Éxodo 23:7 - La'qaatqa ñi qota'olec Qota'olec & Qota'olec Novita Na Qomyipi

⁷ 'Neeto' lotqai 'isapegueu'a ca na'qaataxanaxac quiyim sqai llic, chaqai sqai 'ỹaañichiguit quiyim qaỹalauat cá'maq sqaica ca taỹapegueu'a chaqai quiyim sqaica ca lasauaxaset. Ma' ỹim sqai shinac sqaica ca lasauaxaset cá'maq 'ue ca ỹasauaxat.

Éxodo 23:7 Iomraidhean Croise

Génesis 18:23

Cocho'qui' liỹa nqo'not so'maxare, ca' inato': —¿Liỹaata'ñi' nqai'ñi' na sqaica ca lasauaxaset ná'maq sauaqhuaiquipi?

Éxodo 20:13

Sqa lauataxañi'.

Éxodo 20:16

Se na'majñi' quiyim cuachirau'a ca 'xachi' se no'uen quecanchaqaica qom.

Éxodo 23:1

Sqai 'xachi' cá'maq chi na'qaataxanaxac quiyim sqai llic, chaqai sqai qoshi'relec cá'maq ỹo'uet cá'maq se no'uen.

Isaías 5:20

¡'Xoraiqolqa qamiri, ma' 'ñiỹac lo'yaxanec ná'maq se no'uen, chaqai ná'maq se no'uen, ca 'ñiỹac lo'yaxanec; ñigui nqai'ñii lauaq ná'maq napalaxa, chaqai ná'maq napalaxa, lauaq nqai'ñii; ná'maq chim, lo'daxaraic nqai'ñii, chaqai ná'maq lo'daxaraic, chim nqai'ñii!

Levítico 19:11

Sqo cuachii. Se na'majñii chaqai se nayiñitecta'.

Levítico 19:16

'Neeto' do'isac ca se no'uen na'qaatec quena qauochi'. 'Neeto' lliquirau'a quiyim qaỹalauat ca riỹa'e'. Ỹim ná'maq ỹim na'gaxala'.

Lucas 3:14

Lotqai anac so nalliripi so nashi, ca qainatetac so'maxare, qohinac: —Qam qomi', ¿negue' ca shinqata? Ca' so Juan 'naaco': —Se ỹa'maxañi quiyim 'ue ca nouorii, chaqai sqaica ca yiñitalec, chaqai taachiguiñi quiyim 'viichii ca lliiteguelec ca lasauaxaset. Añí'maq nishivichii, chaqañiita 'maxariñita.

Romanos 1:18

Ca' nagui qomi' ñi'pelaxanqa'a da lichic dá'maq chalego lecaic lonogoxonaxac ñi qota'a, chicqo'ot na piguim, taỹalec nqai'en ná'ogue na qomyipi quená'maq mashic ca'e ñi'maxare chaqai na hualoxonyipi. Ca ỹa'ue da nouaxanaxaset, ma' se no'uen dá'maq 'neetari', ca' chaqaida dá'maq 'em quiyim se qaỹa'den dá'maq ỹaatqajam lliqueta.

Efesios 4:25

Ca' vichiguiño' nagui 'xañiñi ca na'majnaxaguii. Ca' quiñi 'óna ỹaatqajam lliqueta cá'maq ỹa'xat queca liỹa, ma' qomá'ogue 'ec ña'daqatau'a so 'oonoqui' noshicmaxa.

Deuteronomio 27:25

Ñi qota'olec ỹa'ue ca nouaxanaxaset cá'maq qaishiuetenta quiyim ỹalauat ca liỹa quiyim qaica ca lasauaxaset. Ca ná'ogue na qomyipi 'naac: Ajá'a, chaqaida 'neeta dajo.

1 Tesalonicenses 5:22

Sqa 'iỹapegueu'a ná'ogue ná'maq se ỹa'maxañi.