Éxodo 22:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Loqo'm no'm 'ue ca 'ualaxanaxañi' quená'maq ỹalamaxareteripi 'xoic ca le'xoric quená'maq neetauguilo qamiri, 'neeto' quiyim 'ñiisari' ca na'ualaxanaxala' quiyim ỹa'ue añi noquiicshiguim nqai'en caca na'uale lam.

Éxodo 22:25 Iomraidhean Croise

Nehemías 5:7

Ca na' ime quiyim sa'deenataxantac quedajo, ca' shinac queso nemaqajnatqaipi chaqai queso nashillipi sauaxat quiyim se ỹala'gue añí'maq ishiuetentac nqai'en só'maq chi lauo' laseripi. Ca' quiyi, ca soỹaxanougui sá'ogue so qomyipi, ca so'uet so lapoxoc quiyim qaretaxaỹapigui dá'maq qohintari'.

Salmos 15:5

cá'maq ra'ualaxanot aca lam, se ỹahotaque quiyim paguelec aca qoỹaanem ma' qaỹopilaxat aca na'uale; cá'maq se icoñiguit quiyim qoỹaano cá'maq qaica ca lasauaxaset. Cá'maq 'neetari' dajo, qaica ma' 'ue quet ca na'xa'a huaañi.

Jeremías 15:10

¡Qami' ỹacho'ole, 'xoraicolec aỹim! ¿Chi'neco' ma' ne'qaañi nqai'ñi' aỹim? Qaỹimetam sco'ueeta'guit chaqai ñco'uaata'pegue' ná'ogue na qomyipi quena 'laua. Qaica ca sa'ualaxanaxan cana ỹam chaqai qaica ca ya'ualaxanaxan, qam qaiyiita ná'ogue ỹa'xatetac na se no'uen caỹim.

Ezequiel 18:13

cá'maq ra'ualaxanaxanot aca lam quiyim qaỹouen chaqai nallijlec quiyim ỹa'ue aca lauegue, ca' cajo ỹale se ishit quiyim nca'leetauec, ma' ime quiyim ỹo'uet ná'ogue ná'maq se yqo'ta, ca' ileu ma'le. Ca' chaqaica ỹo'uet dá'maq chi lelauaxa.

Ezequiel 18:17

quiyim ỹa'maxate'tegue ca liỹa chaqai se ỹa'ue aca lauegue quiyim 'ue aca na'uale lam; chaqai ipacqajanchiguilo naua ỹaqataxaco chaqai ỹo'ueete' naua ilaataxanaxaco: ca' cajo ỹale se ileualec ca lasauaxaset so leta'a, ta'ta'a quiyim ỹaatqajam nca'leuec.

Ezequiel 18:7

sqaica ca pataxañi, ta'ta'a quiyim ỹopilaxatem cá'maq 'ue aca la'uale cá'maq icoñiguit louenec queca'maxare; qaica ca rocachot; chaqai nouante'e' cá'maq qopat chaqai ỹa'ue ca looỹac cá'maq neetauec;

Ezequiel 18:8

se ra'ualaxanaxanot aca lam quiyim 'ue ca ỹahotaque, chaqai se ỹa'ue aca lauegue acá'maq lam ỹaanec; sqaica ca ỹo'maqajnac quená'ogue, ỹaatqajam se ỹo'maauec quena' imit ca lasauaxasete' caua liỹa';

Amós 2:8

Na'maxare ipiguinñi na ỹoqa'a nooỹac nillicseripi, ca' nenanlec, ỹalequetau'a na nqui'ỹaxaquipi quena' qaimaqachin na nashiilec nqolaquipi; rishiuetenaxana quena lataxa ana lam lachoxonataxanqate, ca' ne'et quena lataxa quenaua lauooto' na lashiilqaipi nqolaquipi.

Mateo 25:27

Ca vichiguiño' lli'raugui queto' na'le ana ỹam ñi plata lahi', qaiyi queta' ñovi', ca secoñiguit aca lauegue ana'maxare.”

Lucas 19:23

Qam ¿chi'neco' sqai 'ỹaañirouguio' añí'maq lahi' ana nam, qaiyi sacoñiguit aca lauegue ana ỹam ma' ỹovita quiyim yapila na ỹa'a'?”

Deuteronomio 15:7

No'm 'ue ca 'xoraic quena ra'aayaxaua'e'ipi chaqai quená'maq na'aateripi quená'maq 'laua ỹaanema qamiri ñi qara'gaxala', 'neeto' qami' qa'uaic quiyim 'ue ca qauochi' le'ec 'ue ca louenaxanaxa.

Deuteronomio 24:13

Ta'ta'a quiyim pilaxachii ca louenec ma' saqa' inoxonñi aca ra'aasa, qaiyi ca'maxare 'ue ca napo'ña queca pe quiyim laq, qaiyi ca'maxare 'ue ca netoonaxac, qaiyi ñi'maxare nqouagueguelo qamiri quiyim 'viichitac dá'maq lo'yaxanec quiyim iuanchiguilo qamiri ñi qara'gaxala' qota'olec.