Éxodo 3:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Éxodo 3:6 Iomraidhean Croise

Génesis 12:1

'Uo' so na'xa'a, ca 'naaco' ñi qara'gaxala' queso Abram: Lachi' na na'laua'e' chaqai na qauochi' laseripi chaqai na la'a' ñi qataa'i', ca' quirepegue' yí'maq 'laua sachaxanem qami' ma'le.

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 17:3

Ca' so Abram ni'iiñi, ỹoviraqta'guit na latap na 'laua co'na' ñaq retaqatac ñi qota'olec, 'naaco':

Génesis 24:12

Co'na'le, ca' nqouagaxain, 'naaco': —Qami' ỹa'gaxala' ma' qami' qota'olec quiñi ña'co' Abraham, no'ueenaxachi' ca ỹicyaxac, choxochite' ca rqouagaxa'e' quiñi ña'co'.

Génesis 26:24

Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 28:17

Ca' 'xoic da lqolonaxa, ca ra'deenataxantaco', 'naaco': Ỹaatqajam 'xoic lichic najo 'laua, ma' najo na'ñi na la'a' ñi qota'olec, ¡chaqai lasom na piguim!

Génesis 31:42

Quetqai sqai sento'oto' ñi qota'olec queca Abraham, ñi qota'olec ñí'maq nqouagaxaintacot ñi ita'a Isaac, ca' peeta'a sqaca quet aca nañaañi' queta' yilachirec. Qam ñi qota'olec iuana da ỹachicoxo chaqai dá'maq ñigui da ỹo'ueenataxanaxac. Ca' squepe, ca retaxaỹa'a qami'.

Génesis 32:9

Ca na' ime, ca' nqouagaxain, 'naaco': —Qami' ỹa'gaxala', qami' qota'olec queso ỹapi' Abraham chaqai ca ita'a Isaac, ma' 'ñirapiguiỹa' quiyim yapila na ña'laua chaqai na iuo' laseripi, chaqai quiyim 'ñirac no'ueenaxachi' ca ỹicyaxac.

1 Reyes 18:36

Ca co'na' ỹovita ca laloqo' quiyim qoỹaano aca nachitaxanataxanqate, ca' so qota'a letaxaỹaxaqui, leenaxat Elías, nqo'neuo. Ca' ỹaatqajam netenegue da la'qaatec, 'naaco': —¡Qami' ỹa'gaxala', qami' qota'olec queso qareta'a Abraham, Isaac chaqai so Israel: nachaxañi' nagui quiyim qami' qota'olec queso qareta'a Israel, chaqai quiyim yilachi', vichiguiño' so'uet dá'ogue dajo ma' qami' ná'maq yilachi'!

1 Reyes 19:13

Ca' so Elías co'na' 'xaỹaque so'maxare, ca' ỹapogui na lashic queso lapo'. Ca' nenoxonec, ca' hueete'e na lahi ñi ñigo queso lauac. Co'na'le, ca 'xaỹaque so nivillaxac 'naaco' queso'maxare: —Elías, ¿negue' cá'maq 'ñi'sa'pegue quenajo?

Ester 3:4

Chaqai quesaua'que saua na'xata' qaidaata qainateta'pegue, qam so'maxare se na'xaỹaxan. Ca co'na'le, ca' qara'qaataxana so Amán, sha'apiguito' so Mardoqueo ipaquichigui nqai'en da la'qaatec, ma' so'maxare shi'co' 'naac quesaua'maxare quiyim judío le'ec.

Éxodo 15:2

Dajo ỹo'ueenec saantacot ñí'maq qara'gaxala', ñi'maxare chi iquesaxanaxa chaqai ica'laxa. Ñi'maxare chaqaiñi ñi qota'olec caỹim, ca' semaqachintac; ñí'maq qota'olec quiyi ita'a, ca' ỹim sapacqajnauec.

Éxodo 3:16

Mo'e', lapooñirata' yi qo'xoiquipi quiyi Israel llaalqaipi. Ca 'ñirapega: Ñi qara'gaxala' qota'olec quesó'maq 'auaxaic qareta'allipi, ñi qota'olec queso Abraham, Isaac chaqai so Jacob, nachaxana ỹim na'le. Ca 'naapiguiỹa' quiyim na'xaỹaxanalo qamiri chaqai iuana dá'maq nqa'viiguii quena Egipto laseripi.

Éxodo 33:20

Qam sechoxotem qami' quiyim sqai huañirigui na ỹashic, ma' qaica ca qom quiyim iuañiua', qam ñaqai queeta nca'leetauec.

Éxodo 4:5

Ca 'naaco' ñi qara'gaxala': —Ca' dajo 'neeta ma'le, qaiyi qoyiuelec quiyim nachaxana qami' najo na'gaxala', qota'olec quesó'maq 'auaxaic qataa'illipi, qota'olec queso Abraham, Isaac chaqai so Jacob.

