Éxodo 3:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Mo'e', lapooñirata' yi qo'xoiquipi quiyi Israel llaalqaipi. Ca 'ñirapega: Ñi qara'gaxala' qota'olec quesó'maq 'auaxaic qareta'allipi, ñi qota'olec queso Abraham, Isaac chaqai so Jacob, nachaxana ỹim na'le. Ca 'naapiguiỹa' quiyim na'xaỹaxanalo qamiri chaqai iuana dá'maq nqa'viiguii quena Egipto laseripi.

Éxodo 3:16 Iomraidhean Croise

Génesis 1:7

Ca' ñi qota'olec ỹo'uet so lquepaxaset, ca ỹoỹoota'chi na huaxaỹaq; 'uo' na lahi pa'aañi queso lquepaxaset, chaqai so liỹa lahi, ca' pa'aashiguim.

Génesis 21:1

Ca' ñi qara'gaxala' na' ỹa'deentapega aso Sara, ca ipacqajanchigui dá'maq 'naaco' na'le.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 48:15

Ime, ca' ỹaanec da no'uen la'qaatec queso José, 'naaco': Ñí'maq qota'olec ñí'maq huelec so ỹapi' Abraham chaqai so ita'a Isaac, ñí'maq qota'olec ñí'maq quepaqataxanteguelec aỹim shi'gue na' ñaq ñi'xaỹañi,

Génesis 50:24

Ca 'uo' so na'xa'a, ca so José 'naaco' queso lqaỹaripi: —Tot qaỹaloq yileu. Qam ñi qota'olec rotauañii ma'le, naqata'alo qamiri ma'le quenajo 'laua, ca i'xate' qamiri ma'le quiyi 'laua ỹachaxan na'le, ỹahotaque ỹaanema saua qarapiri Abraham, Isaac chaqai so qareta'a Jacob.

Salmos 33:18

Qam ñi qara'gaxala' se neme cochiitapega ná'maq imaqachin ñi'maxare chaqai pi'ỹa'a da le'xorenataxanaxa,

Salmos 8:4

ca viichigui na iuel quiyim shinacsa': ¿Negue' quet ná'maq chi ỹale? ¿Negue' quet ná'maq chaqai qom? ¿Chi'negue ma' sqa 'laxachite chaqai quelollisapega na'maxare?

Éxodo 1:8

Ca na' ncopa, ca 'uo' so dalaxaic nashi quiyi Egipto. So'maxare se iuanapega so José, ca' 'naaco' quesó'maq reloqota'a qomyipi:

Éxodo 13:19

Ca' so Moisés i'xate' saua lpi'naqa so José, ma' so José 'naaco' na'le queso llaalqaipi so Israel quiyim ỹaan da la'qaatec quiyim qaipacqajanchigui dá'maq la'qaatec: Ỹaatqajam llic quiyim ñi qota'olec ỹotauane' qamiri ma'le, qam ma' ỹovirelec quiyim ipaquichigui dajo, ca' qamiri 'xachii' ma'le naua ipi'naqa.

Éxodo 15:14

Ná'ogue na ỹoreta'oguit qomyipi ỹaatqajam i'loxol ma' 'ue ca la'xaỹaxac, na filisteoipi namaqachigui ma'le quena nqui'ic,

Éxodo 17:5

Ca' ñi qara'gaxala' 'naaco' queso'maxare: —Mo'e', 'avisauec quena qomyipi. Vite caua nauegaxauachi' quena qo'xoiquipi quena Israel. 'Xachi' qai'neeta aca rashillichi'i' cá'maq lo'o nqai'ñi' na'le aso huaaxai. Ca nagui chaqa'ma' qui'.

Éxodo 2:25

Ca' ñi qota'olec iuana, ca' retan dá'maq 'neetari' so llaalqaipi so Israel.

Éxodo 24:11

Ca' ñi qota'olec qaico' ca 'negue na'le queso qomyipi nca'acseripi queso Israel llaalqaipi. Ca' so'maxare iuana ñi qota'olec, ca' na'le, ca' so qomyipi que'e chaqai ne'et.

Éxodo 3:2

Ca hua'ño'yi na'le, ca' qanachaxano' queso lelaatec ñi qara'gaxala' piguim le'ec caso qo'paqo'lli' hueetaugui so norec lauaq. Ca' so Moisés ỹaatqajam na'ijne'tegue, ca iuane'ta quiyim aso qo'paqo'lli' 'ue ana le ỹaatqajam ỹaviquetaugui, qam se nasogoñi.

