Éxodo 32:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so Israel llaalqaipi co'na' retan quiyim qaua' rapilñi so Moisés caso hueetalec qa' ladocai, ca lapoỹo'ot so Aarón, ca 'naaco': —'Viichi' ca qarashiilec, ca' chaqaica cá'maq qolaxalec ma'le. Ma' qomi' se sa'deenaq cá'maq 'neeto' ca Moisés cá'maq naqata'alo qomi' quiyi Egipto.

Éxodo 32:1 Iomraidhean Croise

Génesis 19:14

Co'na'le, ca' so Lot quepegueto saua ladonaxanqa sauá'maq ỹahosaque loua' saua llaale. Ca 'naaco': —¡Ne'laxachishiguim, oquiỹe'e najo, ma' ñi qara'gaxala' nopoxoỹaxajñi ma'le najo na'a'! Qam saua ladonaxanqa se na'xaỹaxanta da 'naac so Lot.

Génesis 21:26

Ca' so Abimelec 'naaco': —Vire'ta nagui saqa' sa'deeno' cá'maq 'neeto' na'le dajo, ma' sqai vito' ỹa'xaỹaxac na'le. Ca' ỹim se sa'den cá'maq ỹo'ueeto' na'le dajo.

Génesis 39:8

Qam so José se na'xaỹaxan, ca 'naaco' caso'maxare: —'Ajñi', so ña'co' pataxailec ná'ogue na louenqaipi. Ca' quiyim aỹim senta'ñi najo, ca ñi'maxare tot qaica ca hueetapigui lauel.

Génesis 44:15

Ca' so José 'naaco' quesaua'maxare: —¿Negue' cá'maq 'neeto' dá'maq 'viichii? ¿Sqa 'yiiñiỹo' queca ỹale 'nejem aỹim ỹa'den quiyim 'ec ra'ỹaauec ca liỹa?

Génesis 44:4

Ca saqa' ỹoxe'ueque quiyi na'a' co'na' so José 'naapega so neloxoỹaq quiyi la'a': —Mo'e', cuañira'pe saua ỹale'. Ca ma' vichi', ca 'ñiraco': ¿Chi'negue ma' dá'maq no'uen pilaxachiguit quecá'maq se no'uen? ¿Chi'negue ma' cuachiỹa aca 'taxaqui plata?,

Éxodo 13:21

Ca' ñi qara'gaxala' liỹaatac so qomyipi quiyi na'xa'a, qam hueetaugui so naueguelec 'aueta'gue dá'maq taata'gue, chaqai quiyi pe, ca' hueetaugui so 'ec norec lauaq, ca' coỹaretalec so'maxare. Ca' vichiguiño' so qomyipi ishit queetagui yi na'xa'a chaqai yi pe.

Éxodo 14:11

Chaqai queso Moisés, ca qohinaco': —¿Ca' sqaco' aca napal lahi' quiyi Egipto, ma' naqachira'alo qomi' quiyim vi'saque qareleu quena 'laua qaica qom? ¿Chi'neco' ma' 'ñitetegue dajo coqomi'? ¿Chi'neco' ma' naqachira'alo qomi' quiyi Egipto?

Éxodo 16:3

Ca 'naaco' quen so qomyipi: —¡Saxanchi' ñi qara'gaxala' ileue' nqai'ne' qomi' na'le quiyi Egipto! Na' senqata'ñi quen yí, ñqa'xanqata'ñi' quen aca qana'ueena no'qaachigui quena la'at, chaqai ỹaatqajam qarquema' quena' squi'ỹaq, qam qamiri naviguiu'galo qomi' najo 'laua qaica qom, ma' viitaque qomá'ogue qaralauat qarqopaaxa.

Éxodo 24:12

Ca' ñi qara'gaxala' 'naaco' queso Moisés: —Quirishi'megue ana qa' nqo'ñirishi'ma na seueta'ñi. Ca ma'le, ca' nauaañira'piguit aỹim, ma' ỹim saañiraxaroma ma'le caua dos qari mashic seretalgoto queda ỹaqataxac chaqai da ilaataxanaxac, qaiyi paxaguiñi' na Israel llaalqaipi.

