Éxodo 23:2 - La'qaatqa ñi qota'olec Qota'olec & Qota'olec Novita Na Qomyipi

² Chaqai sqo quire'uegue ca 'xoic qomyipi ỹahotaque que'uegue cá'maq se no'uen. Ca quiyim ỹovita 'xachi' ca na'qaataxanaxac, ca 'neeto' qoshi'relec cá'maq retañi' quiyim sqai llic, 'eno'm ca 'xoic qomyipi llic nqai'en.

Éxodo 23:2 Iomraidhean Croise

Génesis 19:4

Qam co'na' saqa' nenañiñi laxe' saua'maxare, ca' sá'ogue so qomyipi na'ñi yi na'a' Sodoma nahiquinchiguiñi ca 'imec. Na ne'naqaipi chaqai vire'ta na qo'xoiquipi

Génesis 6:12

ma' ná'ogue na qomyipi ỹo'maac. Ca co'na' ñi qota'olec iuana quiyim 'xoic na se no'uen quena 'laua.

Génesis 7:1

Ca co'na' ime, ca ñi qara'gaxala' 'naaco' queso Noé: —Quená'ogue na qomyipi quená'maq hueetauguilo nauajo ñaxari ỹaatqajam qaqamite' 'viichi'sac dá'maq sahotaque. Ca vichiguiño' noxoñirougui añi rahichi' naỹoxontashiguim riỹa'isaho naua qachaalaxahi'.

1 Reyes 19:10

Ca so'maxare 'naaco': —Ỹaatqajam paguec da ỹauochaxa caqami', qami' ỹa'gaxala', qami' qota'olec qaica qalañirac, ma' na llaalqaipi so Israel totqai quelec da na'maqataxaqui', chaqai nopoxoỹaxajñi ana ncopatoxonaxalate quiyim qanqouagaxainot qami', chaqai qaỹahote'e na lecat quiyim qanalauajñi na retaxaỹaxaqui'i'ipi. Ca mashic qaỹimetam yo'ueenañi, qam nagui qaimitetaque aỹim qaỹahotaque qayalauat.

Proverbios 1:15

¡Qami' ỹaalcolec, totaxan riỹa'isegueñi quenaua llico na'maxare! Totaxan quire'ueguelo naua'maxare,

Jeremías 37:15

Ca' saua'maxare ro'ỹita so Jeremías, ca relaataxandelec quiyim qaỹouaxan chaqai qaicoñi' quiyi la'a' so Jonatán, só'maq lere lo'o, ñi lauo' ñigui nqohin quiyim ncoñiitaxanaxaqui.

Jeremías 37:21

Ca co'na'le, ca' so nashi Sedequías relaataxanlec quiyim so Jeremías ncoñiiteguesec, qam chaqai hueeta'ñi yi nasoxoc so neloxoỹaripi, ca quiyi na'xa'a lotqai qaỹodou'a ca 'óna pan quena pan lo'ollipi. Ca' dajo qohinta'gue na' ñaqa 'ue na pan quiyi na'a' lodegaxat. Ca' chaqaida 'neetari' so Jeremías na' hueeta'ñi yi nasoxoc so neloxoỹaripi.

Jeremías 38:9

—Qami' ỹashi, 'anta dá'maq 'neetetegue sauajo ỹale' queso Jeremías se ỹa'maxañi. Ma' inaxari'ñigui añi ni'ỹa, ca' yí, hueeta'ñigui ileuetac quena lqopaaxa, ma' qaica ca pan quenajo na'a' lodegaxat.

Ezequiel 9:9

Ca' ñi qara'gaxala' 'naac caỹim: Da lasauaxaset na qomyipi quena Israel chaqai na Judá ỹaatqajam chalego lecaic. Na na'laua no'qajlec quena nalauatec; na na'a' lodegaxat no'qaachigui quena se no'uen. Ma' 'neetapega quiyim mashic shique'e najo 'laua chaqai quiyim 'neetapega se seuana na ỹo'ueetetac.

