Éxodo 22:22 - La'qaatqa ñi qota'olec Qota'olec & Qota'olec Novita Na Qomyipi

²² 'Neeto' sqa 'maxachiỹa'gue na pa'ỹellipi chaqai na na'pelyipi,

Éxodo 22:22 Iomraidhean Croise

Proverbios 22:23

ma' ñi qara'gaxala' qoshiilec ma'le ca'maxare, ca' pataxañi cá'maq pataxañi ca'maxare.

Proverbios 23:10

Totaxan nqo'naxachi' ca lqodoc ca na'laua ca 'auaxaiquipi, chaqai sqai huootaxañira'gue ca na'laua ca na'peloq,

Proverbios 23:11

ma' chalego lquesaxanaxa ñí'maq ro'ootaxanlec na'maxare, ca ma' qoshiilec na'maxare, ca' ỹanaxat qami'.

Isaías 1:17

¡Napaxaguiñiỹa quiyim 'viichii cá'maq no'uen, na'ñaxachii quiyim 'viichii ca ỹa'maqachiguiñi, tauañii ná'maq se qaỹa'maxate'tegue, 'viichii quiyim qaỹa'maxate'tegue ca na'peloq, 'ootaxañiilec dá'maq no'ueenataxac aca pa'ỹe!

Isaías 1:23

Na nashillipi caqami' napacqajnaxairipi chaqai na nauochaxaua'e'ipi choxonataxanaxairipi. Ná'ogue ỹo'uet quiyim qaishiuetenta, idaante'e quiyim qaỹo'uet ca qoỹaanem. Se iuejlec ca na'peloq, qaica ca ỹauaaque se nqouaguegue aca pa'ỹe.

Isaías 10:2

ma' 'viichii quiyim se qana'xaỹaxana ná'maq sqaicanqaiyi, chaqai se quelolliguit ná'maq 'xoraiquipi quena ỹalamaxareteripi, chaqai nouoretac ana pa'ỹellipi chaqai rocachot na na'pelyipi!

Jeremías 7:6

no'm sqai hualaxaiñiỹari' chiitegueñi na ỹoqa'a na chicqa'gue, na na'pelyipi chaqai ana pa'ỹellipi, chaqai no'm sqai lauachii na qom qaica ca lasauaxaset quenajo, chaqai no'm sqai 'yiỹoto naua re'cootallii ná'maq ỹoqa'a qota'olqaipi, ma' chaqaina ná'maq 'em nqa'viiñiteguelta',

Jeremías 7:7

ca' ỹim queeta nqaishin quiyim rca'lliitauec quenajo, quena 'laua saanem na'le so 'auaxaic qataa'illipi.

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Mateo 23:14

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Qam quena' ime huootaxañiỹa'gue na la'a' na pa'ỹellipi, ca' chi nañoqotaxac, ca' ladocaic nqai'en da nqouagaxainaxac. Ca' quedajo, ca' paguec lecaic ma'le ca nouaxanaxashichii.

Deuteronomio 15:9

'Neeto' viisaque loma' ca se no'uen na'deenataxanaxac caqami': Ma' mashic tot qoỹoxorec naua siete ñaxari quiyí'maq vigui ma' qaỹapalaxat ana na'uale, ca 'neeto' na'aqchisagui na qashiiqui' queca ra'aayaxaua'e' 'xoic ca le'xoric, ca' sqai 'ualaxanaxañi'. Ma' ca'maxare sqoue quiyim ỹaanshiguim ca lashiilaxanaxac quiñi qara'gaxala', ca' chicqochigui ca rasauaxashichi'.

Deuteronomio 24:17

'Neeto' 'viichii ca se ỹa'maxañi quená'maq ỹoqa'a ca chicqa'gue, chaqai quena na'pelyipi, chaqai mesqai coñiỹa ca louenec aca pa'ỹe quiyim lpo'aanec nqai'en.

Deuteronomio 24:18

'Neeto' couahitaque quiyim qamiri na'aqa na'le quiyi Egipto, qam ñi ra'gaxalari ñí'maq qota'olec caqamiri naqata'alo na'le qamiri quiyi'maxare. Vichiguiño' nagui selarelgoto qamiri quiyim pacqajñichigui dá'ogue dajo.

Deuteronomio 27:19

Ñi qota'olec ỹa'ue ca nouaxanaxaset cá'maq ỹo'uet ca se ỹa'maxañi queca ỹoqa'a ca chicqa'gue, loqo'm aca pa'ỹe, loqo'm ca na'peloq. Ca ná'ogue na qomyipi 'naac: Ajá'a, chaqaida 'neeta dajo.

Santiago 1:27

Ma' dá'maq 'ueenataxac ỹaatqajam co'teeta chaqai qaica ca hueetaugui nasauaxaset ra'ijlec ñi qota'olec, 'neetasa': ca qom ỹotauan ca na'peloq chaqai aca pa'ỹe hueetaugui ca ne'guenaxac, chaqai ỹaatqajam noyinguit ná'ogue na se no'uen huelec na 'laua.