Éxodo 25:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca 'óna reloqota'guit ca liỹa, qam na'iisa'ña aca lapooquete. Ca' naua laua' ỹiquesauec, nalooterelec aca lapooquete, 'ec la'altalec nqai'ne'.

Éxodo 25:20 Iomraidhean Croise

Génesis 28:12

Ca 'uo' so le'guemataxac, ca iuano' so naviaxala' na'deetañi quena 'laua, ca ỹoviro'ot na piguim. Ca' queso'maxare, ca na lelaatqaipi ñi qota'olec naqueta'ñigui so'maxare, ca' lotqai pilshiguim.

1 Reyes 8:7

Ca saua'maxare ỹauatetaguilo naua laua', nalooterelec yí'maq qoỹana'ñi aso lahite' saua naqataxaco chaqai saua neconqa.

Éxodo 25:18

Ca ñi'ralgoto caua dos nadenqatqa piguim lase' 'vii laua' imerañi 'oro. Ma' qaỹo'ueete', ca qaỹahote'e na notogoxosoxonaxat, ca qoỹana'guita naua dos lo'lo'.

Éxodo 25:19

Ca lapooquete chaqai caua nadenqatqa 'vii laua', caua'que ima'ta'. Ca 'óna quecaua'maxare hueeta'gue na lo'lo, chaqai ca liỹa queda liỹa lo'lo.

Ezequiel 1:20

Saua ise' que', qam queesa'pegue' da lquesaxanaxa ñi qota'olec ñí'maq idaxansa'pe, ca' saua laviol liỹaasashiguim saua'maxare quena' ne'laxachishiguim, ma' saua laviol 'ec inoqueta'guita saua ise'.

Mateo 24:31

Ca ila' na lelaatqaipi piguim laseripi quiyim netenegue da lelamaxa ana lpe'te pe'taxan, ca' qaiyi lapoonta' ná'ogue na lca'acseripi neeta'guelo naua cuatro llico na nonot, qaỹachigoxota'ogalo naua'que naua lahil na 'laua.

Juan 1:51

Qai'neeta 'naac so Jesús: —Ỹaatqajam llic nagui da shinac caqamiri, quiyim qamiri huañiỹa ma'le na piguim nauatetaugui chaqai na lelaatqaipi ñi qota'a piguim laseripi taỹashi'mquera chaqai quiyim naỹa'ña najo ỹale llaalec.

1 Corintios 11:10

Ca' chaqaida dá'maq aca 'aalo ỹouen quiyim ỹo'uet ca lapooque' na lqahic, chi netanec aca'maxare quiyim hueeto'ot da lelaataxanaxac ca loua, chaqai sauaxat na chicqashiguim qota'a lelaatqaipi.

1 Corintios 4:9

Ma' 'eco' coqomi' ma' qomi' lelaatqa so Jesús, ca' ñi qota'a pa'xanterec qomi'. Shinqatari' ca qom mashic tai'a nqohin da lelauaxa, paguelec ca lasauaxaset. Sovirqata'guit quiyim qomi' na'ajanqa, quiyim ỹa'ajne' qomi' ná'ogue na chicqashiguim qota'a lelaatqaipi chaqai ná'ogue na qom.

Efesios 3:10

Qohine'teco' na'le dajo, qaiyi quená'maq mashic icoñiguit da na'qaatec chicqochigui ma'le quiyim ná'ogue ná'maq nquesaxanaxa chaqai ná'maq relaataxanac quena piguim iuana da la'deenaxanaxa ñi qota'a quená'ogue nanchaqaina leloxoỹaxaquipi.

Colosenses 2:10

Ca' nagui ỹaatqajam no'qaachiguilo qamiri queda no'ueenataxac ñi qota'a, ma' na'yiitau'a so Cristo. So'maxare chaqaiso só'maq napacalec ná'maq nashillipi chaqai ná'maq nquesaxanaxa se re'xogui.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

Hebreos 9:5

Ca' quena pa'aashiguim caso'maxare, ca' neesalec saua nadenqatqa qomi' reloqoso'ot ñi qota'a. Ca' naua laua' saua'maxare ipeguentalgoto só'maq hua'ñi quiyim qaỹapalaxat na nasauaxaset. Qam qomi' nagui se seshitaq quiyim ỹaatqajam sa'xataq dá'maq leloxoỹaxac da'maxare.

1 Pedro 1:12

Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.

1 Pedro 3:22

na' taashiguim queda piguim, ca' nqa'xantañi queda loic ñi qota'a. Ca' ila' ná'ogue na lelaatqaipi ñi'maxare, chaqai na relaataxanaquipi, chaqai ná'maq nquesaxanaxaipi ỹoiquentac.