Éxodo 23:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' pacqajñichigui dá'ogue dá'maq shinac caqamiri, chaqai quiyim sqaica ma' 'ue quet ca qara'xaỹa caqamiri ca leenaxat ca liỹa nashiilec.

Éxodo 23:13 Iomraidhean Croise

Salmos 16:4

Ca' noquiigaxatetauec na lashiilqaipi lqolaquipi, ca' queeta'pegue', chalego da lemaqajnataxanaxa. ¡Qam ỹim qaica ma' salecau'a quet na ỹalauatetac quiyim ỹavigaxat lachitaxanataxanaxat! ¡Ỹaatqajam qaica ma' ña'xatec quet na leenqateripi!

Oseas 2:17

Ca totqai naugui ma'le na qadapi' na leenqateripi na nashiilqaipi, ca' tot qaica ma' liỹa quet 'xachi'sac.

Efesios 5:12

Ma' ỹo'uet da nayiloxo quiyim chi qaỹa'xat dá'maq ỹo'ueetetac ỹoxotetañi na'maxare.

Efesios 5:15

Vichiguiño' ỹaatqajam ỹajñita ca 'neeta ca na'maqataxaguii. 'Neeto' lotqai 'ñiitari' ca qaica ca ỹa'den. Ta'ta'a quiyim 'ñiitari' ca 'deenaxanqachaqaic.

Deuteronomio 12:3

Maxaiñi naua ncopatoxonaxalate, chaqai poxoỹaxachigui ná'maq qaripi, chaqai copachiu'a ná'ogue ana qo'paq loỹo ná'maq hua'ñi na qanqouagaxaintacot. Chaqai nopoxoỹaxachiñi na nadenqatec nqolaquipi. Ỹaatqajam palaxachii ná'ogue ná'maq huelec yijo 'laua, qaica ca richa'a nqai'ñii quiyim 'ec no'leentaxat.

Deuteronomio 6:1

Ca' so Moisés 'naaco': —Najo ná'maq nelaataxanaxaquipi chaqai na naqataxaquipi chaqai la'qaatqaipi ñi ra'gaxalari qota'olec ỹamaxalgoto aỹim quiyim sapaxaguineguelo qamiri, qaiyi napaxaguiñiỹa quiyim 'viichii ma' viri quecá'maq 'laua qaỹauaaque ñiỹalec.

1 Timoteo 4:16

Qam ỹaatqajam richilliralta' qami', ra'i'terelec dá'ogue dá'maq rapaxaguinataxanaxaqui', ỹaatqajam quiiterelec dá'maq sa'xatetac. Ca no'm 'viichi' dajo, ca ỹovireta'a quiyim qanca'laxatec qami' chaqai ná'ogue ná'maq na'xaỹaxantapega qami'.

Hebreos 12:15

Richilliỹaño' quiyim 'neeto' 'ue ca se icoñiguit da lotaanaxanaxac ñi qota'a ỹachaxantac, qaiyi qaica ca 'nejem aca nanecse chim quiyim na'axat chaqai idoon nqai'en aca liỹa.