Éxodo 24:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ime, ca' so Moisés ỹacona so leuoripi, ca' ỹocorigui so lahiripi; chaqai so lahi, ca iñitaxajlec aso ncopatoxonaxalate.

Éxodo 24:6 Iomraidhean Croise

2 Reyes 17:15

Se icoñiguita saua naqataxaco chaqai dá'maq 'deenaxac qaỹa'yiñi na'le, chaqai nauá'maq lelaataxanaxaco ỹaanema na'le. Chaqai qai'neeta qui'ñigui ná'maq qohinac qota'olqaipi qaica ca 'negue, naỹa'a ná'maq qomyipi sqoỹoqaque na na'ñi, quená'maq se ỹa'maxaren ñi qara'gaxala'.

Éxodo 12:22

Ca' ca leuoripi hueetañigui nqohin ca quiỹoxoqui. Ime, ca' coñiỹa ana peue leenaxat hisopo, coñiriỹata'. Ca' qaillijñigui ca leuoripi, ca' qaỹa'meene' naua'que naua lahise' ca lasom ca qauori. Ca' qaica ca nenoxonec queca 'imec quiyim saqa' richiguiñi.

Éxodo 12:7

Ca ma' ime, ca' queca 'óna 'imec iconalo caua leuo' cajo qagreta llaalec, ca' ỹa'meene' naua'que naua lasomse' ca 'imec cá'maq hua'ñi na' ỹa'ic cajo qagreta llaalec.

Éxodo 24:8

Co'na' ime, ca' so Moisés ỹaconalo' saua leuo', ca iñitaxajlec sá'ogue so qomyipi. Ca 'naaco': —Nauajo leuo' chaqainaua nauá'maq i'taxachiñi quiyim ñi qara'gaxala' mashic na'maxajto qamiri, quiichiguilo nqai'ne' naua'que nauajo la'qaatqa.

Jeremías 31:32

Dajo qana'deenaxac totqai 'nejem so qana'deenaxac queso 'auaxaic qataa'illipi, na' secona'a da lqai'laxat, ca' ñaqata'a quiyi Egipto; ma' saua'maxare se ipacqajanyigui so ña'deenaxac, 'eno'm ỹaatqajam ỹalamaxaret. Ỹim na'gaxala', se'taxajñi da ỹa'qaatec.

1 Corintios 11:25

Ca' qai'neeta na' ime so nqui'ỹaxac, ca ỹacona aso 'taxaqui, ca 'naaco': “Najo 'taxaqui chaqana ná'maq tai'a dá'maq dalaxaic 'maqataxac qai'taxajñi quenaua iuo'. Ca ma' ỹovita quiyim ni'chiigui, ca lotqai o'lliinchii'te aỹim.”

Colosenses 1:20

Chaqai ñi qota'a qai'neeta ỹahotaque quiyim ỹachigoxochichigui so Cristo quiyim ỹa'ue da la'maxa ná'ogue nanchaqaina, quená'ogue ná'maq hueetalec na 'laua, chaqai ná'maq hueeto'ot na piguim. Ca ỹo'uet da na'maxa, ỹachigoxochichigui da lelauaxa so Cristo co'na' qaipateno queso npatenaxala'.

Hebreos 12:24

Ca mashic nqo'ñiu'a so Jesús ma' chaqaiso só'maq qaretaxaỹaxanqajnec quedá'maq dalaxaic 'maqataxac quiyim ña'maxataxa'e' ñi qota'a, chaqai quecá'maq hua'ñi ca qareletaxanalo saua leuo' so Jesús. Saua'maxare ỹaatqajam napacalgoto saua leuo' so Abel quiyim ra'qaataxanalo qomi'.

Hebreos 8:9

Qam totqai 'nejem so ña'maqataxac quesó'maq 'auaxaic leta'allipi na'maxare, quesó'maq na'xa'a na' secona da lqai'laxat quiyim ñaqata'a quiyi 'laua Egipto; ma' se ỹomachirigui so ña'maqataxac, vichiguiño' salat na'le so qomyipi, 'naac ñi qara'gaxala'.

Hebreos 9:18

Ca vichiguiño' só'maq 'auaxaic 'maqataxac co'na' qaỹo'uet, qai'neeta ỹouen quiyim qaỹocoraqta'pe saua neuo'.

Hebreos 9:19

So Moisés co'na' ime ỹa'xatem so qomyipi dá'ogue da laqataxaquipi ñi qota'a, ca icono' so qagreta laue toc chaqai aso lasote aso peue leenaxat hisopo. Ca illijñi quesaua leuo' na huaqui llaalec chaqai na quetaq llaalec ỹalequeta'guit na huaxaỹaq. Ime, ca' iñitaxajlec aso lere hueetalgoto saua laqataxaco ñi qota'a, chaqai sá'ogue so qomyipi.

Hebreos 9:21

So Moisés qai'neeta iñitaxajlec queso leuoripi so no'ueenaxanaxaqui chaqai ná'maq qaro'ueenataxantapega hueetaugui so'maxare quena' qaỹo'uet da qouagaxainaxac.

1 Pedro 1:19

ta'ta'a quiyim qarishiuetenaxanalo saua leuo' so Cristo só'maq co'na' qoỹaano quiyim qaỹalauat 'neetari' ca qagreta llaalec sqaica ca la'aqset chaqai qaca aca lete.

1 Pedro 1:2

quená'maq ñi qota'olec lca'acse', nachiñi'chiguit nqai'en dá'maq shi'co' ỹahotaque na' saqa'leca na 'laua. Chicqochigui nqai'en so ne'Espíritu quiyim ỹoỹoote'ogalo qamiri, qaiyi na'xaỹaxañiỹa, chaqai qaiyi co'taxate' qamiri, ỹahota'ahi saua leuo' so Jesucristo. Ca' coñiguit dá'maq chalego lecaic nqouagaxahi chaqai da ra'maxahi.