Éxodo 24:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' quiyi, ca iuanto' só'naq qota'olec queso Israel. Quecá'maq co'ueeta'ñi, ca' 'ue ca co'ueetalec qashilec 'ec na qa' leenaxat zafiro, chaqai richaañi 'ec na piguim.

Éxodo 24:10 Iomraidhean Croise

Génesis 32:30

Ca' so Jacob ỹanegue leenaxat Penuel, loqo'm qota'olec lashic, yijo 'laua, ma' 'naaco': Ỹaatqajam seuanchigui na lashic ñi qota'olec, qam qaiyiita ñaq yca'leetauec.

Génesis 32:31

Ca' so Jacob ca'e yi Penuel co'na' nenoxonshiguim aso ra'aasa. Qam chisqata'pegue' sauaxat sogui aso liỹegue.

1 Reyes 22:19

Ca' so Micaías lotqai 'naaco': —Quedá'maq 'ñirac nagui, ca' na'xaỹaxañita dá'maq la'qaatec ñi qara'gaxala': Seuana ñi qota'olec nqa'xantañigui añi nqa'xanaxaqui quiyim nashi, chaqai ná'ogue na lelaatqaipi piguim laseripi ra'iito'ot, hueeta'gue da loic chaqai da nemaq.

Éxodo 24:11

Ca' ñi qota'olec qaico' ca 'negue na'le queso qomyipi nca'acseripi queso Israel llaalqaipi. Ca' so'maxare iuana ñi qota'olec, ca' na'le, ca' so qomyipi que'e chaqai ne'et.

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Éxodo 33:20

Qam sechoxotem qami' quiyim sqai huañirigui na ỹashic, ma' qaica ca qom quiyim iuañiua', qam ñaqai queeta nca'leetauec.

Éxodo 33:23

Ca ma' ime, ca' ñavicshiguim da iqai'laxat. Ca ma'le, ca' shichi' 'ajñi' na ilaq, qam na ỹashic sqaica ca iuañigui.

Ezequiel 1:1

Ỹim netaxaỹaxanqajnec, ỹeenaxat Ezequiel, ỹim llaalec so Buzi, 'ue so na'xa'a seueto'ot na lahi aso lachiugue Quebar, quiyi Babilonia. Salequetaugui na'le ná'maq ỹoqa'a da qai'xategue 'laua. Ca' quiyi, ca 'eco' huachigui na piguim, ca' 'ue so iuanaxanaxac, seuane'ta ñi qota'olec na' ime' saua veintinueve ñaxari, tres shiriguiri chaqai cinco na'xata', na' ỹovite' saua cinco ñaxari quiyim qai'xategue da ỹoqa'a 'laua so nashi Joaquín. Ca' ñi qara'gaxala' qota'olec ỹashil-lec aỹim.

Mateo 17:2

Ca na' reloqosaho saua'maxare nadalaxat da no'ueenataxac. Ca' 'ec ra'aasa na lauaq na lashic, chaqai saua loho ỹaatqajam ỹalacte' 'ec na lauaq.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Juan 14:9

Ca' so Jesús 'naaco': —Felipe, shi'gom iỹareta'pe qamiri, ¿qam saqa' huañirapiguiỹa'o'? Cá'maq iuana ỹim, ca' iuana ñi qota'a. Ca' ¿chi'negue ma' yashiila'isac quiyim huañita ñi qota'a?

Juan 6:46

Mesqaida quiyim 'uo' ca iuanapega ñí'maq ita'a; chaqainaata ná'maq chicqo'ot ñi qota'olec, ca iuana ñi'maxare.

1 Timoteo 6:16

Ñi'maxare ñí'maq qaiñiita se ileu, chaqai hueetaugui na lauaq hueeta'ñi yí'maq qaica ca ishit nqo'neu'a. Qaica ca qom ishit iuana. Sapacqajanqauec ñi'maxare quiyim semaqachinaq quedá'maq lquesaxanaxa sqaica lqodoc. Ajá'a, ca' chaqaida 'neeta dajo.

1 Juan 4:12

Ñi qota'a qaica ma' 'ue quet ca iuana. Qam no'm ñi'xoresenaqta', ca' ñi'maxare ỹalequetauguilo qomi', ca' da le'xorenataxanaxa ỹaatqajam nachinchiguiñi coqomi'.

Apocalipsis 1:16

Chaqai queda loic lo'qoota'alo saua siete huaqajñi. Chaqai quena lap chicqaugui so lecat ỹaatqajam ỹaxaraic, dos llaaxa'. Chaqai na lashic 'ec añi ra'aasa quena' ỹaatqajam quesaxan da lauaq.

Apocalipsis 21:11

Sojo na'a' hueetaugui da lauaq ñi qota'a, ca' da lqashilegaxa 'ec ná'maq no'uen qa' leenaxat jaspe, richaauec da lqashilegaxa.

Apocalipsis 4:3

Ca só'maq nqa'xanta'ñi yi qa'xanqa' da lashicyaxac 'nejem na qa' qashilec leenaxat jaspe, loqo'm ana cornalina. Ca' naua lahil so qa'xanqa', ca' 'ue so qoñi'gue. Qam da lqashilegaxa 'nejem na qa' leenaxat esmeralda.