Éxodo 24:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' ñi qota'olec qaico' ca 'negue na'le queso qomyipi nca'acseripi queso Israel llaalqaipi. Ca' so'maxare iuana ñi qota'olec, ca' na'le, ca' so qomyipi que'e chaqai ne'et.

Éxodo 24:11 Iomraidhean Croise

Génesis 16:13

Ca' aso Agar na' ime retaqata'pegue' so nelaatec piguim le'ec, ca ỹanco' Ñi qota'olec ñí'maq reuanaxan, ma' 'naaco': Ñi qota'olec iuañiua', qam ñaq yca'leetauec.

Génesis 18:18

Ma' na'maxare leta'a ma'le ca 'xoic qomyipi chaqai quesaxanaxaic. Chaqai mashic shinac quiyim chicqochigui nqaishin da'maxare quiyim yqouaguegue ma'le ná'ogue na ỹoreta'oguit qomyipi quena 'laua.

Génesis 31:54

Ime, ca' ỹo'uet so lachitaxanataxanaxat ỹavigaxat huaalec nqai'en ada quemaralec ladocai. Ca' roỹaxana ca lauo' laseripi quiyim que'e. Ca' sá'ogue que'e chaqai la'qaañi queso pe hueetalec aso quemaralec ladocai.

1 Reyes 21:8

Ime, ca chaqa'ma' ỹo'ueete' saua lerecse lerel hueetalgoto nqai'en da leenaxat so Acab. Ime, ca' ỹotogoxoñi aso letanaxanqate. Ime, ca ilata so qo'xoiquipi nashillipi na'ñi yi na'a' na'ñi so Nabot.

Nehemías 2:16

So nashillipi se ỹa'den ca saigue chaqai cá'maq so'ueetetac. Chaqai qai'neeta saqa' sa'qaataxana so judioipi quená'maq netaxaỹaxanqajanqaipi, chaqai na nemaqachinec qomyipi, chaqai na nashillipi, chaqai na liỹa qomyipi quená'maq taỹapegueu'a ma'le da no'ueenataxanaxac.

Salmos 139:5

Ỹaatqajam qaica ca idaaqa' nqai'ñi' yahiquinchiriñi; nalojlec nqai'ñi' aỹim da rqai'laxachi'.

Éxodo 19:21

Ca' ñi qara'gaxala' 'naaco' queso'maxare: —Renochirec, ca' 'ñirapega na qomyipi se napacalec yí'maq netanec, chaqai quiyim se ỹahotaque iuañiua'. ¡'Neeto' 'xoic ca ileu ma'le!

Éxodo 24:1

Ca ñi qara'gaxala' 'naaco' queso Moisés: —'Irishi'megue ada qa' ladocai leenaxat Sinaí, riỹa'isashiguim yaua Aarón, Nadab, chaqai ñi Abiú, chaqai co' setenta qo'xoiquipi quena Israel llaalqaipi. Naguiipegue' ná'maq senta'ñi, qam ỹoxauc ca viita'ñi, ca' 'yiiñii naua re'cootallii.

Eclesiastés 9:7

Cha'regue, quirelec da rqui'ỹaxaqui' quena pan, chaqai ni'chi' quena lataxa, ma' ñi qota'olec nqo'ta da ro'ueenataxanaxaqui'.

Jeremías 14:3

Na nesallaxanqaipi ila' na la'aquipi quiyim ri'llivi; ca na'maxare quepegue' ana ni'ỹa, qam qaica ca li'llivioxot, co'chiichiguilo naua nehomal quena' rapil; qaỹachiguiñi chaqai 'xoic na layiloxo, ca' chi ỹapogui na lqahic.

Deuteronomio 12:7

Ca' cá, hua'ñi, ca qui'ii, qaiyi ỹauanchiguilo qamiri ñi qara'gaxala' ñí'maq qota'olec caqamiri, rqui'ỹaxauahi ca qachaalaxahipi, netooñigue cá'maq chicqaugui ca ro'ueenataxanaxaguii quedá'maq lqouagaxa ñi qara'gaxala' ñí'maq qota'olec caqamiri.

Jueces 13:22

Ca 'naaco' caso loua: —Ỹaatqajam qareleu ma'le, ma' qomi' ya'ỹoqochigui na lashic ñi qota'olec.