Éxodo 24:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca ñi qara'gaxala' 'naaco' queso Moisés: —'Irishi'megue ada qa' ladocai leenaxat Sinaí, riỹa'isashiguim yaua Aarón, Nadab, chaqai ñi Abiú, chaqai co' setenta qo'xoiquipi quena Israel llaalqaipi. Naguiipegue' ná'maq senta'ñi, qam ỹoxauc ca viita'ñi, ca' 'yiiñii naua re'cootallii.

Éxodo 24:1 Iomraidhean Croise

Éxodo 19:20

Ca' ñi qara'gaxala' nqo'ñi'ña na lo'lo ada qa' ladocai Sinaí. Ca 'naapega so Moisés quiyim nqo'ñishi'ma yi'maxare. Ca' so Moisés nqo'ñishiguim.

Éxodo 19:24

Qam ñi qara'gaxala' 'naaco' queso Moisés: —Mo'e', nochirec. Ca ma' rapillirishiguim, ca riỹa'isaco' ñi Aarón. Qam na netaxaỹaxanqajanqaipi chaqai na qomyipi, ca' se napacalec na netanec quiyim naashi'ma ná'maq senta'ñi. ¡'Neeto' 'ue ca ñopoxoỹaxajñi quena'maxare!

Éxodo 19:9

Ca' ñi qara'gaxala' 'naaco' queso Moisés: —Ỹim ñachaxan ma'le quiyim seloqota'guit aqami', seuetaugui so lapo naueguelec, qaiyi ỹauanchigui na qomyipi quiyim setaqata'pegue' qami', ca' qaiyi se neme quiyim huejlec qami'. Ca' so Moisés lotqai liỹa ỹa'xato' dá'maq 'naac so qomyipi quiñi qara'gaxala'.

Éxodo 20:21

Ca na' ñaqai qoỹoqote'oga so qomyipi, ca' so Moisés nqo'neu'a so napalligui naueguelec só'maq hueetaugui ñi qota'olec. (20.22-26 Da naqataxaquipi quena' qaro'ueenataxanlec ada ncopatoxonaxalate.)

Éxodo 24:15

Ca co'na' ime 'naac dajo so Moisés, ca' taashi'megue aso qa' ladocai. Qam aso qa' ladocai ỹaatqajam pojlec queso naueguelec.

Éxodo 24:2

Ca' qaqamite', qami' Moisés, nqo'ñira'a ma'le aỹim, ca' naua riỹachi' se nqo'nero, chaqai ná'maq qomyipi riỹahitac.

Éxodo 24:9

Ime, ca' so Moisés taashi'megue aso qa' ladocai, liỹaresashiguim saua Aarón, Nadab, Abiú chaqai so setenta qo'xoiquipi queso Israel llaalqaipi.

Éxodo 3:5

Ca' ñi qota'olec 'naaco' queso'maxare: —Totaxan nqo'ñiro. Naqachi' naua qapelachichi', ma' ná'maq 'laua co'viisalec ỹaatqajam 'ue da lichic, ma' ỹalamaxaret.

Éxodo 34:2

Chaqai na'maxachiriñi quiyim liỹa quirishi'megue ada quemaralec qa' ladocai Sinaí nete'e ma' nete'etam. Ca' quirepegue' aỹim quiyí'maq senta'ñi, yí'maq paguec lishicshi'ma cada quemaralec qa' ladocai.

Ezequiel 8:11

Ca' setenta so qo'xoiquipi llaalqaipi so Israel nqouagaxaintacot so nashiilqaipi, ca' queso qomyipi ỹalequetaugui so llaalec so Safán, leenaxat Jaazanías. Sá'ogue quiñi 'óna lo'qoota'a na lichiinaxanaxat, ca' so'maxare chicqaugui so lecaugui lesalaxaripi so lichiinaxanaxat.

Lucas 10:1

Ca co'na' ime dajo, ca' so qara'gaxala' nca'au'alo saua liỹa' setenta, ca ilate', qam dooseta'pe nqai'en, 'aueta'gue da taata'gue so'maxare quiyim queetagui ná'ogue na na'aateripi chaqai ná'maq hua'ñi quiyim que'tegue ma'le so'maxare.

Lucas 10:17

Ca' so setenta napaxaguinatqaipi co'na' novi' ỹaatqajam 'xoic da netoonaxac. Ca ra'qaataxantac, 'naaco': —Qami' qara'gaxala', vire'ta na ne'ec lecmaxaiquipi ỹaatqajam na'xaỹaxanalo qomi' quena' sodaqa'a da qadeenaxachi'.