Jeremías 31:33

Dajo dá'maq ña'deenaxac ma'le quena llaalqaipi so Israel, ma' ỹovita cajo na'xa'a: Da ilaataxanaxaquipi sellaagui añi le'taxanata chaqai shiriñi quiyi la'deenataxanaxac loma'. Ca' ỹim qota'olec ma'le quena'maxare, chaqai na'maxare, ca' ỹalamaxareteripi. Ỹim na'gaxala', se'taxajñi da ỹa'qaatec.

Mateo 17:6

Co'na' 'xaita dajo, ca' saua lapaxaguinatqa nqa'paxañiñi quena 'laua, ma' 'xoic da lqolonqa'.

Mateo 22:32

“Chaqaỹim ná'maq ỹim qota'olec queso Abraham, Isaac chaqai so Jacob.” Ma' ñi qota'olec mese qota'olec quena leuaxaiquipi, ta'ta'a ná'maq nca'leetauec.

Marcos 12:26

Qam quedá'maq 'neeta quiyim liỹa qanca'laxatec na leuaxaiquipi, ¿saqa' taxahilco' quen aso lerecse so Moisés, cá'maq 'neeto' na' ñi qota'olec retaqata'pegue' so'maxare 'maqatapougui aso qo'paqo'lli' ỹaviquetaugui? Ma' ñi'maxare 'naaco': “Chaqaỹim ná'maq ỹim qota'a queso Abraham, chaqai so Isaac, chaqai so Jacob.”

Lucas 20:37

Vire'ta so Moisés ỹa'xat quiyim ishit liỹa nca'leuec na leuaxaiquipi queda na'qaatec co'na' hueetau'a aso qo'paqo'lli' ỹaviquetaugui, qam se nasogoñi. Ca' quiyi, ca 'naac ñi qara'gaxala': “Aỹim chaqaỹim qota'olec queso Abraham, Isaac, chaqai so Jacob.”

Lucas 5:8

Ca co'na' iuana dajo so Simón, ca' ỹa'dooto naua le'cootal so Jesús. Ca' 'naapega, 'naaco': —Noỹoochirec caỹim qami' ỹa'gaxala', ma' ỹim ỹaatqajam aỹim ỹale sauaqhuaic.

Hechos 7:32

“Ỹim ná'maq ỹim qota'olec quesaua 'auaxaqa qata'alli' Abraham, Isaac, chaqai so Jacob.” Ca' so Moisés ỹaatqajam i'loxolqachit da lqolonaxa, ca' se ishit ra'ỹa'a.

Hechos 7:34

Ma' ỹim seuana da nqa'viic yi ỹalamqateripi neeta'ñi yi Egipto, sa'xaỹa da laualaxac. Ca vichiguiño' yinotegue'sop, sahotaque ñaqata'a. 'Anta, ma' selachitegue ma'le da Egipto.”

Deuteronomio 6:3

Ca' vichiguiño' qamiri Israel llaalqaipi, napaxaguiñiỹa quiyim 'viichii dajo. Qaiyi qaicanqaida queda qayicyaxaguii, ca chi ỹovireto'o' quiyim qamiri 'xoic ma'le quena 'laua quiyim ñiitalec. Najo 'laua ná'maq sqoue na huaca lo'i' chaqai na rapic li'i. Ca' ỹaatqajam ipaquichigui dá'maq ỹachaxantac ñi qara'gaxala' qota'olec quesaua 'auaxaqa qata'allii.

Hebreos 11:16

Qam so'maxare ñaq ipaquetaque cá'maq ỹaatqajam lo'yaxanec lalamaxaret 'laua, cá'maq na'a' hueeta'gue da piguim. Vichiguiño' ñi qota'a se nayiloxonlec quiyim qaỹamata'gue qota'olec quesaua'maxare, ma' ñi'maxare shi'gue ỹaqatqajantari' ca na'a' lodegaxat ỹauaaque la'a' so'maxare.

Hebreos 12:21

Ỹaatqajam chalego lichic só'maq qara'iita'a, vire'ta so Moisés 'naaco': “Ỹaatqajam yi'loxoltari' quena ỹoqolonaxa.”

Apocalipsis 1:17

Ca na' seuana, ca' seuañi, 'ec yileu. Qam so'maxare ỹashil-lec aỹim, ỹahote'e da loic. Ca 'naapiguiỹa': —Totaxan ro'chi'i'. Ỹim na' ỹim 'auaxaic, chaqai aỹim ná'maq spa'aatec.

Jueces 13:22

Ca 'naaco' caso loua: —Ỹaatqajam qareleu ma'le, ma' qomi' ya'ỹoqochigui na lashic ñi qota'olec.