Éxodo 3:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ñi qota'olec 'naac qai'neeta queso Moisés: —Qai'neeta 'ñiraco' ma'le quiyi Israel llaalqaipi: Ñi qara'gaxala' qota'olec queso 'auaxaic qareta'allipi Abraham, Isaac chaqai so Jacob nachaxana aỹim, ca 'naapiguiỹa': 'Eda da ỹeenaxat, dajo ỹeenaxat qaica ca lqodoc.

Éxodo 3:15 Iomraidhean Croise

Génesis 24:12

Co'na'le, ca' nqouagaxain, 'naaco': —Qami' ỹa'gaxala' ma' qami' qota'olec quiñi ña'co' Abraham, no'ueenaxachi' ca ỹicyaxac, choxochite' ca rqouagaxa'e' quiñi ña'co'.

Éxodo 15:2

Dajo ỹo'ueenec saantacot ñí'maq qara'gaxala', ñi'maxare chi iquesaxanaxa chaqai ica'laxa. Ñi'maxare chaqaiñi ñi qota'olec caỹim, ca' semaqachintac; ñí'maq qota'olec quiyi ita'a, ca' ỹim sapacqajnauec.

Éxodo 15:3

Ñi qara'gaxala' ỹaatqajam nalauataxai. Ñi'maxare ¡chaqaida da leenaxat qara'gaxala'!

Éxodo 3:13

Qam so Moisés 'naaco' quiñi qota'olec: —Da'maxare 'ue da lqalaic, ma' no'm shicpegue' yi Israel llaalqaipi, ca' shinapega: Ñi qota'olec quesó'maq 'auaxaic qareta'allipi yilatalo qamiri, ca no'm yinat: ¿Negue' cá'maq leenaxat ca'maxare? ca' ỹim ¿negue' cá'maq shinaco' ma'le?

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Éxodo 4:1

—Caalata'm sqai huelec aỹim ma'le chaqai se na'xaỹaxañiua' —'naaco' so Moisés—. Ta'ta'a quiyim 'naac ma'le caỹim: Peeta'a se nachaxana qami' ñi qara'gaxala'.

Éxodo 4:5

Ca 'naaco' ñi qara'gaxala': —Ca' dajo 'neeta ma'le, qaiyi qoyiuelec quiyim nachaxana qami' najo na'gaxala', qota'olec quesó'maq 'auaxaic qataa'illipi, qota'olec queso Abraham, Isaac chaqai so Jacob.

Isaías 42:8

Ỹim ná'maq ỹim na'gaxala' qota'olec, ca' chaqaida ỹeenaxat, se sa'maxaren quiyim 'ue ca liỹa qoỹaanem da icaic chaqai quiyim qaimaqachin na nashiilec nqolac ñigui nqohin aỹim.

Isaías 9:6

Ma' mashic ne'qaañi ca noctoqui', ñi qota'olec nañaanoxorom ca ñaalcoqui', ca ca'maxare qoỹanagui quiyim nashi. Chaqai qaỹa'vii daua leenqate' 'neetasa': Chalego la'maqa' naua laqataxaco, qota'olec qaica lqalanec, neta'a sqaica lqodoc, lashi da no'daxa. (9.7-21 Ñi qara'gaxala' ro'ỹa so Israel.)

Malaquías 3:6

Ỹim ná'maq ỹim na'gaxala'. Se ñadalaxat. Vichiguiño' qamiri chigoxoỹaugui so Jacob se qanomachiñi qamiri.

Mateo 22:32

“Chaqaỹim ná'maq ỹim qota'olec queso Abraham, Isaac chaqai so Jacob.” Ma' ñi qota'olec mese qota'olec quena leuaxaiquipi, ta'ta'a ná'maq nca'leetauec.

Hechos 3:13

Mesqaida. Qam ñi qota'olec ñí'maq huerelec sauá'maq 'au sachigoxosqauguilo Abraham, Isaac chaqai so Jacob ỹaanem quiyim paguec lichoxoric nqai'en so llaalec Jesús, só'maq qamiri 'ỹaañiu'a na nashillipi. Chaqai na' so Pilato ỹahotaque ỹosouec, qamiri sqa 'maxariñii.

Hechos 7:32

“Ỹim ná'maq ỹim qota'olec quesaua 'auaxaqa qata'alli' Abraham, Isaac, chaqai so Jacob.” Ca' so Moisés ỹaatqajam i'loxolqachit da lqolonaxa, ca' se ishit ra'ỹa'a.

Hebreos 11:16

Qam so'maxare ñaq ipaquetaque cá'maq ỹaatqajam lo'yaxanec lalamaxaret 'laua, cá'maq na'a' hueeta'gue da piguim. Vichiguiño' ñi qota'a se nayiloxonlec quiyim qaỹamata'gue qota'olec quesaua'maxare, ma' ñi'maxare shi'gue ỹaqatqajantari' ca na'a' lodegaxat ỹauaaque la'a' so'maxare.

Hebreos 13:8

So Jesucristo se nadalaxat, sqaica lqodoc quiyim chaqaidaata 'neetari'.