Éxodo 24:18

Ca' so Moisés inoxonougui so naueguelec, ca quishiguim cada qa' ladocai. Ca' hueetaugui quesaua cuarenta na'xata' chaqai saua cuarenta piri.

Éxodo 32:22

Ca' so Aarón 'naaco': —Qami' ỹa'gaxala', totaxan 'o'iriua'. Qami' 'yiiñite' najo qomyipi ỹaatqajam nqo'ta ỹo'uet da se no'uen.

Éxodo 32:23

Na'maxare 'naapiguiỹa': 'Viichi' ca qarashiilec, qaiyi qara'gaxala', ma' se sa'deenaq negue' cá'maq 'neeto' ca Moisés cá'maq naqata'alo qomi' quiyi Egipto.

Miqueas 6:4

Ỹim ñaqata'a na'le qami' quiyi Egipto, ñaqata'a na'le qami' quiyim qami' na'ac, ỹim sela' na'le so Moisés, Aarón chaqai aso María, sahotaque quiyim ra'gaxalachiri.

Mateo 24:43

Qam qamiri 'yiiñii quiyim cá'maq lauo' ca 'imec, quiyim ỹa'den ca laloqo' cá'maq hua'ñi ca pe, ca novi' ca cuataxai, ca ca'maxare sqai laq, qaiyi se ỹasen quiyim qarocachigui ca lauo'.

Mateo 24:48

Qam cajo nelaatec, no'm se nouoogoñi, ca 'neetapigui lauel quiyim qaua' novi' ca na'co'.

Hechos 17:29

Vichiguiño' nagui, ma' qomi' llaalqaipi ñi qota'olec sqai hueetapigui qouel quiyim ñi'maxare shinqatapega quiyim 'nejem ca nashiilec nqolac oro, loqo'm ca plata, loqo'm ca qa', chi lo'ueenatec ca qom quecá'maq chi la'deenataxanaxac.

Hechos 19:26

Qalaxam qamiri mashic huañiỹa chaqai 'xaichigui queso ỹale, leenaxat Pablo. So'maxare ỹa'xatetac quiyim mesqai qota'a na chaqai qom lo'ueenatec nashiilec. Ca 'xoic na qom huelec so'maxare, chaqai mesqainaata quenajo Efeso, qai'neeta naua'que naua 'lauari quena Asia.

Hechos 7:40

Ca' qohinapega so Aarón: “Sahoqotaque quiyim 'viichi' caua qarashiilqa qota'olqa, qaiyi chaqaicaua caua qara'gaxalate'. Ma' se sa'deenaq ca 'neeto' ca Moisés cá'maq naqaterec qomi' na' senqata'ñi yi Egipto.”

Deuteronomio 31:8

Ca ñí'maq qara'gaxala' chaqaiñi ñí'maq 'auetauec ma'le caqami' chaqai riỹa'isac, se ralachi' chaqai se loỹoote'oga qami'. Ca' vichiguiño' totaxan ro'chi'i' chaqai se ileuetapigui qavilli'. (31.9—33.29 Qaretaqalec so nelaataxanaxaquipi. Dauá'maq co'uaataxante' lapaxaguinataxanaxac so Moisés. So Moisés iuana yi 'laua qaỹachaxantac. So Moisés no'ueenaxat da la'qaatec queso llaalqaipi so Israel.)

2 Pedro 3:4

Ca inate' qamiri ma'le: “¿Negue' cá'maq 'neeto' cá'maq qaỹachaxantac caqamiri quiyim liỹa novi' ca Cristo? Ma' shi'gue na' ileu so 'auaxaic qareta'allipi, ná'ogue chaqaidaata dá'maq 'neetari' shi'gue na' ñaqai chita'gue qaỹo'uet na 'laua.”