Éxodo 20:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca' so Moisés 'naaco': —Totaxan ro'chii. Ma' ñi qota'olec novi', qam ri'guiñi, qaiyi se neme quiyim ro'chiỹa ñi'maxare, qaiyi sqai 'viichii ca rasauaxashichii.

Éxodo 20:20 Iomraidhean Croise

Génesis 20:11

Ca' so Abraham 'naaco': —Ỹim shintapega quiyim na qomyipi quenajo sqaica ca 'negue nqai'en ñi qota'olec, chaqai shintapega quiyim qayalauat queta'le sasougui añi ỹoua.

Génesis 22:1

Ca co'na' 'vii saua ñaxari, ca' ñi qota'olec i'gueno' da lpi'ỹaxac so Abraham. Ca roỹaxano' da leenaxat, ca' so'maxare 'naaco': —Aỹim.

Génesis 22:12

Ca' so nelaatec piguim le'ec 'naaco' queso'maxare: —Totaxan vite ca 'ñitetegue na noctoqui', ma' mashic sa'den quiyim 'ue da rqolonaxa'e' quiñi qota'olec, ma' qainaatam na qachaalqui', qam sqo lli'rapiguim.

Nehemías 5:15

Qam só'maq 'auaxaic nashillipi caỹim ỹaatqajam 'xoic añi qo'oc, ma' quenaua'que naua na'xata' ro'laxana'pegue' ana cuarenta namirolli' chicqaugui ana plata ỹauaaque loq laseue' chaqai na ne'taxat lataxa. Chaqai na lelaatqaipi ỹa'llaxat na qomyipi. Qam ỹim sqai shi'ntegue dajo, ma' yo'cha'a ñi qota'olec.

Éxodo 14:13

Qam so Moisés 'naaco' queso qomyipi: —Sqaica ro'chiỹaque queda 'ñiitari'. Chaqaida 'ñiitari', ca' 'ajñii cá'maq lo'ueenataxanaxac ñi qara'gaxala' quiyim nca'laxaterec qamiri, ma' tot qaica ma' liỹa quet huañiỹa ná'maq daañita'guit nagui Egipto laseripi.

Proverbios 1:7

Da na'deenaxanaxa chicqochigui quiyim qaimaqachin ñi qara'gaxala' qota'olec; ná'maq qaica ca la'deenataxanaxac, ca' se icoñiguit da na'deenaxanaxa chaqai ca napaxaguinataxac.

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Isaías 41:13

Ma' ỹim, ỹim na'gaxala' qota'olec caqami', ỹim secona da rqai'laxachi'; ỹim shinac caqami': Totaxan ro'chi'i', ỹim sotauañi'. (41.14-29 Ñi qota'olec queetapegueu'a na nashiilqaipi nqolaquipi.)

Deuteronomio 6:2

Qaiyi ro'chiỹa ñi ra'gaxalari qota'olec, ca' pacqajñichiguilo quiyim ñaq rca'lliitauec naua'que naua laqataxaco chaqai naua lelaataxanaxaco selarelgoto qamiri, chaqai naua qachaalaxahi chaqai caua qauari, qaiyi ladoc aca rqauaxaguii.

Deuteronomio 6:24

Ca na' ime, ca' ñi qara'gaxala' qota'olec, ca' qarelarelec quiyim so'ueetaq ná'ogue na lelaataxanaxaquipi quiyim se ñapacqalec ñi'maxare, qaiyi qaicanqaida coqomi', chaqai qaiyi ñi'maxare nca'leesauec nqai'ne' qomi', chi ỹovireta'a nagui.

Josué 24:14

—Ca' vichiguiño' quedá'ogue dajo, ỹaatqajam ro'chiỹa ma'le ñi qara'gaxala', chaqai ỹaatqajam quiijlec. Ca' ỹaatqajam 'xañiñi na nqouagaxaintacot nqolaquipi so 'auaxaic qataa'illipi queda lahi yi Eufrates chaqai quiyi Egipto, ca' ỹaatqajam quiilec ñi qara'gaxala' qota'olec.