Éxodo 24:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' so Moisés inoxonougui so naueguelec, ca quishiguim cada qa' ladocai. Ca' hueetaugui quesaua cuarenta na'xata' chaqai saua cuarenta piri.

Éxodo 24:18 Iomraidhean Croise

1 Reyes 19:11

Ca' ñi qara'gaxala' 'naaco' queso'maxare: —Nenoxoñirec, ca nachaachiriñi, ca seloxoiqa'ajta' canajo qa'. Ca co'na'le, ca' ñi qara'gaxala' quelec yi'maxare, ca 'uo' so nonot lodegaxat ỹaatqajam quesaxan, ca nconaxaterec naua lahil aso qa' ladocai chaqai ná'maq qa' ropoqogui nqai'en, qam ñi qara'gaxala' sqai hueetagui so nonot. Ca co'na' ime'uegue so nonot, ca lotqai i'loxol na 'laua, qam ñi qara'gaxala' sqai hueetaugui so le'loxolaxa na 'laua.

1 Reyes 19:8

Ca' so Elías ne'laxashiguim, ca' que'e chaqai ne'et. Ca' sojo loq ỹa'ue da lquesaxanaxa quiyim liỹa eec cuarenta na'xata' chaqai cuarenta piri, chi ỹovireta'a da Horeb dá'maq qota'olec nquemaralec qa' ladocai.

Éxodo 19:20

Ca' ñi qara'gaxala' nqo'ñi'ña na lo'lo ada qa' ladocai Sinaí. Ca 'naapega so Moisés quiyim nqo'ñishi'ma yi'maxare. Ca' so Moisés nqo'ñishiguim.

Éxodo 24:17

Ca na' re'oq da lauaq ñi qara'gaxala', ca' so Israel llaalqaipi iuana, qam 'ec norec ravicqataxan cana roto adá'maq qa' ladocai.

Éxodo 25:1

Ca' ñi qara'gaxala' 'naapego' so Moisés:

Éxodo 32:1

Ca' so Israel llaalqaipi co'na' retan quiyim qaua' rapilñi so Moisés caso hueetalec qa' ladocai, ca lapoỹo'ot so Aarón, ca 'naaco': —'Viichi' ca qarashiilec, ca' chaqaica cá'maq qolaxalec ma'le. Ma' qomi' se sa'deenaq cá'maq 'neeto' ca Moisés cá'maq naqata'alo qomi' quiyi Egipto.

Éxodo 34:28

Ca' so Moisés na'anyi neeto'ot ñi qara'gaxala', ỹovirerauec nqai'ne' saua cuarenta na'xata' chaqai saua cuarenta piri, se que'e chaqai se ne'et. Ca' quiyi, ca ỹirelgoto saua qari dauá'maq na'qaatqa queda 'maqataxac loqo'm daua diez nelaataxanaxaco.

Éxodo 9:29

Co'na'le, ca' so Moisés 'naaco': —Ca' nagui ma' sovire'oguiyi quena na'a' lodegaxat, ca' ñanojshiguim na ỹaqai'laxat. Ca ñqouagaxainot ñi qara'gaxala', ca' ỹaxanegue ma'le ana qalachi chaqai qaca ma'le ana soxonaxa, qaiyi 'yiiñi' quiyim ñi qara'gaxala' loiquenatec na 'laua.

Éxodo 9:33

Ca co'na' so Moisés inoxonec quiyi na'a' lodegaxat na' ime retaqata'pegue' so Faraón, ca' ỹachaxanshiguim da lqai'laxat, nqouagaxainot ñi qara'gaxala'. Ca chaqa'ma' ỹaxanegue aso qalachi chaqai so ỹaxat, chaqai tot qaca aca soxonaxa.

Mateo 4:2

Ca' so'maxare se que'e ỹoviraqterauec saua cuarenta na'xata' chaqai saua cuarenta piri. Ca co'na' ime'ueque sauajo na'xata', ca' nauata'guit so lqopaaxa.

Marcos 1:13

Ca hueeta'ño'yi so Jesús cuarenta na'xata', ỹalequetaugui na iseripi. Ca qai'gueno' queso na'ỹaapec, ca anaco' na nelaatqaipi piguim laseripi, ca ỹotauantac so'maxare.

Lucas 4:2

Hua'ñiyi, ca hueetalec cuarenta na'xata', ca qanovita queso na'ỹaapec, ca qai'guen. Qam ỹaatqajam qaica ca ỹa'ic so'maxare quesaua na'xata'. Ca co'na' ime, ca nauata'guit na lqopaaxa.