Éxodo 3:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca ñi qota'olec 'naaco' queso'maxare: —Ñauequeta'pegue' qami' ma'le. Ca' dajo dá'maq retanqui' quiyim chaqaỹim selachi': Ma' naqachira'a quiyi Egipto yi ỹalamaxareteripi, ca qamiá'ogue nqouagaxaiñiỹot aỹim ma'le canajo qa' ladocai.

Éxodo 3:12 Iomraidhean Croise

Génesis 15:1

Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

Génesis 15:8

Ca 'naaco' so Abram: —Qami' ỹa'gaxala' qota'olec, ¿nega'ỹo' cá'maq 'neeta quiyim ỹaatqajam sa'den quiyim nañaañirim najo 'laua?

Génesis 26:3

Qam nagui ñaqai ñi'salec najo 'laua. Ca' ỹim iỹaatac qami' chaqai yqouaquiraxaric, ma' qami' chaqai na qachaalaxai'pi saanem ma'le najo 'laua. Ca' sepacqajanchigui dá'maq ỹa'qaatec na'le queso qataa'i' Abraham.

Génesis 31:3

Co'na'le, ca' ñi qara'gaxala' 'naaco' queso Jacob: —Pillitegue da la'aate' caua qata'alli' yí'maq neeta'ñi yi qauochi' laseripi, ca' ỹim iỹaatac ma'le qami'.

2 Reyes 19:29

Ca co'na'le, ca' so Isaías 'naaco' queso Ezequías: Ca' dajo dá'maq netanec ma'le quecá'maq naata: najo ñaaxa chaqai na liỹa ñaaxa 'guiitac ma'le na trigo chaqai ñaxajshiguim, qam queca liỹa ñaaxa, ca' shichii danaxañii chaqai qataxañii, shichii ñiiñi ana 'uva chaqai 'guii ana la.

Éxodo 3:1

So Moisés reloqoto'o' quen aso lalo qagreta so niỹoqo' Jetro, da liỹa leenaxat Reuel, só'maq letaxaỹaxanqajnec na neeta'ñi yi Madián quena' qaretaxaỹa'pegue' na nenatqaipi. Ca 'uo' so na'xa'a, ca' so Moisés ỹo'degue aso qagreta yi 'laua qaica qom, ca ỹoviraqteta'a aso qa' ladocai Horeb, da liỹa leenaxat Sinaí, asó'maq lalamaxarete ñi qota'olec.

Éxodo 3:13

Qam so Moisés 'naaco' quiñi qota'olec: —Da'maxare 'ue da lqalaic, ma' no'm shicpegue' yi Israel llaalqaipi, ca' shinapega: Ñi qota'olec quesó'maq 'auaxaic qareta'allipi yilatalo qamiri, ca no'm yinat: ¿Negue' cá'maq leenaxat ca'maxare? ca' ỹim ¿negue' cá'maq shinaco' ma'le?

Éxodo 4:12

Ca' vichiguiño' nagui qui', ca' qami' iỹaatac ma'le. Ca ma' taxahi', ca sapaxaguiñitegue cá'maq 'ñirac.

Éxodo 4:15

Taqaira'pegue' ma'le ñi'maxare, 'xachitem dá'ogue dá'maq shim 'xachi' ma'le. Ca' ỹim seuetañiguilo qamiri ma' taxahi, chaqai sapaxaguiñiigue cá'maq 'neeta cá'maq 'viichii.

Éxodo 8:27

Qam qomi' sahoqotaque quiyim qolaqpegue' yi 'laua qaica qom. Yi'maxare sovitaxa quecaua tres na'xata' qolqata. Ca' ma' sovitaxa, ca' savigaxataq aca qarachitaxanataxanqate, ca saanqot ñi qara'gaxala' qota'olec, qaiyi ipaquichigui nqaishinaq dá'maq la'qaatec ñi'maxare.

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Isaías 43:2

No'm quiriñigui ca huaxaỹaq, ỹim iỹaatac qami', loqo'm quiyim paquira'ta aca lachiugue, sqai homirac; loqo'm quiyim quiichiriñigui ca norec, qam se raviqui', qaica ca 'negue na lauaq caqami'.

