Éxodo 3:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ỹim sa'qaatapega da lachitachic na Israel llaalqaipi, chaqai sedaanta'a quiyim na Egipto laseripi 'xoic da lqa'viic quena'maxare.

Éxodo 3:9 Iomraidhean Croise

Génesis 16:11

Ca nagui qami' 'manaxai, ca 'ue ma'le ca qachaalqui'. Ca leenaxat nqai'ñi' ma'le Ismael, loqo'm ñi qota'olec 'qaa, ma' ñi'maxare iuana da re'xoriqui'.

Génesis 31:12

Ca' so nelaatec 'naapiguiỹa': Ỹaatqajam 'ajñite', ca' huañita ma'le quiyim ná'ogue ná'maq quetaq louaaripi nodaachiguiñi 'ue ana lete chaqai 'vii naua lachi' chaqai teulaxaic, ma' yitan dá'ogue dá'maq 'ne'tegue qami' ñi Labán.

2 Reyes 20:5

—Pilliro, ca 'ñirapega ñi Ezequías ñí'maq la'gaxala' na ỹalamaxareteripi, ca 'ñiraco': Ñi qara'gaxala', ñí'maq qota'olec queso 'auaxaic qareta'a David 'naacsa': Ỹim ña'xaỹaxana so nqouagaxainaxaqui' chaqai seuanalo saua rachichi', ca ỹim somachirec. Ca quenauajo tres na'xata', ca' shichi' quirepegue' ñi no'ueenaxanaxaqui quiyim qanqouagaxainot aỹim.

Éxodo 1:11

Co'na'le, ca' na Egipto laseripi ỹa'ue na neloxoỹaq, qaiyi se ỹala'gue quiyim ro'ueenataxan nqai'en, no'xoñishiguim nqai'en naua na'aate' quiyi Pitón chaqai yi Ramsés, la'maqataxanqa'o' quena' ỹa'maxat na na'ic so Faraón.

Éxodo 1:22

Qam so Faraón 'naaco' quesó'maq chi lauo' laseripi: —No'm 'ue ca ne'qaañi noctoqui' quena hebreo lasellipi, ca qainaxe'ogo' ma'le aso lachiugue. Qam ana nocto'lli' ne'qaañi, ca' qanca'laxatetauec.

Éxodo 1:8

Ca na' ncopa, ca 'uo' so dalaxaic nashi quiyi Egipto. So'maxare se iuanapega so José, ca' 'naaco' quesó'maq reloqota'a qomyipi:

Éxodo 2:23

Ca co'na' mashic 'vii saua ñaxari, ca ileuo' so nashi quiyi Egipto. Qam so llaalqaipi so Israel ñaqai queeta nqohin da le'xoric, ma' na'aquipi. Co'na'le, ca' ñi qota'olec 'xaỹa da noỹenaxac.

Éxodo 2:25

Ca' ñi qota'olec iuana, ca' retan dá'maq 'neetari' so llaalqaipi so Israel.

Éxodo 3:7

Qam ñi qara'gaxala' queetalco' dá'maq ỹa'xatetac, 'naaco': —Ỹim ỹaatqajam seuanchigui da le'xoric yi ỹalamaxareteripi neeta'ñi yi Egipto. Sa'qaatapega quiyim se nqo'ta dá'maq qohinta'gue quená'maq neloxoỹaq quena no'ueenataxanaq, chaqai sa'deenta dá'maq le'xoric.

Eclesiastés 4:1

Ca lotqai sa'ajan dá'maq 'neetari' ná'maq pataqatañi na qom quena 'laua. Ca' seuana quiyim ná'maq qaipataqatañi noỹentagui, qam qaica cá'maq lo'daxachigui lauel; ỹaatqajam 'ue da lqa'viic ná'maq pataxasoxontac, qam qaica cá'maq lo'daxachigui lauel.

Eclesiastés 5:8

'Neeto' re'laqaita quiyim 'ue ca 'laua qaica ca qaỹauaaque na 'xoraic chaqai quiyim se qaỹa'maxata'gue dá'maq no'uen ñicyaxac, ma' ná'maq lodegaxat nashi qoshiilec cá'maq liỹa nashi paguec lecaic, chaqai ná'maq paguec lecaic qoshiilgoto nauá'maq liỹa' paguec sqa lote'.

Amós 4:1

Na'xaỹaxañiỹa dajo, qamiri 'aallipi 'deenaxanqachaqaipi nesallaxanaipi, aná'maq paguec loyac quiyi Samaria, aná'maq pataxañi na 'xoraic chaqai se ỹaqamaxat ná'maq 'ue na louenaxanaxa, aná'maq ila' na louaaripi quiyim idaanaque ca ne'taxat lataxa.

Deuteronomio 26:7

Ca na'le, ca' sashiilaq ñi qara'gaxala' qota'olec queso qareta'allipi quiyim qarotauan. Ca ñi'maxare na'xaỹaxana da qarashiilaxanaxac, ca' iuana da qanqa'viic, ca' qomi' loxonqa da ne'xoric.

1 Samuel 9:16

—Ma' nete'e ma' chaqaiyi ñiichi'ñi añi ra'aasa, ca ñila' ca ỹale chicqa'a yi 'laua Benjamín. Ca' chaqaica cá'maq cochirelec ma'le quiyim vite lashi na ỹalamqateripi, ná'maq llaalqaipi so Israel. Ca' chaqaica cá'maq nca'laxatec ma'le queda lelaataxanaxac na filisteoipi. Ma' ỹim ỹaatqajam 'ue da i'xorenataxanaxa na' noviro'ot aỹim da lashiilaxanaxac.