Éxodo 3:1 - La'qaatqa ñi qota'olec Qota'olec & Qota'olec Novita Na Qomyipi

¹ So Moisés reloqoto'o' quen aso lalo qagreta so niỹoqo' Jetro, da liỹa leenaxat Reuel, só'maq letaxaỹaxanqajnec na neeta'ñi yi Madián quena' qaretaxaỹa'pegue' na nenatqaipi. Ca 'uo' so na'xa'a, ca' so Moisés ỹo'degue aso qagreta yi 'laua qaica qom, ca ỹoviraqteta'a aso qa' ladocai Horeb, da liỹa leenaxat Sinaí, asó'maq lalamaxarete ñi qota'olec.

Éxodo 3:1 Iomraidhean Croise

1 Reyes 19:19

Ca' so Elías eec, ca iuanejlco' so Eliseo rasaugaxantac, ỹa'queetalec so veinticuatro ñii'lolaipi, ca' chaqaiso so'maxare ỹashaxantac sauá'maq co'uaataxante'. Ca' so Elías ỹalamaxateta'a so Eliseo, ca' ipeguenlec so lapo'.

1 Reyes 19:8

Ca' so Elías ne'laxashiguim, ca' que'e chaqai ne'et. Ca' sojo loq ỹa'ue da lquesaxanaxa quiyim liỹa eec cuarenta na'xata' chaqai cuarenta piri, chi ỹovireta'a da Horeb dá'maq qota'olec nquemaralec qa' ladocai.

Éxodo 17:6

Ca' ỹim ñauaanta'piguit qami' ma'le cada qa' ladocai, leenaxat Horeb. Ca' ma' huaxañirigui ada qa', ca nenoxonec ma'le na huaxaỹaq, qaiyi ne'et na qomyipi. Ca' so Moisés co'na' 'ne'tegue dajo, qam iuanchigui nqai'en so qo'xoiquipi queso Israel llaalqaipi.

Éxodo 19:11

chaqai chaqa'ma' na'maxatetañi, ma' ỹim nete'e liỹa, ca' ñinojñi, yinotec cada qa' leenaxat Sinaí, ỹim na'gaxala', iuanchigui ma'le aỹim yá'ogue yi qomyipi.

Éxodo 19:2

Co'na' ime ca'e yi Refidim, ca ỹovito' yi 'laua qaica qom, leenaxat Sinaí. Ca na'ño' yi leseeque'ta aso qa' ladocai.

Éxodo 19:3

Hua'ño'yi na'le, ca' so Moisés quishi'megue aso qa' ladocai, ca' neuañiguit ñi qota'olec. Ma' ñi qara'gaxala' noỹaxañi'ño' na'le cadá'maq qa' ladocai, ca 'naaco': —'Xachitem dajo ỹa'qaatec na llaalqaipi so Jacob, da liỹa leenaxat Israel:

Éxodo 2:16

Ca' so letaxaỹaxanqajnec só'maq na'ñi yi Madián quiyim retaxaỹa'pegue' na nenatqaipi, so'maxare 'vio' saua siete llaale. Ca' queso na'xa'a, ca saua'maxare querepegue' aca ni'ỹa, ỹahosaque naviquishiguim na huaxaỹaq, ca ne'taxane' aso lalo qagreta so leta'a'.

Éxodo 2:18

Ca co'na' saua'maxare pilda'a ca neeta'ñi so leta'a', ca so'maxare renataxano': —¿Negue' cá'maq 'neeto' ma' chita'gue, ca' liỹa novirita?

Éxodo 2:21

Ca' so Moisés saat quiyim na'ñi yi la'a' so Reuel, ca' so Reuel ỹo'naxañiguito' aso llaale leenaxat Séfora.

Éxodo 24:13

Ime, ca' ne'laxashiguim so Moisés, ca taashi'megue aso qa', taashi'ma yí'maq neeta'ñi ñi qota'olec, liỹaatac so lotaua Josué.

Éxodo 3:12

Ca ñi qota'olec 'naaco' queso'maxare: —Ñauequeta'pegue' qami' ma'le. Ca' dajo dá'maq retanqui' quiyim chaqaỹim selachi': Ma' naqachira'a quiyi Egipto yi ỹalamaxareteripi, ca qamiá'ogue nqouagaxaiñiỹot aỹim ma'le canajo qa' ladocai.

Éxodo 3:5

Ca' ñi qota'olec 'naaco' queso'maxare: —Totaxan nqo'ñiro. Naqachi' naua qapelachichi', ma' ná'maq 'laua co'viisalec ỹaatqajam 'ue da lichic, ma' ỹalamaxaret.

Éxodo 4:27

Ca' ñi qara'gaxala' shi'co' 'naapega so Aarón: —'Itegue da 'laua qaica ca qom qachira'guit na Moisés. Ca' so Aarón eec qata'guit so Moisés cada qa' ladocai lalamaxarete ñi qota'olec. Ca na' ime niquine'e', ca' nqo'goxoguit.

Amós 1:1

Dajo dá'maq la'qaatec na'le so Amós. So'maxare icoñiguit chicqo'ot ñi qota'olec quedá'maq 'neeta yi Israel, na' saqa'lecaua dos ñaxari quiyim novi' so quiyim i'loxol na 'laua, na' ñaqai neetaho quiyim nashi so Uzías quiyi 'laua Judá, chaqai so llaalec so Joás, leenaxat Jeroboam, nashi quiyi 'laua Israel.

Malaquías 4:4

Totaxan 'laxachiỹo' na ilaataxanaxaquipi ná'maq saanem na'le so ilaatec Moisés cada qa' ladocai Horeb. ¡Saua'maxare ỹaqataxaco chaqai ilaataxanaxaco sahotaque quiyim na'xaỹaxane'talo ná'ogue na llaalqaipi so Israel!

Números 10:33

Co'na'le, ca' so qomyipi ca'e aso nquemaralec qa' ladocai ñi qara'gaxala', ca' queeta so qomyipi quesaua tres na'xata'. 'Aueta nqohin aso lahite' saua diez laqataxaco ñi qara'gaxala' idaantaque cá'maq hua'ñi ca nco'matqa'.

Lucas 2:8

Ca' quiyi sqoỹoqaque quiyi Belén 'uo' so qomyipi reloqota'a ana lalo qagreta, hueetauec quiyi no'ueenaxa queso pe.

Hechos 7:30

Ca co'na' ime' saua cuarenta ñaxari quiyim so Moisés hueetalec yi 'laua sqaica qom, sqoỹoqaque aso qa' ladocai leenaxat Sinaí. Ca' quiyi hua'ñi, ca qanachaxana queso chicqashiguim qota'a lelaatec, hueetaugui aso qo'paqo'lli' ỹaviquetaugui.

1 Samuel 16:11

Ca co'na'le, ca' lotqai renataxan: —¿Sqaico' ca liỹa qachaalqui'? —Saqa'leca cá'maq paguec na'aasoqui' cá'maq neloxoỹaq cana qagreta —'naaco' so Isaí. —Laataxañire'oga quiyim nago, ma' se seshitaq quiyim 'ue ca seconaxalec quiyim so'ueetaq quiyim saqa' noviro ca'maxare —'naaco' so Samuel.