Éxodo 3:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Vichiguiño' nagui qui', selata qami' ñi Faraón, ca' naqachira'a quiyi Egipto yi ỹalamaxareteripi Israel llaalqaipi.

Éxodo 3:10 Iomraidhean Croise

Génesis 15:13

Co'na'le, ca qohinapego' quiñi qara'gaxala': —Qami' 'yiiñi' quiyim ma'le ca qachaalaxai'pi ỹoqa'a ma'le ca neetalec 'laua, ca na'aquipi ma'le chaqai se qaỹa'maxata'gue, ỹoviraxaterauec caua cuatrocientos ñaxari.

Génesis 15:14

Qam ỹim qai'neeta sa'ue ca nouaxanaxaset cá'maq ỹo'uet quiyim la'aquipi ca'maxare. Ca ma' ime, ca qoỹaxanec ma'le ca qachaalaxai'pi. Ma'le, ca' ỹaatqajam lalamaxaret da lesallaxa.

Éxodo 12:40

So Israel llaalqaipi ỹovi'o' cuatrocientos treinta ñaxari quiyim neetalec yi 'laua Egipto.

Éxodo 12:41

Ca' chaqaiso so na'xa'a na' ỹovi' cuatrocientos treinta ñaxari, ca sá'ogue so nalliripi ñi qara'gaxala' ca'e sojo 'laua Egipto.

Miqueas 6:4

Ỹim ñaqata'a na'le qami' quiyi Egipto, ñaqata'a na'le qami' quiyim qami' na'ac, ỹim sela' na'le so Moisés, Aarón chaqai aso María, sahotaque quiyim ra'gaxalachiri.

Hechos 7:34

Ma' ỹim seuana da nqa'viic yi ỹalamqateripi neeta'ñi yi Egipto, sa'xaỹa da laualaxac. Ca vichiguiño' yinotegue'sop, sahotaque ñaqata'a. 'Anta, ma' selachitegue ma'le da Egipto.”

Hechos 7:36

Ca' chaqaiso so Moisés so naqatec so 'auaxaic qareta'allipi na' neeta'ñi yi Egipto, chaqai chaqaiso so ỹo'uet ná'maq se qaiuanapega chaqai na netanqaipi co'na' neeta'ñi yi Egipto, chaqai co'na' ỹovita aso huaaxai, leenaxat Huaaxai Toc, chaqai co'na' ỹovita yi 'laua qaica qom chaqai quesaua'que saua cuarenta ñaxari.

Hechos 7:6

Chaqai qai'neeta ñi qota'olec 'naapego' quiyim ca llaalqaipi so Abraham taata'a quiyim ỹoqa'a ca neetalec 'laua ma'le, chaqai qai'neeta na'aquipi, chaqai se qaỹa'maxata'gue, vire'ta ỹovite' cuatrocientos ñaxari.

Hechos 7:7

Chaqai qai'neeta 'naac ñi qota'olec: “Aỹim sa'ue ca nouaxanaxaset ma'le cá'maq qomyipi cá'maq qamiri la'aquipi. Ime, ca' ca'e ca hueeta'ñi, ca nacpegue' najo viita'ñi, ca ỹo'uet da ỹo'ueenataxanaxac.”

Jueces 6:14

Ca' so qara'gaxala' ra'ỹo'ot, ca 'naaco' queso'maxare: —Ỹaatqajam 'goxoñita da rquesaxanaxa'e', ca' qui', nca'laxachirec na Israel llaalqaipi queda lqa'viic na Madián llaalqaipi. Ỹim ná'maq sela' qami'.