Éxodo 20:2 - La'qaatqa ñi qota'olec Qota'olec & Qota'olec Novita Na Qomyipi

² —Ỹim ná'maq ỹim ra'gaxalari qota'olec naqaterec qamiri na'le quiyi Egipto na' qamiri na'aqa.

Éxodo 20:2 Iomraidhean Croise

1 Reyes 18:39

Ca' so qomyipi co'na' iuanchigui dajo, ca sá'ogue ỹa'chi'iñi naua le'cootal, ỹoviraqta'guit na latap na 'laua. Ca 'naaco': —¡Ñi qara'gaxala' ỹaatqajam qota'olec ỹapacauec, ñi qara'gaxala' ỹaatqajam qota'olec ỹapacauec!

2 Reyes 17:12

Chaqai qai'neeta nqouagaxainot na nqolaquipi ná'maq se ỹasen na'le ñi qara'gaxala'.

2 Reyes 17:7

Ca' so llaalqaipi so Israel ỹovirau'o' dajo, ma' 'uo' da lasauaxaset quiñi la'gaxala' qota'olec, ñí'maq naqatec na'le quiyi Egipto, ca' nca'laxatec queso Faraón só'maq nashi quiyi Egipto, ma' sauaxat quiyim so qomyipi nqouagaxainot na nqolac.

Salmos 50:7

Ñaq na'xaỹaxañiua', qamiri llaalqaipi so Israel, ma' qamiri ỹalamaxarete'; nagui, ca' ỹaatqajam ñichoxotalo qamiri. ¡Ỹim ná'maq ỹim qota'olec! ¡Ỹim qota'olec caqamiri!

Éxodo 15:13

Shaxañi'sac queda re'xorenataxanaxa'e' najo qomyipi ralamaxarichi', ca nca'laxachirec; viise'e da rquesaxanaxa'e', ca viquisa'a ca co'teeta ra'aachi'.

Éxodo 15:16

Qami' qara'gaxala', ¡No'chi nqai'ñi'!, ca ¡'xoic da lqolonaxa! chaqai ¡quecá'maq hueeta'ñi, ca 'ec qa' queda lquesaxanaxa da rqai'laxachi', chi ỹovireta'a pacta na ralamaxarichi' qomyipi ná'maq rca'acshiqui'!

Éxodo 20:1

Nauajo' nauá'maq la'qaatqa ñi qota'olec co'na' retaqa, ca 'naaco':

Isaías 43:3

Ma' ỹim ná'maq ỹim ra'gaxalachi', ỹim rca'laxagui'i', ỹim co'teeta qota'olec quena llaalqaipi so Israel. Ỹim shi'gue somachigui qami', na' saanec yi Egipto, yi Etiopía chaqai yi Sabá,

Jeremías 2:6

Mesqaica ma' huapigui quet lauel quiyim idaanaque aỹim quiyim ñaqata'a na'le quiyi Egipto. Ca' sashaxantac quiyi 'laua qaica qom, yi 'laua rashivijlec chaqai 'xoic ana tema, yi 'laua qaica na huaxaỹaq chaqai 'xoic lichic, yi 'laua qaica ca nelec, yí'maq qaica ca ishit quelec.

Jeremías 31:33

Dajo dá'maq ña'deenaxac ma'le quena llaalqaipi so Israel, ma' ỹovita cajo na'xa'a: Da ilaataxanaxaquipi sellaagui añi le'taxanata chaqai shiriñi quiyi la'deenataxanaxac loma'. Ca' ỹim qota'olec ma'le quena'maxare, chaqai na'maxare, ca' ỹalamaxareteripi. Ỹim na'gaxala', se'taxajñi da ỹa'qaatec.

Levítico 19:36

Ta'ta'a quiyim viñii aca 'maxarai nesallaqataxanaxaqui, naloochiguiñi ca lesallaqatec, chaqai naloochiguiñi ca ladogaxa ca laloqojnec. Ỹim ná'maq ra'gaxalari qota'olec. Ỹim ñaqata'alo qamiri na'le quiyi Egipto.

Amós 2:10

Qam qamiri ñaqata'alo na'le quiyi Egipto, ca sashaxanta'pe qamiri quesaua cuarenta ñaxari quiyi 'laua qaica qom, ma' sahotaque saanema qamiri yí'maq na'laua so qomyipi.

Romanos 10:12

Ma' mesqai ỹoricchi ca leloxoỹaxac quiyim qanca'laxatec quená'maq judioipi chaqai ná'maq sqai judío. Ma' chaqaisoota só'maq qara'gaxala' qomá'ogue, chaqai quiyim ỹa'ue ná'ogue nanchaqaina quená'maq nqouagaxaintacot so'maxare.

Romanos 3:29

Ca ¿peeta'a ñi qota'olec nodaatec quiyim qota'olec quena judioipi? Ca' ¿mese qota'olec qai'neeta quena sqai judioipi? Ajá'a, ñi'maxare qota'olec qai'neeta quena'maxare.

Deuteronomio 13:10

Ca' naqai', do'isa'a na qa', chi ỹovireta'a quiyim ileu nqai'ñi' sauaxat quiyim ỹahotaque ỹoỹootec aqami' quiñi qara'gaxala' qota'olec caqami', ñí'maq naqata'a qami' na'le quiyi Egipto yí'maq hua'ñi na' qami' na'ac.

Deuteronomio 15:15

Se coua'ire'e quiyim qami' qai'neeta na'ac na'le quiyi Egipto, ca' ñi qara'gaxala' qota'olec caqami' naqata'a na'le qami'. Vichiguiño' nagui sa'ue da ỹaqataxac caqami'.

Deuteronomio 20:1

No'm qamiri quiiguit quiyim nalauachii'e' ca npa'guenaxauahi quiyim daañiỹa'guit ca'maxare neetalec na laloipi shipiguiripi chaqai ana nahoglena lauataxaqui chaqai paguec 'xoic ca nalliripi caqamiri, qam totaxan ro'chiỹa, ma' qamiri ỹalequetauguilo ñi qara'gaxala' qota'olec caqamiri, ñí'maq naqata'alo qamiri na'le quiyi Egipto.

Deuteronomio 7:8

Ñi qara'gaxala' naqata'alo qamiri quiyi Egipto yí'maq ñiita'ñi na' qamiri na'aquipi, ca' ỹahote'e dá'maq chalego lecaic lquesaxanaxa na' naqata'alo qamiri queso Faraón, ma' i'xorene' qamiri chaqai quiyim ỹahotaque ipacqajanchigui dá'maq la'qaatec na' 'ue da ỹaanec la'qaatec queso 'auaxaic qataa'illipi.

Jueces 6:10

Ca' shinac na'le caqamiri, ỹim ná'maq ỹim ra'gaxalari qota'olec. Chaqai shinac quiyim se ro'chiỹa na lqolaquipi na amorreoipi, ná'maq na'laua ná'maq ñiitalec nagui, qam qamiri sqai viilec aỹim.