Éxodo 22:21 - La'qaatqa ñi qota'olec Qota'olec & Qota'olec Novita Na Qomyipi

²¹ 'Neeto' sqa 'maxachiỹa'gue chaqai 'ñiỹari' ca ỹoqa'a ca chicqa'gue, ma' qamiri qai'neeta ỹoqa'a ca chigoxoỹa'gue na' ñiita'ñi yi Egipto.

Éxodo 22:21 Iomraidhean Croise

Job 6:27

¡Qamiri shichii quiyim hualaxaiñii da nachaalataxac ca na'peloq, chaqai quiyim 'ỹaañiuec miiñii ca nauochaxauahi!

Salmos 146:9

ñi qara'gaxala' ro'ootaxanlec na ỹoqa'a ca chicqa'gue, qui'ỹaxan na na'peloq chaqai ana pa'ỹe, qam na hualoxonyipi ỹit nqai'en ca llicyaxac.

Éxodo 20:2

—Ỹim ná'maq ỹim ra'gaxalari qota'olec naqaterec qamiri na'le quiyi Egipto na' qamiri na'aqa.

Éxodo 23:9

Chaqai sqai 'ñiỹari' cá'maq ỹoqa'a ca chicqa'gue, ma' qamiri ỹoqa'a ca chicqoỹa'gue na' ñiita'gue da Egipto, ca' mashic 'yiiñii dá'maq 'neeta quiyim 'ue ca ỹoqa'a ca neeta'gue.

Isaías 1:17

¡Napaxaguiñiỹa quiyim 'viichii cá'maq no'uen, na'ñaxachii quiyim 'viichii ca ỹa'maqachiguiñi, tauañii ná'maq se qaỹa'maxate'tegue, 'viichii quiyim qaỹa'maxate'tegue ca na'peloq, 'ootaxañiilec dá'maq no'ueenataxac aca pa'ỹe!

Jeremías 7:6

no'm sqai hualaxaiñiỹari' chiitegueñi na ỹoqa'a na chicqa'gue, na na'pelyipi chaqai ana pa'ỹellipi, chaqai no'm sqai lauachii na qom qaica ca lasauaxaset quenajo, chaqai no'm sqai 'yiỹoto naua re'cootallii ná'maq ỹoqa'a qota'olqaipi, ma' chaqaina ná'maq 'em nqa'viiñiteguelta',

Levítico 19:13

'Neeto' sqa 'maxachira'gue ca riỹa'e', chaqai sqai huootaxañira'gue ca louenec. Chaqai sqai viraqchira'guit ca liỹa nete'e quiyim shivichiñi' aca lauegue cá'maq ro'ueenataxantacot aqami'.

Levítico 19:33

'Neeto' viitaque ca le'xoric ca ỹoqa'a ca chicqa'gue ỹalequetauguilo qamiri.

Levítico 19:34

'Xoriñii, 'ñiita'gue cá'maq ỹaatqajam qauori le'ec, ma' qamiri qai'neeta ỹoqa'a ca chicqoỹa'gue na' ñiita'gue da Egipto. Ỹim ná'maq ỹim na'gaxala', ỹim qota'olec caqamiri.

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Deuteronomio 15:15

Se coua'ire'e quiyim qami' qai'neeta na'ac na'le quiyi Egipto, ca' ñi qara'gaxala' qota'olec caqami' naqata'a na'le qami'. Vichiguiño' nagui sa'ue da ỹaqataxac caqami'.

Deuteronomio 23:16

Ta'ta'a quiyim 'xañitac quiyim nauguilo qamiri, ca' ỹoiquentac quiyim na'ñi cá'maq nqo'ta na'a'. 'Neeto' 'ue ca ỹoqocatac. (23.17-25 Nelaataxanaxaquipi chaqai ná'maq se qaỹa'maxaren.)

Deuteronomio 23:7

Qam 'neeto' sqai coñiguit na llaalqaipi so Edom, ma' chi qauori laseripi na'maxare, chaqai na Egipto laseripi, ma' qamiri ñiitalec na'le yi na'laua.

Deuteronomio 24:17

'Neeto' 'viichii ca se ỹa'maxañi quená'maq ỹoqa'a ca chicqa'gue, chaqai quena na'pelyipi, chaqai mesqai coñiỹa ca louenec aca pa'ỹe quiyim lpo'aanec nqai'en.

Deuteronomio 27:19

Ñi qota'olec ỹa'ue ca nouaxanaxaset cá'maq ỹo'uet ca se ỹa'maxañi queca ỹoqa'a ca chicqa'gue, loqo'm aca pa'ỹe, loqo'm ca na'peloq. Ca ná'ogue na qomyipi 'naac: Ajá'a, chaqaida 'neeta dajo.