Éxodo 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ Vichiguiño' ñanac, sahotaque ñaqata'a queda lquesaxanaxa quena Egipto laseripi, ñaqata'a quiyijo 'laua. Ca' sauega yi 'laua lodegaxat chaqai lo'yaxanec, yí'maq hua'ñi quiyim sqoue na huaca lo'i' chaqai na rapic li'i, yí'maq na'ñi na cananeoipi, na hititaipi, na amorreoipi, na ferezeoipi, na heveoipi chaqai na jebuseoipi.

Éxodo 3:8 Iomraidhean Croise

Génesis 11:5

Qam ñi qara'gaxala' renotec ỹa'ajan ca na'a' chaqai aso naue ỹo'ueetetac so qomyipi.

Génesis 11:7

Ca 'maxaraic quiyim yinotaxauec, ca ỹoricchi nqaishinaxai' naua la'qaatqa, qaiyi mesqai 'xaỹata'.

Génesis 15:13

Co'na'le, ca qohinapego' quiñi qara'gaxala': —Qami' 'yiiñi' quiyim ma'le ca qachaalaxai'pi ỹoqa'a ma'le ca neetalec 'laua, ca na'aquipi ma'le chaqai se qaỹa'maxata'gue, ỹoviraxaterauec caua cuatrocientos ñaxari.

Génesis 15:14

Qam ỹim qai'neeta sa'ue ca nouaxanaxaset cá'maq ỹo'uet quiyim la'aquipi ca'maxare. Ca ma' ime, ca qoỹaxanec ma'le ca qachaalaxai'pi. Ma'le, ca' ỹaatqajam lalamaxaret da lesallaxa.

Génesis 18:21

Ca' nagui shicpegue' yi'maxare sa'aaten quiyim llic quiyim chalego la'aaxa dá'maq ỹo'ueetetac dá'maq shi'gue qaỹa'xatetapiguim, qaiyi ỹaatqajam sa'deenta.

Génesis 43:11

Co'na'le, ca 'naaco' so leta'a Israel: —Hua', mashic qaica quet cá'maq lata'. Ca' yí, 'viichii dá'maq shinac: ỹoxoiguilo naua qachoxoquiri queca ramii quecajo ỹale. Dohi ma'le ná'maq paguec loyac la najo 'laua. 'Viichio' ca ri'ỹaaguii quena 'ec qo'paq louaq leenaxat bálsamo, chaqai na rapic li'i, chaqai coraxat lo'daxaraic lahita, chaqai na mirra chaqai ana qo'paq ala leenaxat nueces chaqai ana almendras.

Génesis 46:4

Ỹim ñauequeta'pegue' qami' nagui quiyim 'itegue da Egipto, chaqai chaqaỹim ñaqata'a ma'le na qachaalaxai'pi quiyi'maxare. Chaqai ma' ỹovita ca lqodoc aca rqauaxagui'i', ca' ñi José hueetau'e ma'le na rahi'i'.

Génesis 50:24

Ca 'uo' so na'xa'a, ca so José 'naaco' queso lqaỹaripi: —Tot qaỹaloq yileu. Qam ñi qota'olec rotauañii ma'le, naqata'alo qamiri ma'le quenajo 'laua, ca i'xate' qamiri ma'le quiyi 'laua ỹachaxan na'le, ỹahotaque ỹaanema saua qarapiri Abraham, Isaac chaqai so qareta'a Jacob.

Salmos 91:15

Ma' roỹaxanaque aỹim, ca' sasaachiguit; ¡ca chaqaỹim ná'maq iỹaatac ma'le! Ñaqata'a quenaua le'xoyaxaco, ca so'uet quiyim 'xoic na imaqachin;

Éxodo 12:41

Ca' chaqaiso so na'xa'a na' ỹovi' cuatrocientos treinta ñaxari, ca sá'ogue so nalliripi ñi qara'gaxala' ca'e sojo 'laua Egipto.

