Éxodo 23:1 - La'qaatqa ñi qota'olec Qota'olec & Qota'olec Novita Na Qomyipi

¹ Sqai 'xachi' cá'maq chi na'qaataxanaxac quiyim sqai llic, chaqai sqai qoshi'relec cá'maq ỹo'uet cá'maq se no'uen.

Éxodo 23:1 Iomraidhean Croise

Génesis 39:17

Ca co'na' noviro so loua, ca lotqai ra'qaataxana, 'naaco': —So qara'ac hebreo le'ec inoxonau'a aỹim quiñi 'imec, ca sham yocaat.

2 Samuel 16:3

Ca' so nashi David 'naaco' queso'maxare: —¿Negue' ca neeta'gue ca Mefi-boset cá'maq laual ca na'coochi' Saúl? Ca' so Siba 'naaco': —No'ueenañi quiyi Jerusalén, ma' 'neetapigui lauel quiyim na llaalqaipi so Israel ỹopilaxato so'maxare quiyim lashi dá'maq lo'ueenataxanaxaco' na'le so lapi' Saúl.

2 Samuel 19:27

Qam so'maxare ỹaatqajam se no'uen dá'maq imaxalec aỹim quiyim ra'qaataxanem qami' ỹashi. Qam qami' ỹashi 'ñiisari' ca qota'olec lelaatec piguim le'ec. Ca' vichiguiño' nagui, ca' 'viiquiñi'sac cá'maq 'ñiisa'gue cá'maq 'viichi'.

Salmos 15:3

cá'maq se ỹa'xat ca se no'uen queca liỹa; cá'maq ỹaqamaxateta ca nauochaxaua chaqai se ỹo'ooqochit ca sqoỹoqaque queca la'a';

Salmos 27:12

se yayaañirec quiyim yatoiquentac ma' na'maxare mashic 'ue da la'xalenataxanaxac. Sqai llic ná'maq ỹa'xatetac, ỹahotaque yiloquiaxan.

Éxodo 20:16

Se na'majñi' quiyim cuachirau'a ca 'xachi' se no'uen quecanchaqaica qom.

Éxodo 23:7

'Neeto' lotqai 'isapegueu'a ca na'qaataxanaxac quiyim sqai llic, chaqai sqai 'ỹaañichiguit quiyim qaỹalauat cá'maq sqaica ca taỹapegueu'a chaqai quiyim sqaica ca lasauaxaset. Ma' ỹim sqai shinac sqaica ca lasauaxaset cá'maq 'ue ca ỹasauaxat.

Proverbios 25:18

¡'Ec pon, lecat, novic shitaxaraic, cá'maq na'majan 'naac quiyim se no'uen ca 'ñiisari' queca nauochaxaua'e'!

Proverbios 25:23

Quena nonot chicqa'gue da rapiguim chicqaugui na ỹaxat, chaqai naua se no'viiñi na'qaatqa chicqochigui da se no'uen nashicyaxac.

Jeremías 20:10

Sa'xaỹa quen na qomyipi remootetecta', 'naac: “¡Da lichic qaica ca ỹochiỹa'gue!” 'Nerac: “¡Ỹalahi, qolaq, salaxanaxague!” Vire'ta na ñauochaxauaripi nauaantailec quiyim 'ue ca so'maqajnac. 'Nerac: “Sqoue nañaanta quiyim sayinaq; ca ma'le, ca' qodoxonec, ca ma'le, ca' sahoqe ca qarovi' queda'maxare.”

Levítico 19:11

Sqo cuachii. Se na'majñii chaqai se nayiñitecta'.

Levítico 19:16

'Neeto' do'isac ca se no'uen na'qaatec quena qauochi'. 'Neeto' lliquirau'a quiyim qaỹalauat ca riỹa'e'. Ỹim ná'maq ỹim na'gaxala'.

Mateo 19:18

Ca' so ne'nec 'naaco': —¿Nega'ỹo' cá'maq 'neete' caua'maxare? Ca' so Jesús 'naaco': —Sqai lauataxañi'; sqai dalaxachi' roua'e'; sqo cachi'; se na'majñirelec ca liỹa;

Lucas 19:8

Ca' so Zaqueo nachajñi, ca 'naaco' queso qara'gaxala', 'naac: —Qami' ỹa'gaxala', aỹim ma'le sasectaqchigui na lavinñi na isallaxa. Ime, ca' saanem na 'xoraiquipi. Chaqai no'm 'ue ca socacha ca louenec chi sayinta, ca sopilaqtem, qam cuatro nqaishine'.

Lucas 3:14

Lotqai anac so nalliripi so nashi, ca qainatetac so'maxare, qohinac: —Qam qomi', ¿negue' ca shinqata? Ca' so Juan 'naaco': —Se ỹa'maxañi quiyim 'ue ca nouorii, chaqai sqaica ca yiñitalec, chaqai taachiguiñi quiyim 'viichii ca lliiteguelec ca lasauaxaset. Añí'maq nishivichii, chaqañiita 'maxariñita.

Juan 7:51

—Naua qanaqataxaco queso Moisés ỹa'xate' quiyim qomi' se sauqai ca lasauaxaset ca qom, quiyim saqa' 'au sa'xaỹaxa, quiyim sa'deenaq cá'maq ỹo'uet.

Romanos 3:8

Quiyim 'neeta dajo, ca ¿chi'neco' ma' se qaỹo'uet cá'maq se ỹa'maxañi, qaiyi novi' cá'maq ỹa'maqachiguiñi? Ca' 'eda dá'maq 'neeta quiyim 'ue na se no'uen da la'deenataxanaxac, ca 'naac quiyim qomi' sapaxaguinataxanqata'pegue. Qam cajo qomyipi qaỹa'ue ma'le ca nouaxanaxaset.

Efesios 4:25

Ca' vichiguiño' nagui 'xañiñi ca na'majnaxaguii. Ca' quiñi 'óna ỹaatqajam lliqueta cá'maq ỹa'xat queca liỹa, ma' qomá'ogue 'ec ña'daqatau'a so 'oonoqui' noshicmaxa.

2 Timoteo 3:3

Ma'le, ca' se re'xorenataxan, chaqai se ỹauotegue ca liỹa, chaqai la'axaqa lo'o', se netelalta', chaqai qa'uaic, chaqai ỹaatqajam npa'guenaxaua dá'maq ỹa'maqachiguiñi.

1 Pedro 3:16

Na'maxachita quiyim qaica canchaqaica huapigui qavillii, qaiyi ná'maq se no'uen ná'maq ỹa'xatetac quiyim mashic coñiguit da na'qaatec queso Cristo, ca nayiloxonlgoto ma'le nauá'maq chi la'qaatqa.

Apocalipsis 12:10

Ca na'le, ca' sa'xaỹaque so chalego lelamaxa na'qaatec 'maqot na piguim, 'naacsa': —Mashic novi' da nca'laxa, chaqai da nquesaxanaxa quiyim ỹoiquentac ná'ogue najo ñi qota'olec, chaqai da lelaataxanaxac só'maq nela' nashi nca'laxaqui. Ma' mashic qaỹo'da'oguiyi só'maq inaqateguelec na lasauaxaset na qarqaỹaripi, só'maq naua'que naua na'xata' chaqai naua piri reloqoto'ot ñi qota'olec.