Éxodo 20:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ 'Neeto' lotqai 'ue ca ripichisa'a coñita queca la'a' quecanchaqaica qom. 'Neeto' ripichisa'a aca loua, chaqai ca la'ac loqo'm aca la'a, loqo'm ca lauegaxanaxala' ñii'lola, loqo'm ca lalo 'ashin, loqo'm canchaqaica quena louenqaipi.

Éxodo 20:17 Iomraidhean Croise

Génesis 14:23

quiyim aỹim qaica ca secona quená'maq qatooỹaqui', vire'ta ca 'iloqui', loqo'm ca lequet na ipela', qaiyi sqai 'ñirac quiyim qami' chicqo'ot ca isallaxa.

Génesis 3:6

Ca' aso 'aalo iuana quiyim aso qo'paq chalego loyac. Ca 'uo' da lishoxo quiyim ỹa'ic, qaiyi 'ue ca la'deenec. Ca' naqato' na'le aso la, ca' ỹa'ic, ca' ỹaanem qai'neeta so loua. Ca so'maxare ỹa'ic.

Génesis 34:23

Qaiyi ná'ogue na louenqaipi chaqai na na'aateteripi qaralamaxaret. Ca' qaidaata ỹouentaque quiyim sasaataq, ca' yaua'maxare chaqa'ma' nauguilo qomi' qouora'.

Jeremías 22:17

Qam qami' qaidaata 'yiiñisapega na ỹoqa'a nauegue; 'viichi' quiyim qaỹalauat ca qaica ca lasauaxaset, chaqai pataqairiñi chi'segueñi na qomyipi.

Miqueas 2:2

Quena' 'ue yi nqo'teu'a 'laua, ca rouootaxana'gue; chaqai quena' 'ue na nqo'teu'a 'imec, ca' rocacha. Pataxañi na qomyipi, chaqai na llaalqaipi chaqai na lalamaxaret louenqaipi.

Mateo 20:15

Ca' ¿se ỹa'maxaño' quiyim soiquentac canchaqai shinta'gue aná'maq ỹam? ¿Loqo'm pa'guiñisa'a quiyim aỹim 'naxanaxaraic?”

Mateo 5:28

Qam ỹim shinac caqamiri, quiyim cá'maq nishi'ta aca 'aalo quiyim ra'ỹa'a, ca chaqa'ma' 'ec shi'gue lapa'ñi' aca'maxare cañi le'taxanata.

Lucas 12:15

Qai'neeta 'naaco': —'Ajnaxañii chaqai rovichiỹa'a ná'ogue na nqo'itaxanqachic, ma' da nachaalataxac ca qom se ishit quiyim chicqaugui ná'maq 'xoic lesallaxa hueeto'ot.

Lucas 16:14

Ca' 'qaatapega dajo sá'ogue so fariseoipi ma' ỹaatqajam lqo'itaxat da nesallaxa, ca chi i'neetac so Jesús.

Hechos 20:33

Se ñaquita'a aca lam chaqai ca looỹac canchaqaica qom,

Hechos 5:4

¿Mashic 'ec se qatooỹaqui'o' ca 'laua? Chaqai mashic ime miiñi', ca ¿mese qadami'o' acá'maq laseuete? Qam ¿chi'neco' quiyim taachiquio' qavilli' quiyim 'viichi' dajo? Se na'majñitot ca chaqai qom, qam qami' na'majñitot ñi qota'olec.

Romanos 13:9

Ma' na naqataxaquipi 'naacsa': “Se nocachisa'guit aca se roua'e', sqa lauataxañi', sqo cuachi', se na'majñi'relec ca liỹa, se ripichira'a ca ỹoqa'a”; qam nauajo chaqai ná'ogue na liỹa naqataxaquipi imaaguilo dauajo na'qaatqa 'neracsa': “Rauochitegue ca riỹa'e', 'nejem nqai'ñi' qami' nauochiralta'.”

Romanos 7:7

Ca ¿nega'ỹo' shinqac? ¿Shinqaco' quiyim na naqataxaquipi se no'uen? ¡'E', mesqaida! Ma' ỹim se sa'den quet cá'maq se no'uen, quetqai na naqataxaquipi se ichoxochim. Ma' qai'neeta se sa'den quet quiyim se no'uen qaipita'a ca ỹoqa'a, quetqai se ichoxochim na naqataxaquipi, ma' na'maxare 'naac: “Totaxan ripichira'a ca ỹoqa'a nouenec.”

Efesios 5:3

Ca' mashic qamiri lalamaxarete' ñi qota'a, ca no'uen quiyim totqai 'maxauguilo qamiri ca dequenaxac, chaqai ná'ogue na liỹa se no'uen, chaqai cá'maq ipita'a ca ỹoqa'a.

Efesios 5:5

Ma' cá'maq ñaqai nocachita'guit aca se loua, loqo'm cá'maq ñaq ỹo'ueetetac cá'maq rapio'qotaxan, loqo'm cá'maq ñaqai queetalec quiyim ipiteta'a ca liỹa (ma' 'nejem cá'maq ñaqai nqouagaxaintacot ca nashiilec nqolac), ca' mashic 'yiiñii qamiri quiyim ca'maxare se inoxona'a ma'le da lo'ueenataxanaxac ma' ỹoiquentac ná'ogue najo ñi Cristo chaqai ñi qota'a.

Filipenses 3:19

Ca ma' ỹovita ca lqodoc, ca qaiqa'viỹa'gue na'maxare ma'le. Ma' chaqai queeta'pegue' ná'maq chi lamaanaxanqachic na loshicmaxa, chaqai nemaqajanlec ná'maq ỹo'uet quet ca layiloxo, chaqai qainaata ỹa'deentapega ná'maq hueetalec na 'laua.

Colosenses 3:5

Ca' vichiguiño' qamiri ỹaatqajam 'ec ileu nqai'ñii ná'ogue ná'maq no'ueenataxaguii hueetalec na 'laua: Ca' qaica quet cá'maq hueeta'piguit quet aca se loua, chaqai sqo 'viichii cá'maq rapio'qotaxan, chaqai sqai quiita'pegue' na rqo'itaxanqachiguii chaqai quená'maq se no'uen, chaqai se qo'itaxanqachaqaqa qamiri, ma' dajo 'ec quiyim qanqouagaxainot ca nashiilec nqolac.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

1 Samuel 15:19

ca' ¿chi'neco' ma' sqai pacqajñirigui dá'maq qohinac caqami'? Ta'ta'a quiyim nquipichirelec ná'maq qarouootaxana'gue queso npa'guenaxaua, ca' iuanchigui qami' ñi qara'gaxala' quiyim se no'uen da 'viichi'sac.