Éxodo 3:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so Moisés 'naaco' na'le quiñi qota'olec: —¿Negue' queto' aỹim quiyim shicpegue' ca Faraón, ca ñaqata'a quiyi Egipto yi Israel llaalqaipi?

Éxodo 3:11 Iomraidhean Croise

2 Samuel 7:18

Co'na'le, ca' so nashi David inoxono, ma' ỹahotaque qara'qaachigui quiñi qara'gaxala' quiyim retaqa. Ca 'naaco': —Qami' ỹa'gaxala', ¿negue' na' ỹim, chaqai negue' ná'maq ỹaalqaipi quiyim yoviraqchira'ñi najo?

1 Reyes 3:7

Ca' qami' ỹa'gaxala' qota'olec, ñi'ralec aỹim quiyim senalec da lo'ueenataxanaxac so ita'a David, ca 'eno'm ñaqaỹim ne'necoqui' chaqai qaica ca sa'den.

1 Reyes 3:9

Ca' 'ỹaañitem aỹim aca 'deenaxanqachaqai ne'taxanata, qaiyi seshit seloxoỹa'a na qomyipi, chaqai qaiyi sa'den cá'maq no'uen chaqai ca se no'uen. Ma' ¿negue' quet cá'maq ishit quet reloxoỹa'a na ỹaatqajam 'xoic qomyipi ralamaxarichi'?

Jeremías 1:6

Ca' ỹim shinac: ¡Qami' ỹa'gaxala', 'ajñi' ñaqaỹim ne'necoqui', chaqai se sa'den cá'maq itaxaỹaxac!

2 Corintios 2:16

Qam quená'maq ñaqai hueetaugui da no'maxac, dajo nichiinaxanaxat 'eco' ralauataxan da lahita, qam quená'maq mashic ca'laaxaic, 'nejem nqai'en ca lo'daxaraic lahita chicqaugui da nachaalataxac. Ca' ¿negue' queto' cá'maq nalootau'a dajo no'ueenataxanaxac?

2 Corintios 3:5

Mesqai chaqai chicqochiguilo qomi' ca qarquesaxanaxa quiyim 'ue ca so'ueetaq, ta'ta'a quiyim ná'ogue ná'maq so'ueetqatac chicqo'ot ñi qota'a.

Jueces 6:15

Qam so Gedeón lotqai 'naac: —Qouaquiric, qami' ỹa'gaxala'. Qam ¿negue' quet cá'maq 'neeta quiyim ñca'laxatec na Israel? Ma' ná'maq sachicqaugui, na'maxare ỹaatqajam paguec 'xoraic quená'ogue na llaalqaipi so Manasés. Chaqai ỹim paguec qaica ca shinegue quena iuo' laseripi.