Éxodo 20:3 - La'qaatqa ñi qota'olec Qota'olec & Qota'olec Novita Na Qomyipi

³ Sqaico' ca liỹa rashiilliguii, chaqaỹimeta.

Éxodo 20:3 Iomraidhean Croise

1 Reyes 11:4

Ca co'na' so Salomón mashic qo'xoic, ca aso louaaripi rashiiuec nqai'en añi le'taxanata, ca nqouagaxainot nqohin na nashiilqaipi nqolaquipi. Ma' mesqai ỹaatqajam nañaanot ñi qara'gaxala' qota'olec, ca sqai 'ne'tegue dá'maq 'ne'teco' na'le so leta'a David.

Salmos 73:25

¿Negue' queto'ca spe'eetapega queda piguim? ¡Qaqamite'! Ca quiyim sento'ot qami', ca' qaica ca liỹa yqo'ta quena 'laua.

Éxodo 15:11

Qami' qara'gaxala', ¡ỹaatqajam qaica ca liỹa nalo'guit aqami'! ¡Qaica ca co'teeta chaqai lodegaxat 'nejem qami'! ¡Ma' 'viichi' na ỹo'uet ca ne'laxa chaqai 'xoic lichic! ¡Ca' ta'chiguit quiyim qaimaqachin qami'!

Isaías 42:8

Ỹim ná'maq ỹim na'gaxala' qota'olec, ca' chaqaida ỹeenaxat, se sa'maxaren quiyim 'ue ca liỹa qoỹaanem da icaic chaqai quiyim qaimaqachin na nashiilec nqolac ñigui nqohin aỹim.

Isaías 43:10

Ñi qara'gaxala' i'taxajñi dajo, 'naac: Qamiri nauá'maq iqoshaxaua' quedajo, qamiri ilaatqa, qamiri ica'acse', qaiyi ya'yiiñii chaqai pi'iỹa'a aỹim chaqai quiyim ya'yiiñii negue' aỹim. Qaica ca 'auaxaic qota'olec caỹim chaqai qaica ca liỹa ma'le.

Jeremías 7:9

Ocachii, lauataxañii, niyiquiñii, se ipaguigui quena' 'ue da 'xachii, 'ỹaañiỹot na richiinaxanaxachii ñi nashiilec Baal, chaqai 'yiỹoto naua re'cootallii na 'naac qota'olqaipi sqa 'iỹapegueu'a.

Daniel 3:18

Qam no'm se qarca'laxatec, qam 'yiiñite' quiyim se ñqouagaxainqot na rashiilqui' nqolaquipi chaqai se sa'daqoto naua qare'cootal ñi nadenqatec qom imaañi 'oro.

Mateo 4:10

Co'na'le, ca' so Jesús 'naaco': —Mo'e', oquire'e aỹim, qami' Satanás, ma' naua 'auaxaqa naneresañi na'qaatqa 'neracsa': “Maqachiñi' ñi ra'gaxalachi' qota'a, ca' qaiñiita 'ueenataxañitot.”

1 Corintios 8:4

Vichiguiño' quecá'maq na'ic quiyim mashic qanqouagaxainlec quiyim qoỹaanot ca nashiilec nqolac, llic ma' ca nqolac ỹaatqajam qaica ca 'negue quena 'laua, ma' 'oonoqui' ñi qota'olec, qaica ca liỹa.

1 Corintios 8:6

Qam qomi' sa'deenqata quiyim 'oonoqui' ñi qareta'a, leenaxat qota'olec. Ñi'maxare ỹo'uet ná'ogue nanchaqaina chaqai ỹa'vii qomi', ca' qomi' lalamaxarete'. Chaqai 'oonoqui' so qara'gaxala', leenaxat Jesucristo, só'maq ñi qota'a ỹachigoxochichigui ná'ogue ná'maq hueetalecna, chaqai vire'talo qomi'.

Efesios 5:5

Ma' cá'maq ñaqai nocachita'guit aca se loua, loqo'm cá'maq ñaq ỹo'ueetetac cá'maq rapio'qotaxan, loqo'm cá'maq ñaqai queetalec quiyim ipiteta'a ca liỹa (ma' 'nejem cá'maq ñaqai nqouagaxaintacot ca nashiilec nqolac), ca' mashic 'yiiñii qamiri quiyim ca'maxare se inoxona'a ma'le da lo'ueenataxanaxac ma' ỹoiquentac ná'ogue najo ñi Cristo chaqai ñi qota'a.

Deuteronomio 6:14

'Neeto' quiita'pegue' na nqolac ná'maq nqouagaxaintacot na liỹa qomyipi qauorahi.

Deuteronomio 6:5

Ỹaatqajam rqo'chita ñi qara'gaxala' qota'olec, machiro'ot añi re'taxanata'e', chaqai dá'ogue da nachaalataxaqui' chaqai dá'ogue da rquesaxanaxa'e'.

Filipenses 3:19

Ca ma' ỹovita ca lqodoc, ca qaiqa'viỹa'gue na'maxare ma'le. Ma' chaqai queeta'pegue' ná'maq chi lamaanaxanqachic na loshicmaxa, chaqai nemaqajanlec ná'maq ỹo'uet quet ca layiloxo, chaqai qainaata ỹa'deentapega ná'maq hueetalec na 'laua.

Colosenses 2:18

Mesqai 'xañiigue quiyim rouootaxana'gue cá'maq raviguiguii ná'maq 'ec nañoxojñi neneequesenta chaqai nqouagaxaintacot na nelaatqaipi piguim laseripi. Ma' na'maxare tau'a quiyim ỹo'uet ná'maq se iuanapega chaqai pi'chigui queda nemaqajnaxac quená'maq chi la'deenataxanaxac.

Apocalipsis 19:10

Ca' sa'chi'iñi naua i'cootal, sahotaque semaqachin só'maq piguim le'ec. Qam so'maxare 'naac: —'E', sqai 'ñitetegue dajo. Ma' ỹim lelaatec ñi qota'a, shinta maqami' chaqai na rqaỹachi'ipi ỹaqamqata quiyim quelec dá'maq lliqueta ỹa'xat na'le so Jesús. Maqachiñi' ñi qota'a. Ma' dá'maq lliqueta ỹa'xat na'le so Jesús, chaqaida dá'maq ỹo'ueete' da lquesaxanaxa ná'maq ỹa'xateta'pe naua la'qaatqa ñi qota'a.

Apocalipsis 22:9

Qam so'maxare 'naapiguiỹa': —'E', sqai 'ñitetegue dajo, ma' ỹim chi lelaatec ñi qota'a. Shinta maqami' chaqai só'maq rqaỹachi'ipi, só'maq letaxaỹaxanqajanqaipi ñi'maxare, chaqai ná'ogue ná'maq na'xaỹaxane'ta ná'maq naneretañi canajo lere. Nqouagaxaiñitot ñi qota'olec.

Jueces 6:10

Ca' shinac na'le caqamiri, ỹim ná'maq ỹim ra'gaxalari qota'olec. Chaqai shinac quiyim se ro'chiỹa na lqolaquipi na amorreoipi, ná'maq na'laua ná'maq ñiitalec nagui, qam qamiri sqai viilec aỹim.