Éxodo 3:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Chaqai qai'neeta 'naapiguiỹa' quiyim naqata'alo qamiri queda lqa'viic na Egipto, ca ỹauegue' qamiri queda 'laua na'ñi na cananeoipi, hititaipi, amorreoipi, ferezeoipi, heveoipi chaqai na jebuseoipi. Yí'maq 'laua sqoue naua huaca lo'i' chaqai na rapic li'i. (3.18-22 Dá'maq ỹaanec la'qaatec ñi qota'olec queso Moisés)

Éxodo 3:17 Iomraidhean Croise

Génesis 46:4

Ỹim ñauequeta'pegue' qami' nagui quiyim 'itegue da Egipto, chaqai chaqaỹim ñaqata'a ma'le na qachaalaxai'pi quiyi'maxare. Chaqai ma' ỹovita ca lqodoc aca rqauaxagui'i', ca' ñi José hueetau'e ma'le na rahi'i'.

Génesis 50:24

Ca 'uo' so na'xa'a, ca so José 'naaco' queso lqaỹaripi: —Tot qaỹaloq yileu. Qam ñi qota'olec rotauañii ma'le, naqata'alo qamiri ma'le quenajo 'laua, ca i'xate' qamiri ma'le quiyi 'laua ỹachaxan na'le, ỹahotaque ỹaanema saua qarapiri Abraham, Isaac chaqai so qareta'a Jacob.

Génesis 50:25

Co'na'le, ca ỹo'uet quiyim so llaalqaipi so Israel ỹaanot da la'qaatec ñi qota'olec. Ca 'naaco' quesaua'maxare: —Ỹaatqajam llic ñi qota'olec rotauañii ma'le. Ca ma' ỹovirelec ipaquichigui dajo, ca 'xachii'o' ma'le na ipi'naqa.

Éxodo 32:34

Ca' qami' qui', viquita na qomyipi yí'maq shiquetapi'ñi. Ca' so ilaatec piguim le'ec ỹashaxantac qami' ma'le. Ca ma' noviro ca na'xa'a quiyim sa'ue ca nouaxanaxaset, ca ỹim sa'ue ma'le ca nouaxanaxaset cá'maq 'ue ca lasauaxaset.

Números 13:27

Co'na' ime, ca 'neraco' queso Moisés: —Qolaqpegue' yí'maq 'laua qarelachita. Ỹaatqajam llic quiyijo 'laua ỹaatqajam sqoue na huaca lo'i', chaqai na rapic li'i. Ca' najo aná'maq la ana nanecse quiyijo 'laua.

Deuteronomio 26:9

Ca' nauegalo qomi' ná'maq senqata'ñi nagui. Ca' ỹaanema qomi' najo 'laua ná'maq hua'ñi quiyim sqoue na huaca lo'i' chaqai na rapic li'i.

Deuteronomio 6:3

Ca' vichiguiño' qamiri Israel llaalqaipi, napaxaguiñiỹa quiyim 'viichii dajo. Qaiyi qaicanqaida queda qayicyaxaguii, ca chi ỹovireto'o' quiyim qamiri 'xoic ma'le quena 'laua quiyim ñiitalec. Najo 'laua ná'maq sqoue na huaca lo'i' chaqai na rapic li'i. Ca' ỹaatqajam ipaquichigui dá'maq ỹachaxantac ñi qara'gaxala' qota'olec quesaua 'auaxaqa qata'allii.

Josué 24:11

Ca na'le, ca' qamiri paguiỹa'ta aso lachiugue Jordán, chaqai viriỹau'a yi Jericó. Ca só'maq neeta'ñi yi Jericó, amorreoipi, ferezeoipi, cananeoipi, hititaipi, gergeseoipi, heveoipi chaqai so jebuseoipi, so'maxare nalauajto qamiri. Qam ỹim so'uet quiyim qadoxoñiguii so'maxare.