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Jeremías 1:8

Qaica ca ro'chiraque, ma' ỹim seuetau'e ma'le na rahi'i', squepaqataxanteguelec qami'. Ỹim ná'maq ỹim ra'gaxalachi', saanec da ỹa'qaatec.

Números 23:21

Qaica ca iuana ca na'maachic chaqai ca se no'uen quena llaalqaipi so Israel, só'maq 'auaxaic leenaxat da Jacob. Ñi la'gaxala' qota'olec ỹalequetauguilo naua'maxare, chaqai na'maxare ỹaualqatalec ñi'maxare, 'neeta'gue meca lashi.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Marcos 16:20

Ca saua'maxare que', ca' ỹa'xate' da na'qaatec chicqaugui da nca'laxa quecanchi ỹovijtegue. Ca' so qara'gaxala' ỹotauanta'pe saua'maxare quiyim ỹaatqajam ipaquichiguilo nqai'ne' naua la'qaatqa, chaqai re'oq nqai'en na netanqaipi se qaiuanapega. Ajá'a, ca' chaqaida 'neeta dajo.

Hechos 11:21

Qam da lquesaxanaxa so qara'gaxala' hueeto'oto saua'maxare, ca vichiguiño' 'xoic na ỹalat ná'maq shi'gue lpi'ỹaxac, ca' huelec so qara'gaxala' Jesús.

Hechos 7:7

Chaqai qai'neeta 'naac ñi qota'olec: “Aỹim sa'ue ca nouaxanaxaset ma'le cá'maq qomyipi cá'maq qamiri la'aquipi. Ime, ca' ca'e ca hueeta'ñi, ca nacpegue' najo viita'ñi, ca ỹo'uet da ỹo'ueenataxanaxac.”

Romanos 8:31

Ca ¿nega'ỹo' ca shinqac quedajo? No'm ñi qota'a ro'ootaxanlgoto qomi', ca ¿negue' queto' ca ishit quiyim npa'guenta'to qomi'?

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

Josué 1:5

Qaica ca ishit quiyim loxonec qami' quiyim ñaq rca'lli'sauec, ca ỹim iỹaatac qami' ma'le dá'maq shinta'gue na'le queso Moisés. Se salachi'sac chaqai qaica ma' shique'e quet qami'.

Jueces 6:12

Ca' so lelaatec ñi qara'gaxala' nachaxan, ca 'naaco' queso'maxare: —¡Ñi qara'gaxala' liỹaatac qami', qami' quesaxanaxaic ỹale chaqai 'ñaaxaic qavilli'!

Jueces 6:16

Ca' ñi qara'gaxala' 'naaco' queso'maxare: —Qami' shichi' 'viichi' dajo, ma' qami' iỹaatac ma'le. Ca' qadoxonqui' ma'le na Madián llaalqaipi 'ec ca 'oonoqui' qom nqai'ñi'.

Jueces 6:17

Co'na'le, ca 'naaco' so Gedeón: —Ca no'm chaqaida da re'xorenataxanaxa'e' caỹim, ca 'maxaraic quiyim vite ca itanec quiyim ỹaatqajam qami' qara'gaxala' ná'maq taqaisa'pegue' aỹim.

Jueces 6:21

Ca' so nelaatec piguim le'ec ỹa'deu'a quena lo'lo aso lashilete lo'qoota'a so la'at chaqai so pan qaca lalequete. Ca' so qa' chicqochigui so norec, ca' nasoochiguiñi nqai'en so la'at chaqai so pan. Co'na' ime, ca palac so nelaatec piguim le'ec.

Jueces 7:11

Ca' na'xaỹaxañira'a ma'le na la'qaatqaipi yi'maxare. Ca ma'le, ca 'ue ca rquesaxanaxa'e' quiyim nalauachi'. Ca' so Gedeón renojñi, quepegue' so qomyipi, nauequeta'pegue' só'maq llaaqainatec. Ca' ỹaatqajam ỹovirero queca lauaanaxanqa' so qomyipi qanpa'guenta'pegue'.