Éxodo 24:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ime, ca' so Moisés taashi'megue aso qa' ladocai, liỹaresashiguim saua Aarón, Nadab, Abiú chaqai so setenta qo'xoiquipi queso Israel llaalqaipi.

Éxodo 24:9 Iomraidhean Croise

1 Reyes 22:19

Ca' so Micaías lotqai 'naaco': —Quedá'maq 'ñirac nagui, ca' na'xaỹaxañita dá'maq la'qaatec ñi qara'gaxala': Seuana ñi qota'olec nqa'xantañigui añi nqa'xanaxaqui quiyim nashi, chaqai ná'ogue na lelaatqaipi piguim laseripi ra'iito'ot, hueeta'gue da loic chaqai da nemaq.

Éxodo 19:24

Qam ñi qara'gaxala' 'naaco' queso Moisés: —Mo'e', nochirec. Ca ma' rapillirishiguim, ca riỹa'isaco' ñi Aarón. Qam na netaxaỹaxanqajanqaipi chaqai na qomyipi, ca' se napacalec na netanec quiyim naashi'ma ná'maq senta'ñi. ¡'Neeto' 'ue ca ñopoxoỹaxajñi quena'maxare!

Éxodo 24:1

Ca ñi qara'gaxala' 'naaco' queso Moisés: —'Irishi'megue ada qa' ladocai leenaxat Sinaí, riỹa'isashiguim yaua Aarón, Nadab, chaqai ñi Abiú, chaqai co' setenta qo'xoiquipi quena Israel llaalqaipi. Naguiipegue' ná'maq senta'ñi, qam ỹoxauc ca viita'ñi, ca' 'yiiñii naua re'cootallii.

Éxodo 33:20

Qam sechoxotem qami' quiyim sqai huañirigui na ỹashic, ma' qaica ca qom quiyim iuañiua', qam ñaqai queeta nca'leetauec.

Isaías 6:1

Queso ñaaxa na' ileu so nashi Uzías, ca' seuana ñi qara'gaxala' qota'olec nqa'xantañi quiyi nqa'xanqa' qoỹoqoshi'ma; ca naua lo'lo' so napoxoqui no'xataxachichigui ñi no'ueenaxanaxaqui quiyi Jerusalén.

Jueces 13:22

Ca 'naaco' caso loua: —Ỹaatqajam qareleu ma'le, ma' qomi' ya'ỹoqochigui na lashic ñi qota'olec.