Éxodo 32:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Qam chaqaiñi ñi qota'olec lo'ueenatqa saua qari, chaqai chaqaiñi ñi'maxare lerqa sauá'maq hueetalgoto saua'maxare.

Éxodo 32:16 Iomraidhean Croise

Job 19:24

¡Saxanchi' 'ue ca ỹahote'e ca lecat quiyim ỹotocqosañi, hueesalec nqai'ne' ca quiguiñi loqo'm ca qa', ca' sqai pale' caua lerqa!

Éxodo 32:15

Ca co'na'le, ca' so Moisés rapilñi caso hueetalec quemaralec qa' ladocai, ne'xatete' saua dos qari naneretalgoto da nelaataxanaxaquipi. Saua'maxare qoỹeretalgoto naua'que naua lahil.

Éxodo 32:17

Ca co'na' so Josué 'xaỹaco' so laualaxac so qomyipi, ca 'naaco' queso Moisés: —'Ec laualaxac na qom quena' lauataq dá'maq sa'qaataque quiyi co'matqa'.

Éxodo 34:1

Ca' ñi qara'gaxala' 'naaco' queso Moisés: —Chaqai 'viichi' caua dos qari, denaxachichiriguilo saua 'auaxaqa, qaiyi serelgoto quedá'maq 'au hueetalgoto saua 'auaxaqa qari, sauá'maq poxoỹaxachiriguilo na'le.

Éxodo 34:4

Ca' so Moisés ỹo'ueete' saua dos qari 'neete'm caua 'auaxahi. Ca' queso nete'e na' nete'etam, ca' iconalo saua dos qari, ca' quishi'megue aso qa' ladocai leenaxat Sinaí, ma' chaqaida dá'maq 'naac ñi qara'gaxala'.

2 Corintios 3:3

Ma' qamiri nauá'maq 'ec qamiri nelaata lerecse so Cristo quiyim qomi' sanaxauec. Ca' qamiri nelaata, qam se qoderaxana ca chaqai neraxanaxat, ta'ta'a só'maq ne'Espíritu ñi qota'a maq nca'leetauec. Najo nelaata se qoỹerelec ca qa', ma' qoỹerelgoto naua le'taxanata na qomyipi.

2 Corintios 3:7

Na naqataxaquipi chicqo'ot so Moisés, na'maxare qoỹeretalec so qa', ca' ỹaatqajam 'xoico' na'le na lauaq. Ca so Israel llaalqaipi se ishit ra'iichigui na lashic so Moisés, ma' 'ue na lauaq na lashic, qam so lauaq nqo'neeta'ta', vire'ta na' 'om. Qam co'na' novi' so naqataxaquipi ishit quiyim ralauataxan, ca' qaica 'nejem da lauaq,

Hebreos 8:10

Cá'maq ña'maqataxac so'uet ma'le quena llaalqaipi so Israel ma' ime'ueque cauajo na'xata', 'neetasa' ma'le 'naac ñi qara'gaxala': Sellaagui ma'le yi la'deenataxanaxac na ỹaqataxaquipi, chaqai serelgoto ma'le añi le'taxanata. Ca ma'le, ca' ỹim qota'olec quena'maxare, chaqai na'maxare, ca ỹalamaxareteripi.