaco' queso Josué: —Vite nca'a'ira'alo ỹale', ca' quiichiguit ma'le, ca nalauachire'e' na Amalec llaalqaipi. Ca' ỹim seuetalec ma'le ada qa' ladocai, llo'qoota'a ma'le aca qo'paq lashilete ñi qota'olec.

Éxodo 24:13

Ime, ca' ne'laxashiguim so Moisés, ca taashi'megue aso qa', taashi'ma yí'maq neeta'ñi ñi qota'olec, liỹaatac so lotaua Josué.

Éxodo 32:16

Qam chaqaiñi ñi qota'olec lo'ueenatqa saua qari, chaqai chaqaiñi ñi'maxare lerqa sauá'maq hueetalgoto saua'maxare.

Éxodo 32:18

Qam so Moisés 'naaco': —Dá'maq sa'qaataque se no'ueenec quiyim netoon rauegaxan, chaqai se no'ueenec quiyim rachicota 'ue ca noxonec, 'eco' ỹoqa'a no'ueenec dá'maq sa'qaataque.

Éxodo 32:6

Ca na' nete'etam queso liỹa na'xa'a, ca qaỹodouo na iseripi quiyim qaỹavigaxat, qaỹa'ue nachitaxanataxanaxat, ca qaỹopilot ñi'maxare. Ca na' ime, ca sá'ogue so qomyipi nqa'xanñi, ca' que'e chaqai ne'et. Ime, ca ne'laxashiguim, ca rishiguiỹata'. (32.7-14 Ñi qota'olec ỹahotaque nalauajñi so lalamaxareteripi, qam so Moisés nqouagaxain quiyim sqai 'ne'tegue dajo.)

Amós 1:14

Ca vichiguiño' scopata'a yi lquepaqataxanaxat yi na'a' Rabá, ca' sojo norec nopoxoỹaxajñi ma'le na lauootoripi yi nashillipi, ỹalequeta'piguit na naualaxaquipi queso lauataq chaqai quena' nouaxanaxanshiguim na nonot lodegaxat.

Amós 2:2

Vichiguiño' scopata'a ma'le yi 'laua Moab, ca' sojo norec nopoxoỹaxajñi ma'le na nashi lauootoripi quiyi na'a' Queriot; ỹalequetapougui so naualaxaquipi queso lauataq chaqai da lelamaxa ana npe'te, ca nilliviñi ma'le so qomyipi na'ñi yi Moab.

Josué 6:10

Qam queso nalauataxairipi 'naaco' so Josué quiyim i'maqajlem, nauaanta'a quiyim qoỹilen quiyim netenegue ca laualaxac.

Josué 6:16

Ca co'na' so netaxaỹaxanqajanqaipi siete pe'taxan. Ca' so Josué 'naaco' queso qomyipi: —¡Raualaxahi! Ñi qara'gaxala' ỹo'uet quiyim qadoxoñiguii najo na'a'.

Josué 6:20

Ca' so qomyipi co'na' ỹaualaq chaqai so netaxaỹaxanqajanqaipi pi'chigui so lpe'tellipi. Ca co'na' 'qaa so Israel llaalqaipi queso lelamaxa so npe'tellipi, ca' ỹaatqajam netenegue da laualaxac, ca' so lapoxonaxat yi na'a' 'guiñi. Ca' qaỹalamaxatau'a yi'maxare, ca' noxonec.

Josué 6:5

Ca ma' qamiri 'xaiỹaque cá'maq ỹaatqajam no'uen npe'taxanaxac, ca' qamiri ỹaatqajam nichiñigue ca raualaxaguii, ca' na nquepaqataxanaxat 'guiñi ma'le. Ca' ma'le, ca' quiñi 'óna caqamiri ỹalamaxateta'a yi na'a'.

1 Samuel 17:20

Ca' queso liỹa nete'e, ca' so David no'teetashiguim, ca ỹa'ue so neloxoỹaq caso qagreta, ca' eec, i'xat sá'ogue só'maq na'ic qoỹaanem queso leta'a Isaí. Ca co'na' ỹovita so co'matqa', ca' so ỹalliripi mashic ỹa'maxañi, eec, ỹaualqatagui quiyim nalauat.

1 Samuel 17:52

Co'na'le, ca' so Israel llaalqaipi chaqai so Judá llaalqaipi ỹaualqagui quiyim nalauat, ca' quelec, ỹocanac, ỹoviraxateta'a yi Gat chaqai ñi lasom yi Ecrón. Quesá'ogue so nayic taỹa'gue da Saaraim queda Gat chaqai yi Ecrón viichi'ñalo na leuaxaic quena filisteo laseripi.