Éxodo 21:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Chaqai no'm 'ue ca ỹouaxañigui aca nqote ca la'ac loqo'm aca la'a, ca' qotesaq nqai'en, ca ca'maxare ỹaxanec ca'maxare ñiguit quiyim qotesaq nqai'en.

Éxodo 21:26 Iomraidhean Croise

Nehemías 5:5

—Qam na'maxare chi qouo' laseripi, cá'ogue cá'maq sachigoxosoxougui. Na qochaalqaipi chaqai 'nejem ná'maq llaalqaipi na'maxare, qam qaiyiita saanaxaho na qochaalqaipi chaqai na qochaallipi quiyim na'aqaipi quena'maxare. Qam mashic 'ue ana quena qochaallipi mashic na'a, ca' qaica quet cá'maq shinqata'gue quiyim se ipaguigui nqaishinaq, ma' na qana'lauari chaqai qodanaxanqate' 'uva lomaate' ỹoqa'a ná'maq looỹac.

Éxodo 21:20

Chaqai no'm 'ue ca ỹouaxan ca la'ac loqo'm aca la'a, ỹodoota'a ca qo'paq, ca' ỹalauat, ca' qaỹa'ue ca nouaxanaxaset.

Éxodo 21:24

Ca cá'maq ỹachipiaxachigui aca nqote ca liỹa, ca ca'maxare qanaqat aca nqote, loqo'm aca loue, loqo'm ca lqai'laxat, loqo'm ca lapia',

Éxodo 21:25

loqo'm ca ỹavigaxat ca liỹa, loqo'm ca coñirqachit ca liỹa, loqo'm ca ỹouaxan ca liỹa, ca cá'maq 'ne'tegue ca liỹa, ca' chaqaida qohine'tegue.

Éxodo 21:27

Chaqai no'm nac nqai'en aca loue, ca' qai'neeta ỹaxanec, ca' chi laseue' quiyim nac aca loue nqai'en. (21.28-32 Dá'maq 'neeta'gue quiyim cochiỹa cá'maq 'ue ca lalamaxaret louenec.)

Efesios 6:9

Chaqai qamiri ma' qamiri 'cooro', qai'neeta denaxachiichigui dá'maq 'neetari' na relaataxahipi, sqai yiñitalec. Ñaqai 'yiiñi'a quiyim qamiri chaqai na'maxare viito'ot ñi qara'gaxala' ñí'maq neeta'gue da piguim, chaqai quiyim ñi'maxare qaica ca ỹapacqajnauec, ná'ogue naloqojne'ejta'.

Colosenses 4:1

Chaqai qamiri 'cororipi, ỹaatqajam 'viichii cá'maq ỹa'maqachiguiñi, chaqai ỹaatqajam pacqajñiichigui ca nishiuetenaxac ca relaachiguii. 'Yiiñitapega quiyim qamiri qai'neeta 'ue ñi ra'gaxalari neeta'gue da piguim.