Éxodo 24:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca co'na' ime 'naac dajo so Moisés, ca' taashi'megue aso qa' ladocai. Qam aso qa' ladocai ỹaatqajam pojlec queso naueguelec.

Éxodo 24:15 Iomraidhean Croise

Éxodo 19:16

Ca na' richiguiñi na' ỹovirerec saua dos na'xata', ca' 'ue na nqai'legaxa chaqai ana soxonaxa, chaqai so naueguelec lapo hueetalec aso qa' ladocai. Chaqai ỹaatqajam chalego lelamaxa na npe'tellipi. Ca i'loxolqachit quena lqolonaxa sá'ogue só'maq neetaugui na lauo' na'daañoqui'.

Éxodo 19:20

Ca' ñi qara'gaxala' nqo'ñi'ña na lo'lo ada qa' ladocai Sinaí. Ca 'naapega so Moisés quiyim nqo'ñishi'ma yi'maxare. Ca' so Moisés nqo'ñishiguim.

Éxodo 19:9

Ca' ñi qara'gaxala' 'naaco' queso Moisés: —Ỹim ñachaxan ma'le quiyim seloqota'guit aqami', seuetaugui so lapo naueguelec, qaiyi ỹauanchigui na qomyipi quiyim setaqata'pegue' qami', ca' qaiyi se neme quiyim huejlec qami'. Ca' so Moisés lotqai liỹa ỹa'xato' dá'maq 'naac so qomyipi quiñi qara'gaxala'.

Éxodo 24:16

Ca' da lauaq ñi qara'gaxala' hueetalec aso qa' ladocai leenaxat Sinaí. Ca ỹovirerauec saua seis na'xata' pootalec aso qa' queso naueguelec. Ca' queso liỹa na'xa'a, ca' ñi qara'gaxala' roỹaxano' so Moisés 'maqatougui so naueguelec.

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.