Éxodo 3:17

Chaqai qai'neeta 'naapiguiỹa' quiyim naqata'alo qamiri queda lqa'viic na Egipto, ca ỹauegue' qamiri queda 'laua na'ñi na cananeoipi, hititaipi, amorreoipi, ferezeoipi, heveoipi chaqai na jebuseoipi. Yí'maq 'laua sqoue naua huaca lo'i' chaqai na rapic li'i. (3.18-22 Dá'maq ỹaanec la'qaatec ñi qota'olec queso Moisés)

Éxodo 5:23

Ma' na' ime quiyim sechoxotem ñi Faraón dá'maq 'ñirac quiyim shinapega, ca ñi'maxare lama'xa da lqa'viic quena qomyipi, qam qami' sqai 'ootaxañirelec.

Isaías 64:1

Saxanchi' cona'gue nqai'ñi' na piguim, ca' renochirec, ca' quiyim novichiriñi, ca i'loxol nqai'ñi' ana qa' ladocaipi,

Jeremías 2:7

Ỹim ñauega na'le ná'maq no'uen 'laua, qaiyi ỹa'ic ná'maq no'uen nanecsec ala chaqai ná'maq no'uen huaalec na'maxare. Qam qamiri na' noviri, ca' hualaxaiñii na 'laua, ca 'viichii quiyim yaqaica'a na ỹalamaxaret ña'laua.

Amós 2:10

Qam qamiri ñaqata'alo na'le quiyi Egipto, ca sashaxanta'pe qamiri quesaua cuarenta ñaxari quiyi 'laua qaica qom, ma' sahotaque saanema qamiri yí'maq na'laua so qomyipi.

Números 13:18

Ỹaatqajam 'ajñita cá'maq 'neeta ca 'laua chaqai ná'maq ỹalliripi neetalec ca'maxare, quesaxanaxaic loqo'm se quesaxan, chaqai no'm 'xoic loqo'm sqo vite'.

Números 13:19

'Ajñii naua la'aate' no'm chi na'daañi 'imcoqui' loqo'm ỹaatqajam qaỹapootau'alo, chaqai cá'maq 'laua quiyim ỹaatqajam lo'yaxanec loqo'm se no'uen.

Números 13:27

Co'na' ime, ca 'neraco' queso Moisés: —Qolaqpegue' yí'maq 'laua qarelachita. Ỹaatqajam llic quiyijo 'laua ỹaatqajam sqoue na huaca lo'i', chaqai na rapic li'i. Ca' najo aná'maq la ana nanecse quiyijo 'laua.

Juan 3:13

Ma' qaica ca taigue da piguim, ta'ta'a ná'maq nenojñi chicqashiguim queda piguim, ná'maq qohinac ỹale llaalec, chaqai'en neeta'gue da piguim.

Juan 6:38

Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Deuteronomio 6:3

Ca' vichiguiño' qamiri Israel llaalqaipi, napaxaguiñiỹa quiyim 'viichii dajo. Qaiyi qaicanqaida queda qayicyaxaguii, ca chi ỹovireto'o' quiyim qamiri 'xoic ma'le quena 'laua quiyim ñiitalec. Najo 'laua ná'maq sqoue na huaca lo'i' chaqai na rapic li'i. Ca' ỹaatqajam ipaquichigui dá'maq ỹachaxantac ñi qara'gaxala' qota'olec quesaua 'auaxaqa qata'allii.

Deuteronomio 7:1

Ñi na'gaxala' ñí'maq qota'olec caqamiri inoxonaqta'a ma'le qamiri ca 'laua cá'maq ñiỹalec ma'le. Ca ỹo'daauec ma'le huañichigui ca siete ỹoreta'oguit qomyipi paguec lecaic chaqai paguec lquesaxanaxa caqamiri: na hitita laseripi, na gergeseoipi, na amorreoipi, na cananeoipi, na ferezeoipi, na heveoipi chaqai na jebuseoipi.