Éxodo 20:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Sqo cuachi'.

Éxodo 20:15 Iomraidhean Croise

Levítico 19:11

Sqo cuachii. Se na'majñii chaqai se nayiñitecta'.

Levítico 19:13

'Neeto' sqa 'maxachira'gue ca riỹa'e', chaqai sqai huootaxañira'gue ca louenec. Chaqai sqai viraqchira'guit ca liỹa nete'e quiyim shivichiñi' aca lauegue cá'maq ro'ueenataxantacot aqami'.

Amós 3:10

Ñi qara'gaxala' i'taxajñi da la'qaatec: Yi'maxare se ỹa'den ỹa'maxate'tegue da lo'ueenataxanaxac; ỹa'maxatetac quenaua lauooto' ná'maq locataxat queda lqa'viic.

Mateo 15:19

Ma' añi le'taxanata chicqa'ña ná'maq se no'uen na'deenataxanaxac, 'neetasa': qaỹalauat ca liỹa qom, lapaatapi'ñi' aca se loua, nedequentac, da nocataxac, da na'maachic, chaqai quiyim qainaqatac ca liỹa.

Mateo 19:18

Ca' so ne'nec 'naaco': —¿Nega'ỹo' cá'maq 'neete' caua'maxare? Ca' so Jesús 'naaco': —Sqai lauataxañi'; sqai dalaxachi' roua'e'; sqo cachi'; se na'majñirelec ca liỹa;

Mateo 21:13

Ca 'naaco': —Naua naneresañi la'qaatqa ñi qota'olec 'neracsa': “Na ỹa'a' qaỹamata'gue na'a' qouagaxainqa'.” Qam qamiri ñigui nqai'ñii cuataxai nañoqotqa'.

Juan 12:6

Qam so Judas sqai 'naac dajo quiyim i'xorentac na 'xoraic. Ta'ta'a quiyim so'maxare cuataxai chaqai da'maxare quiyim lo'qoota'a aso nam lahi', chaqai rocachitapiguio' quen aná'maq qainaxa'ñigui aso'maxare.

Romanos 13:9

Ma' na naqataxaquipi 'naacsa': “Se nocachisa'guit aca se roua'e', sqa lauataxañi', sqo cuachi', se na'majñi'relec ca liỹa, se ripichira'a ca ỹoqa'a”; qam nauajo chaqai ná'ogue na liỹa naqataxaquipi imaaguilo dauajo na'qaatqa 'neracsa': “Rauochitegue ca riỹa'e', 'nejem nqai'ñi' qami' nauochiralta'.”

Efesios 4:28

Cá'maq rocachitaco' quen, ca' 'maxaraic ỹaxanñi da locataxac; ta'ta'a quiyim ro'ueenataxan, qaiyi ishit ỹotauan cá'maq 'ue ca louenaxanaxa.

1 Tesalonicenses 4:6

Ca' qaica ca napacalec chaqai rayinaxanta'gue dajo queca lqaỹa, ma' so qara'gaxala' Jesús ỹaatqajam ỹouaxan ná'ogue ná'maq ỹo'ueetetac dajo. Ca' dajo dá'maq shi'gue sa'xatqatac quiyim rovichiỹa'guit.