Éxodo 20:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' se ni'iiñi quiyim 'yiỹoto naua re'cootallii na'maxare, chaqai sqai maqachiñii. Ma' ỹim ná'maq ỹim ra'gaxalari qota'olec, ma' ỹim qota'olec sqaican sa'maxaren. Ca' ỹim sa'ue ca nouaxanaxaset cá'maq se no'uen queca neta'a quiyim se nqo'chiiua', chaqai ca llaalqaipi, chaqai ca lauaripi, chaqai ca llaalqaipi ca lauaripi.

Éxodo 20:5 Iomraidhean Croise

1 Reyes 19:10

Ca so'maxare 'naaco': —Ỹaatqajam paguec da ỹauochaxa caqami', qami' ỹa'gaxala', qami' qota'olec qaica qalañirac, ma' na llaalqaipi so Israel totqai quelec da na'maqataxaqui', chaqai nopoxoỹaxajñi ana ncopatoxonaxalate quiyim qanqouagaxainot qami', chaqai qaỹahote'e na lecat quiyim qanalauajñi na retaxaỹaxaqui'i'ipi. Ca mashic qaỹimetam yo'ueenañi, qam nagui qaimitetaque aỹim qaỹahotaque qayalauat.

1 Reyes 21:29

—Ca' ¿huañichirigui ñi Acab quiyim neneequesene'tot aỹim? Qam nagui, ma' neneequesene'tot aỹim, ca' se sa'ue ca nouaxanaxaset na llaalqaipi nagui ma' ñaq nca'leetauec ñi'maxare. Qam dajo so'uet ma'le ma' ñaq nca'leetauec ca llaalec.

2 Reyes 23:26

Qam ñi qara'gaxala' ñaqaiyiita queeta da lauel, ma' ñaq ro'ootapega so qomyipi quiyi Judá sauaxat ná'ogue ná'maq se no'uen ỹo'ueeto' na'le so Manasés.

2 Reyes 5:18

Qaidaata quiyim ñi'xoresene'tot ñi qara'gaxala', quiyim sqai caapeguem dajo caỹim, quiyim ma' ñi ỹashi eec quepegue' ñi qouagaxainaxaqui quiyim nqouagaxainot ñi nqolac Rimón, ca' sauaqate'e' quiyim sa'chi'iñi naua i'cootal quiñi qouagaxainaxaqui, ca sqai caapeguem dajo caỹim ñi qara'gaxala'.

2 Reyes 5:27

Ca' vichiguiño' da le'ne' so Naamán nategue qami' chaqai quena qachaalaxai'ipi, ca se neme, qaica lqodoc. Ca co'na' so Giezi ca'e so Eliseo, ca' rishiita na loshicmaxa chaqai ỹalagaq, 'ec ana loñi.

Job 5:4

Qaica ca ỹotauan na llaalqaipi; quiyim hueetauguilo naua netaxaỹaxaqui' se qana'xaỹaxana, chaqai qaica ca qoshiilec.

Jeremías 2:9

Vichiguiño', ỹim na'gaxala' se'taxajñi da ỹa'qaatec: Quiyim soviraqta'alo qamiri quiyim ñpa'guento qamiri chaqai na qauaripi.

Ezequiel 18:19

Ca' qamiri nataxañii ma'le: ¿Chi'neco' ma' se ishiueten so llaalec cá'maq lasauaxaset so leta'a? Sá'ic, ma' só'maq llaalec ỹo'uet dá'maq no'uen chaqai da ỹa'maqachiguiñi, chaqai ipacqajanchiguilo naua ilaataxanaxaco chaqai ỹo'ueete' naua ỹaqataxaco. Vichiguiño' ỹaatqajam nca'leuec ma'le.

Ezequiel 18:2

¿Chi'negue ma' quena Israel sqai ỹaxanñi da lliguec na la'qaatec quena' 'naac: Na neta'allipi ỹa'ic ana 'uva lochiviaxai, ca' na llaalqaipi ỹa'que'teguelo naua loue?

Ezequiel 8:3

Ca' so ỹale ỹeguec so 'ec lqai'laxat, ca' iconougui na iue. Ca na'le da lquesaxanaxa ñi qota'olec, ca yi'xajshiguim. Ca' 'ue so iuanaxanaxac chicqo'ot ñi qota'olec yi'xategue da Jerusalén, ca yilla'ñi ñi lasom pa'aauo quiyi na'a' reloqota'gue da rapiguim yí'maq hueeta'ñi so nashiilec só'maq ỹo'uet da lauel ñi qara'gaxala'.

