Éxodo 20:4 - La'qaatqa ñi qota'olec Qota'olec & Qota'olec Novita Na Qomyipi

⁴ Totaxan 'viichiỹo' ca rashiilliguii re'oq chaqai vire'ta ca radenqachigui quena hueeto'ot na piguim, chaqai vire'ta quená'maq hueetalec na 'laua, chaqai vire'ta quená'maq 'ue hueetañigui ana huaaxai pa'aatañi quena 'laua.

Éxodo 20:4 Iomraidhean Croise

1 Reyes 12:28

Ca co'na' ime quiyim renataxantac so'maxare, ca' so nashi relaataxanlgoto quiyim qaỹo'ueete' saua dos huaqui llaalqa ỹachigoxotaugui na 'oro. Ca co'na' ime, ca 'naaco' queso qomyipi: —Qamiri llaalqaipi so Israel mashic shi'gom quiyim pillita'gue da Jerusalén. Ca' nauajo nauá'maq rashiilaxahi nauá'maq naqata'alo qamiri na'le quiyi Egipto.

2 Reyes 17:12

Chaqai qai'neeta nqouagaxainot na nqolaquipi ná'maq se ỹasen na'le ñi qara'gaxala'.

Éxodo 32:1

Ca' so Israel llaalqaipi co'na' retan quiyim qaua' rapilñi so Moisés caso hueetalec qa' ladocai, ca lapoỹo'ot so Aarón, ca 'naaco': —'Viichi' ca qarashiilec, ca' chaqaica cá'maq qolaxalec ma'le. Ma' qomi' se sa'deenaq cá'maq 'neeto' ca Moisés cá'maq naqata'alo qomi' quiyi Egipto.

Éxodo 32:23

Na'maxare 'naapiguiỹa': 'Viichi' ca qarashiilec, qaiyi qara'gaxala', ma' se sa'deenaq negue' cá'maq 'neeto' ca Moisés cá'maq naqata'alo qomi' quiyi Egipto.

Éxodo 32:4

Ca so'maxare icoñiguit. Ca icaxajta' so 'oro, ca' inaxañigui aso no'ueetaxaqui, ca' chicqochigui nqai'en so huaqui llaalec. Co'na'le, ca sá'ogue 'naaco': —¡Qamiri Israel llaalqaipi, najo ná'maq rashiilliguii ná'maq naqata'alo qamiri na'le quiyi Egipto!

Isaías 42:8

Ỹim ná'maq ỹim na'gaxala' qota'olec, ca' chaqaida ỹeenaxat, se sa'maxaren quiyim 'ue ca liỹa qoỹaanem da icaic chaqai quiyim qaimaqachin na nashiilec nqolac ñigui nqohin aỹim.

Ezequiel 8:10

Ca na' senoxono, ca seuane'ta na ỹoreta'oguit iseripi nadenqatec qaỹa'meenta: 'ue na nanaic chaqai na liỹa iseripi se no'uen, chaqai ná'ogue na ỹoreta'oguit lashiilqaipi yi qomyipi quiyi Israel, ỹovirauec so napoxonaxat.

Ezequiel 8:3

Ca' so ỹale ỹeguec so 'ec lqai'laxat, ca' iconougui na iue. Ca na'le da lquesaxanaxa ñi qota'olec, ca yi'xajshiguim. Ca' 'ue so iuanaxanaxac chicqo'ot ñi qota'olec yi'xategue da Jerusalén, ca yilla'ñi ñi lasom pa'aauo quiyi na'a' reloqota'gue da rapiguim yí'maq hueeta'ñi so nashiilec só'maq ỹo'uet da lauel ñi qara'gaxala'.

Levítico 19:4

Mesqai quiipegue' shiilahi ca nadenqatec nqolac no'm 'ue ca reuogoxohi, chaqai sqo 'viichii ca rqolaguii rashiilliguii chigoxochiỹaugui na lecat lahi. Ma' ỹim ná'maq ỹim na'gaxala', ỹim qota'olec caqamiri. (19.5-8 Qaicopata'a na nachitaxanataxanaxat quiyim qaropilot ñi qota'olec.)

Hechos 17:29

Vichiguiño' nagui, ma' qomi' llaalqaipi ñi qota'olec sqai hueetapigui qouel quiyim ñi'maxare shinqatapega quiyim 'nejem ca nashiilec nqolac oro, loqo'm ca plata, loqo'm ca qa', chi lo'ueenatec ca qom quecá'maq chi la'deenataxanaxac.

Romanos 1:23

Ma' na'maxare ỹaxanñi quiyim nqouagaxainot ñí'maq sqaica lqodoc qota'a. Ta'ta'a quiyim nqouagaxainot na lqui'i ná'maq ishit ileu qomyipi, chaqai vire'ta na lqui'i na ỹoipi, chaqai na nanaiquipi, chaqai na iseripi.

Deuteronomio 27:15

Ñi qota'olec ỹo'uet ca nouaxanaxaset cá'maq ỹo'uet ca lashiilec, icaxajta' ca lecat, ỹo'uet ca ladenqatec nqolac ca lecat lo'o, chaqai quiyim ỹa'ue ca illa'ñi qam ỹoxochichiguiñi, ca ñi qara'gaxala' ỹaatqajam se nqo'ta. Ca ná'ogue na qomyipi 'naac: Ca' chaqaida 'neeta dajo.

Apocalipsis 16:2

Ca só'maq 'auaxaic nelaatec, ca' co'taxachigui aso 'taxaqui, ỹocorelec na 'laua. Ca ná'ogue ná'maq qom quená'maq 'ue na letanec so isecỹac lodegaxat chaqai quiyim imaqachintac so nadenqatec lqui'i, ca' naashiguim ana chalego la'aaxa le'neete chaqai chalego lqui'ic.

Apocalipsis 9:20

Qam quená'maq no'ueenañi qomyipi se ileuapeguema saua nqa'viico, ñaqaina queetalec quiyim ỹo'ueetetac na se no'uen, chaqai sqai ỹaxanñi quiyim pe'eetapega na lelaatqaipi se re'xogui so na'ỹaapec, chaqai na nashiilec nqolac 'oro, plata, bronce, qa', chaqai na qo'paq, ná'maq se ishit reuanaxan, sqa 'qaa, chaqai se qaua.