Éxodo 24:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' so Moisés ỹiriño' dá'ogue dá'maq qohinapego' quiñi qara'gaxala'. Ca' queso liỹa na'xa'a na' nete'etam, ca no'teetashiguim. Ca' no'xonshiguim aso lcopatoxonaxalate, ỹane'tot aso qa' ladocai. Ca ỹanda'anyi saua doce qari ỹocanchiguilo nqai'en sauá'maq doce llaalqa so Israel.

Éxodo 24:4 Iomraidhean Croise

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 28:18

Ca' queso liỹa nete'e no'teetashiguim ne'laxashiguim so Jacob, ỹacono' só'maq na'xanaxat qa', ca nachaalataxanñi letanec ỹaanot ñi qota'olec, ca' ỹocorelec queca aceite.

Génesis 28:22

Ca' najo qa' salamaxajñi, ca' chaqaina lauo' ma'le ñi qota'olec. Chaqai se neme quiyim saanem ñi qota'olec ca 'óna queca diez quecá'ogue cá'maq nañaañim ñi'maxare.

Génesis 31:45

Co'na'le, ca' so Jacob icono' so qa', ca' nachaalataxanñi.

1 Reyes 11:30

Ca' so Ahías naqate'e so ỹantañi napoxoqui dalaxaicolec, ca' ỹasectaxatac doce nqai'ne' saua lahil.

1 Reyes 18:31

Ca co'na'le, ca' so Elías ỹaconalo saua doce qari, ipaquichigui nqai'en da ỹorete' saua llaalqa so Jacob, só'maq ñi qota'olec ỹanco' quiyim leenaxat Israel.

Esdras 6:17

Ca' quesojo na'xa'a, ca' cien na huaqui llaalec qoỹaano quiyim qaỹavigaxat, doscientos na qagreta loua', chaqai cuatrocientos na qagreta llaalec, chaqai saua doce queta' quiñi 'óna taỹaugui ca 'óna ni'ic queso llaalqaipi so Israel, 'óna ñi lachitaxanataxanaxat queca 'óna ni'ic quena lasauaxaseteripi sá'ogue so llaalqaipi so Israel.

Éxodo 17:14

Co'na'le, ca' ñi qara'gaxala' 'naaco' queso Moisés: —'Chiriñi dajo caca lere, qaiyi no'leentaxat. Chaqai 'ñirac queda Josué quiyim ỹim sapalaxat da 'neeta na Amalec llaalqaipi.

Éxodo 17:15

Ca' so Moisés no'xonshiguim aso lcopatoxonaxalate quena lachitaxanataxanaxat, ca leenaxat nqai'en Ñi qara'gaxala' 'ec aca itana sa'auaxantauec.

Éxodo 24:7

Ca co'na' ime, ca ỹacona aso lere hueetalec da 'maqataxac, ca' retaqalec, 'qaatac nqai'en sá'ogue so qomyipi. Ca' so qomyipi 'naaco': —Cá'ogue cá'maq 'naac ñi qara'gaxala', ca ña'xaỹaxanqa'ta, ca' so'ueetaq.

Lucas 22:30

qaiyi qui'ii chaqai ni'chii queca iqui'ỹaxala' ma' seuetaugui ca ỹo'ueenataxanaxac, chaqai nqa'xañingui caua nashi nqa'xanaxaqui', ca' michii na llaalqaipi so doce llaalqaipi so Israel.

Gálatas 2:9

Vichiguiño' saua Jacobo, Pedro, chaqai so Juan, sauá'maq paguec na'gaxalate', ỹa'deenda'a quiyim chaqaiñi ñi qota'a nañaañim dajo no'ueenataxanaxac. Ca necona'guita na'le qomi', ỹim chaqai so Bernabé. Ca' dajo qaneconaxac netanec quiyim chaqai qomi' niỹa', chaqai qaỹa'maxarenta quiyim qomi' so'ueenataxanaxaugui na mesqai judioipi, ca' saua'maxare, ca ro'ueenataxandougui na judioipi.

Apocalipsis 21:14

Ca' so napoxonaxat queso na'a' lodegaxat qaỹo'xontalgoto saua doce qari, qoỹeretalgoto saua leenqate' saua doce lelaatqa so 'ec qagreta llaalec.