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Éxodo 4:1

—Caalata'm sqai huelec aỹim ma'le chaqai se na'xaỹaxañiua' —'naaco' so Moisés—. Ta'ta'a quiyim 'naac ma'le caỹim: Peeta'a se nachaxana qami' ñi qara'gaxala'.

Éxodo 4:29

Ca na' ime, ca saua'maxare que' lapoonta' ná'ogue ná'maq qo'xoiquipi quena llaalqaipi so Israel.

Éxodo 4:31

Co'na'le, ca' na qomyipi ỹaatqajam huejlec. Chaqai co'na' ỹa'den quiyim ñi qara'gaxala' na'xaỹaxana so'maxare chaqai quiyim iuana da le'xoric so'maxare, ca ỹa'chi'iñi naua le'cootal, ca' nqouagaxainot ñi qota'olec.

Éxodo 4:5

Ca 'naaco' ñi qara'gaxala': —Ca' dajo 'neeta ma'le, qaiyi qoyiuelec quiyim nachaxana qami' najo na'gaxala', qota'olec quesó'maq 'auaxaic qataa'illipi, qota'olec queso Abraham, Isaac chaqai so Jacob.

Mateo 26:3

Ca' quesojo na'xa'a, ca' so lashillipi so netaxaỹaxanqajanqaipi quena' qaretaxaỹa'pegue' ñi qota'a, chaqai na napaxaguinataxanaq quena naqataxaquipi, chaqai na judioipi qo'xoiquipi, lapoỹata' quiyi nasoxoc yi la'a' so Caifás, lashi so netaxaỹaxanqajanqaipi.

Lucas 1:68

Ỹaatqajam qaỹo'uen ma'le ñi qara'gaxala' ñí'maq lashiilec na Israel laseripi, ma' ñi'maxare novitalo qomi' quiyim qarca'laxatec, ma' mashic qomi' lalamqateripi.

Lucas 19:44

Ca' nenaxañi qami' quena 'laua. Ime, ca' qaỹalauat ná'maq neetalec na ra'aachi', chaqai sqaica ca qano'ueenaqtañi caqami', vire'ta quiyim ca qa' hueetalec ca liỹa; ma' qami' sqa 'yiiñichiguit ca laloqo' quiyim novita qami' ñi qota'olec.

Hechos 11:30

Ca' chaqaida qohine'tegue, ca' qaila' aso napoonecse quecaua na'gaxalate' neesa'ñi yi Judea. Sojo notaanaxanqate ỹodo' so Bernabé chaqai so Saulo.

Hechos 15:14

Ñi Simón Pedro ra'qaataxanema qomi' quedá'maq 'neeto' da lqouagaxa ñi qota'olec na' 'auaxaic nqouaguegue so mesqai judío, ca ỹa'ue na lca'acsec, ỹachigoxotaugui na'maxare, ma' ỹahotaque quiyim lalamaxat.

Hechos 20:17

Ca na' ñaqai seuqate'e yi Mileto, ca so Pablo relaataxane'oga so la'gaxalateripi añi no'ueenaxanaxaqui quiyi Efeso.

1 Pedro 2:12

Ỹaatqajam 'maxaraic nqai'ñii da no'ueenataxaguii, na'maxachita quiyim lliguitaugui ná'maq saqa' iuanapega ñi qota'a. Qaiyi ná'maq se no'viiñi naua ỹa'xateta'pe nagui caqamiri, 'ec 'xoic nqai'en ca rasauaxashichii, ca' iuana ma'le dá'maq 'maxaraic 'viichitac, ca' imaqachin ma'le ñi qota'a ma' ỹovita ca na'xa'a quiyim ñi'maxare imit na nasauaxaset quená'ogue najo.

1 Pedro 5:1

Nagui sa'ue da ỹaqataxac quená'maq la'gaxala' ná'maq mashic icoñiguit da na'qaatec, ma' ỹim qai'neeta ỹim na'gaxala' shintam aqamiri, chaqai sauanchigui dá'ogue dá'maq le'xoric so Cristo, chaqai qai'neeta shinta ma'le saua'maxare ñouanau'a ca lauaq qaỹachaxan ma'le.

Rut 1:6

Ca 'uo' so na'xa'a na' ñaqai neesa'ñi yi Moab, ca' aso Noemí 'qaateguelec quiyim ñi qara'gaxala' 'uo' da le'xorenataxanaxa quesó'maq lalamaxareteripi, ca' qaica nqai'en so nqopaaxa.