Éxodo 20:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Se na'majñi' quiyim cuachirau'a ca 'xachi' se no'uen quecanchaqaica qom.

Éxodo 20:16 Iomraidhean Croise

Salmos 15:3

cá'maq se ỹa'xat ca se no'uen queca liỹa; cá'maq ỹaqamaxateta ca nauochaxaua chaqai se ỹo'ooqochit ca sqoỹoqaque queca la'a';

Éxodo 23:1

Sqai 'xachi' cá'maq chi na'qaataxanaxac quiyim sqai llic, chaqai sqai qoshi'relec cá'maq ỹo'uet cá'maq se no'uen.

Proverbios 25:18

¡'Ec pon, lecat, novic shitaxaraic, cá'maq na'majan 'naac quiyim se no'uen ca 'ñiisari' queca nauochaxaua'e'!

Levítico 19:11

Sqo cuachii. Se na'majñii chaqai se nayiñitecta'.

Levítico 19:16

'Neeto' do'isac ca se no'uen na'qaatec quena qauochi'. 'Neeto' lliquirau'a quiyim qaỹalauat ca riỹa'e'. Ỹim ná'maq ỹim na'gaxala'.

Levítico 19:18

'Neeto' vi'saque ca rovichi', chaqai sqo quirapeguem cá'maq chi qauochi'. Rauochitegue ca riỹa'e', ma' chaqai 'nejem qami'. Ỹim ná'maq ỹim na'gaxala'. (19.19-30 Naqataxac quiyim nco'taxateta ca qom, chaqai quena' qanqouagaxainot ñi qota'olec, na'maqataxac ca qom, da nouaxanaxaset cá'maq se na'xaỹaxan, chaqai nauá'maq no'viiñi ỹachaxanta'pe ñi qota'olec.)

Mateo 19:18

Ca' so ne'nec 'naaco': —¿Nega'ỹo' cá'maq 'neete' caua'maxare? Ca' so Jesús 'naaco': —Sqai lauataxañi'; sqai dalaxachi' roua'e'; sqo cachi'; se na'majñirelec ca liỹa;

Lucas 3:14

Lotqai anac so nalliripi so nashi, ca qainatetac so'maxare, qohinac: —Qam qomi', ¿negue' ca shinqata? Ca' so Juan 'naaco': —Se ỹa'maxañi quiyim 'ue ca nouorii, chaqai sqaica ca yiñitalec, chaqai taachiguiñi quiyim 'viichii ca lliiteguelec ca lasauaxaset. Añí'maq nishivichii, chaqañiita 'maxariñita.

Hechos 6:13

Qaidaanapigui qai'neeta caua liỹa', qaỹahotaque quiyim se ỹa'maxañi ca ỹa'xate'. Ca 'neraco': —Najo ỹale ỹaatqajam sqai ỹaxanñi quiyim se no'uen na ỹa'xatetac, pa'guentac añi co'teeta no'ueenaxanaxaqui quena Jerusalén chaqai na naqataxaquipi chicqo'ot na'le so Moisés.

Efesios 4:31

Ca 'xañiñi dá'ogue da roquiiaxahi queca riỹahi, ná'ogue na nonogoxonaxac, chaqai quiyim ỹaualqatalec ca liỹa, loqo'm rishiuenaxantac, chaqai quiyim queetapegueu'a ca liỹa, chaqai ná'ogue na se no'uen 'xañiñi.

1 Timoteo 1:10

Na naqataxaquipi imit ca qom nocachita'piguit aca ỹoqa'a 'aalo loqo'm hueeta'piguit ca chi nallishiua, chaqai ca rocacha ca liỹa, chaqai quena 'maatqaiquipi loqo'm ca ỹa'xat ca i'taxajñi qam la'maachic. Na naqataxaquipi imit ỹovira'oga ná'ogue ná'maq se na'xaỹaxana ná'maq ỹaatqajam 'maxaraic napaxaguinataxanaxac.

2 Timoteo 3:3

Ma'le, ca' se re'xorenataxan, chaqai se ỹauotegue ca liỹa, chaqai la'axaqa lo'o', se netelalta', chaqai qa'uaic, chaqai ỹaatqajam npa'guenaxaua dá'maq ỹa'maqachiguiñi.

Santiago 4:11

Qamiri ỹaqaỹa', 'neeto' 'ue ca ỹa'xat ca se no'uen queeteguelec ca liỹa. Ma' ca se no'uen ca ỹa'xat queca lqaỹa, loqo'm ỹiquetapigui ca lasauaxaset, ca'maxare se no'uen da ỹa'xat quena naqataxaquipi chaqai napaqueteguelec. Chaqai no'm qami' michi'sac na naqataxaquipi, ca 'nejem qami' cá'maq imitac na nasauaxaset, qam se na'xaỹaxañita na naqataxaquipi.