Éxodo 3:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam ñi qara'gaxala' queetalco' dá'maq ỹa'xatetac, 'naaco': —Ỹim ỹaatqajam seuanchigui da le'xoric yi ỹalamaxareteripi neeta'ñi yi Egipto. Sa'qaatapega quiyim se nqo'ta dá'maq qohinta'gue quená'maq neloxoỹaq quena no'ueenataxanaq, chaqai sa'deenta dá'maq le'xoric.

Éxodo 3:7 Iomraidhean Croise

Génesis 16:11

Ca nagui qami' 'manaxai, ca 'ue ma'le ca qachaalqui'. Ca leenaxat nqai'ñi' ma'le Ismael, loqo'm ñi qota'olec 'qaa, ma' ñi'maxare iuana da re'xoriqui'.

Génesis 18:21

Ca' nagui shicpegue' yi'maxare sa'aaten quiyim llic quiyim chalego la'aaxa dá'maq ỹo'ueetetac dá'maq shi'gue qaỹa'xatetapiguim, qaiyi ỹaatqajam sa'deenta.

Génesis 21:17

Qam ñi qota'olec 'qaatapego' so noctoqui' na' noỹentac. Ca ñi'maxare nela' so lelaatec piguim le'ec, ca so'maxare roỹaxano' aso Agar, ca 'naaco': —Agar, ¿negue' ca 'ñi'sa'pegue? Totaxan ro'chi'i', ma' ñi qota'olec 'qaatapega da noỹenaxac yi noctoqui' quiyí'maq hueeta'ñi.

Génesis 29:32

Ca' aso Lea 'man, ca 'ue so llaalec só'maq ỹanegue leenaxat Rubén, loqo'm 'anta ỹaalec, ma' 'naaco': —Ñi qara'gaxala' iuana da ỹachicoxo, ca vichiguiño' nagui nqo'chiiua' ñi ỹoua ma'le.

Génesis 31:12

Ca' so nelaatec 'naapiguiỹa': Ỹaatqajam 'ajñite', ca' huañita ma'le quiyim ná'ogue ná'maq quetaq louaaripi nodaachiguiñi 'ue ana lete chaqai 'vii naua lachi' chaqai teulaxaic, ma' yitan dá'ogue dá'maq 'ne'tegue qami' ñi Labán.

Génesis 31:42

Quetqai sqai sento'oto' ñi qota'olec queca Abraham, ñi qota'olec ñí'maq nqouagaxaintacot ñi ita'a Isaac, ca' peeta'a sqaca quet aca nañaañi' queta' yilachirec. Qam ñi qota'olec iuana da ỹachicoxo chaqai dá'maq ñigui da ỹo'ueenataxanaxac. Ca' squepe, ca retaxaỹa'a qami'.

2 Reyes 20:5

—Pilliro, ca 'ñirapega ñi Ezequías ñí'maq la'gaxala' na ỹalamaxareteripi, ca 'ñiraco': Ñi qara'gaxala', ñí'maq qota'olec queso 'auaxaic qareta'a David 'naacsa': Ỹim ña'xaỹaxana so nqouagaxainaxaqui' chaqai seuanalo saua rachichi', ca ỹim somachirec. Ca quenauajo tres na'xata', ca' shichi' quirepegue' ñi no'ueenaxanaxaqui quiyim qanqouagaxainot aỹim.

Salmos 22:24

Ma' qaica quet cá'maq imaqa'guit ñi'maxare chaqai qaica ca napacalec quena leuogoxo ca 'xoraic, chaqai se nañoxotapeguem. ¡Quena' rashiilaxan quiyim qaỹotauan, ca na'xaỹaxanta!

Éxodo 1:11

Co'na'le, ca' na Egipto laseripi ỹa'ue na neloxoỹaq, qaiyi se ỹala'gue quiyim ro'ueenataxan nqai'en, no'xoñishiguim nqai'en naua na'aate' quiyi Pitón chaqai yi Ramsés, la'maqataxanqa'o' quena' ỹa'maxat na na'ic so Faraón.

Éxodo 1:8

Ca na' ncopa, ca 'uo' so dalaxaic nashi quiyi Egipto. So'maxare se iuanapega so José, ca' 'naaco' quesó'maq reloqota'a qomyipi:

Éxodo 22:23

ma' no'm sqa 'maxachiỹa'gue, ca' nqouagaxainot aỹim yashiila quiyim sotauan, ca' ỹim sotauan.

Éxodo 5:10

Ca' so idaaneguelec chaqai so lashillipi so qomyipi eec, ca 'naapega so qomyipi: —Ñi Faraón 'naac coqomi' quiyim tot qoỹaante'ema qamiri nagui na 'uaqapi.

Éxodo 5:6

Ca' chaqaiso só'maq na'xa'a, ca' so Faraón ỹilen so neloxoỹaripi chaqai so lashillipi so qomyipi, 'naaco':

Hechos 7:34

Ma' ỹim seuana da nqa'viic yi ỹalamqateripi neeta'ñi yi Egipto, sa'xaỹa da laualaxac. Ca vichiguiño' yinotegue'sop, sahotaque ñaqata'a. 'Anta, ma' selachitegue ma'le da Egipto.”

Hebreos 4:15

Ma' só'maq qaretaxaỹaxanqajnec, so'maxare ishit i'xorene' qomi', ma' qaica ca qarquesaxanaxa. Ma' so'maxare qai'neeta 'xoico' na'le da le'xoric, ma' 'xoic da ne'guenaxaquipi ỹoreta'oguit, 'nejme' qomi', qam so'maxare qaica ca lasauaxaset.

1 Samuel 9:16

—Ma' nete'e ma' chaqaiyi ñiichi'ñi añi ra'aasa, ca ñila' ca ỹale chicqa'a yi 'laua Benjamín. Ca' chaqaica cá'maq cochirelec ma'le quiyim vite lashi na ỹalamqateripi, ná'maq llaalqaipi so Israel. Ca' chaqaica cá'maq nca'laxatec ma'le queda lelaataxanaxac na filisteoipi. Ma' ỹim ỹaatqajam 'ue da i'xorenataxanaxa na' noviro'ot aỹim da lashiilaxanaxac.