Levítico 19:15

Chaqai 'neeto' sqai ỹa'maqachiguiñi ca leloxoỹaxac nqai'ñi' quiyim 'ue ca vite ca nouaxanaxaset. Ta'ta'a quiyim sqai vichirelec ca 'xoraic, chaqai sqai ỹaatqajam nañaañichiguit cá'maq 'ue nqaiyi. Ta'ta'a quiyim ỹaatqajam qoshi'relec yí'maq ỹaatqajam no'uen llicyaxac yí'maq ỹa'maqachiguiñi quiyim 'ue ca 'viichi' ca nouaxanaxaset.

Hageo 1:4

¿Ca chi laloqo'o' nagui caqamiri quiyim ñiitauguilo naua lo'yaxanqa 'imqa, ca' quiñi qouagaxainaxaqui caỹim, ca' chaqaidaata da 'neetari' ropoqota iterejlec?

Marcos 15:15

Ca' so Pilato, ma' ỹahotaque quiyim sqaicanqaida queso qomyipi, ca ỹosouec so Barrabás. Ca co'na' ime relaataxanlec quiyim qaỹouaxantac so Jesús, ca' ỹaanec quiyim qaipateno.

Lucas 23:51

Sojo José nauaantaque quiyim novi' ca lo'ueenataxanaxac ñi qota'a ma' ỹoiquentac ná'ogue najo. Ca' so'maxare se ỹa'maxaren dá'maq 'ne'tegue lo'ueenataxanaxac so liỹa nashillipi.

Hechos 24:27

Ca' mashic dos ñaxari 'neetari'o' dajo, ca so Félix totqai nashi, ca qalam so Porcio Festo nashi. Qam ma' so Félix ỹahotaque quiyim ỹa'maqachigui lauel nqai'en so judioipi, ca no'ueenaugui nqai'en añi ncoñiitaxanaxaqui so Pablo.

Hechos 25:9

Qam so Festo ỹahotaque quiyim ỹa'maqachigui lauel so judioipi, ca inato' so Pablo: —¿'Maxariñite' quiyim 'itegue da Jerusalén, ca hua'ñiyi ma'le, ca simichi' quiyim ỹaatqajam 'ue ca rasauaxashichi'?

Romanos 1:32

Na'maxare ỹaatqajam ỹa'deenta ná'maq relaataxanlec ñi qota'a, chaqai ỹa'den quiyim ná'maq ỹo'ueetetac dajo tai'a yi nelauaxa. Qam qaiyiita ỹo'ueetetac, chaqai vire'ta nqo'ta quiyim 'ue ca iuane'ta ỹo'ueetetac da'maxare.

Deuteronomio 24:17

'Neeto' 'viichii ca se ỹa'maxañi quená'maq ỹoqa'a ca chicqa'gue, chaqai quena na'pelyipi, chaqai mesqai coñiỹa ca louenec aca pa'ỹe quiyim lpo'aanec nqai'en.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.

1 Samuel 15:24

Co'na'le, ca' so Saúl 'naaco' queso Samuel: —Ajá'a, llic quiyim 'ue da ỹasauaxaset, ma' ỹim se ipaguigui nqaishin da la'qaatec ñi qara'gaxala' chaqai da rapaxaguinataxanaxaqui', ma' yo'cha'a na qomyipi, ca' ña'xaỹaxana quedá'maq ỹahotaque.

1 Samuel 15:9

Qam so Saúl chaqai so nalliripi se ỹalauat so Agag, chaqai nca'laxatetauec aná'maq no'uen qagretaipi, chaqai na toorollipi, chaqai na 'uegaxasaq huaqui llaalqaipi, chaqai na qagreta louaaripi chaqai se iuagaxatac na no'uen nouenqaipi. 'Nesa, ma' iuagaxatac ná'maq qaica ca 'negue chaqai qaica ca lemaqachic.