Daniel 1:2

Ca' ñi qara'gaxala' ỹaxanegue quiyim so Nabucodonosor loxonec so Joacim, chaqai qai'neeta quiyim icona so louenqaipi ñi no'ueenaxanaxaqui quiñi qota'olec. Ca' so Nabucodonosor ỹauec so loxonqaipi queda Babilonia, ca' so louenqaipi ñi no'ueenaxanaxaqui quiñi qota'olec illaugui ñí'maq chi nqouagaxainaxaqui quena lashiilec nqolaquipi.

Daniel 3:18

Qam no'm se qarca'laxatec, qam 'yiiñite' quiyim se ñqouagaxainqot na rashiilqui' nqolaquipi chaqai se sa'daqoto naua qare'cootal ñi nadenqatec qom imaañi 'oro.

Números 14:33

Ca' quenauá'maq qachaalaxahipi neetalec ma'le yi 'laua 'neetari' ca neloxoỹaq cana qagreta quecaua cuarenta ñaxari. Ca' quedajo, ca na'maxare ishiueten dá'maq quiyim qamiri se raqamaxahi, vire'ta quiyim qamiá'ogue rillivii, viitalec na 'laua qaica qom.

Mateo 4:9

Ca 'naaco': —Saanem qami' ma'le ná'ogue najo, no'm shichi' 'yiriñi' naua re'cootalli', ca yimaqachiñi'.

Juan 15:18

Ca no'm na qomyipi hueetalec na 'laua noquii'alo qamiri, qam 'yiiñita quiyim 'au noquihaỹa'.

Juan 7:7

Quená'maq qomyipi hueetalec na 'laua se ishit quiyim noquii'alo quet qamiri. Qam aỹim qanoquii'a, ma' ỹim ỹaatqajam sechoxote'tem quiyim dá'maq ỹo'ueetetac se no'uen.

Juan 9:2

Ca qainato' so'maxare quesaua lapaxaguinatqa, qohinaco': —Qami' napaxaguinataxanaq, ¿chi'neco' ma' chaqa'ma' qai'laq ñi ỹale co'na' ne'qaañi? ¿Peeta'a sauaxat quiyim 'ue ca lasauaxasete' caua leta'al, loqo'm quecá'maq chi lasauaxaset?

Romanos 1:30

Se no'uen na ỹa'xat queca liỹa, se nqo'ta ñi qota'a, chaqai qaica ca ỹa'maxata'gue, chaqai napacqajnaxai, chaqai nemaqajnaxai. No'ueetegueshiguim na se no'uen, chaqai se na'xaỹaxanalo caua leta'al,

Romanos 8:7

Ná'maq ỹa'deentapega da lo'ueenataxanaxac na loshicmaxa, ca' npa'guenaxaua ñi qota'a, ma' se nqo'ta chaqai qalana'a quiyim quelgoto naua laqataxaco.

1 Corintios 10:22

¿Loqo'm sahoqotaque qomi' quiyim co'ualaxan so qara'gaxala'? ¿Pagueco' qarquesaxanaxa queso'maxare?

Deuteronomio 6:15

Ma' ñí'maq na'gaxala' qota'olec caqamiri neetauguilo qamiri, ñi'maxare ỹauoteguelo qamiri. Sqoue ro'ỹalo qamiri, ca ỹopoxoỹaxachiguilo qamiri.

Deuteronomio 7:10

Qam ỹaatqajam ỹopoxoỹaxachigui cá'maq ro'ỹa ñi'maxare, ca' ỹa'ue cá'maq ỹaatqajam 'chiichiguiñi nouaxanaxaset. Ca' ¡ỹaatqajam se ỹaỹaloxon quiyim ỹa'ue ca nouaxanaxaset cá'maq noquii'a ñi'maxare!

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.

Josué 24:19

Ca' so Josué 'naaco' queso qomyipi: —Qamiri peeta'a sqai shichii quiilec ñi qara'gaxala', ma' ñi'maxare ỹaatqajam qota'olec co'teeta chaqai qaica ca ỹa'maxaren. Chaqai ñi'maxare se ishit quiyim na'ñaxachiguit na se no'uen chaqai na nasauaxaseteripi.

Jueces 2:19

Qam co'quena' ileu cajo na'gaxala', ca so'maxare lotqai ipaquichigui se no'uen da llicyaxac. Ca chi ỹovireto'o' quen quiyim paguec la'aaxa dá'maq 'neetari' queso 'auaxaic leta'allipi. Ca' lotqai quelec quiyim nqouagaxainot na ỹoreta'oguit nqolaquipi, chaqai ỹaatqajam sqai ỹaxanñi na ỹo'ueetetac se no'uen llicyaxac.