Éxodo 20:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Se nanoiquiñichiguit aca se roua'e'.

Éxodo 20:14 Iomraidhean Croise

Génesis 39:9

Quenajo na'a' qaica ca liỹa ỹapacauec, qaỹimeta. Chaqai so ña'co' qaica ca ỹollaapiguim, chi qaqamite', ma' qami' loua. Ca' ¿chi'negue queta' so'uet ca se ỹa'maxañi, chaqai quiyim sa'ue ca ỹasauaxaset quiñi qota'a?

2 Samuel 11:27

Qam na' ime'ueque saua na'xata' lachicoxoqui', ca so David relaataxane'oga quiyim qanauego, ca ỹana'ñi yi la'a', ca chaqa'ma' loua. Ca na'le, ca' co'oon, qam ñi qara'gaxala' se ỹa'maxaren dá'maq 'ne'tegue so David.

Malaquías 2:15

Ca ¿mesqai qaiñiito' ñi qota'olec ñí'maq lo'ueenatec na roshicmaxa'e' chaqai na ra'alli'? Ca ñí'maq qota'olec ỹahotaque quiyim 'ỹaañitot ca qachaalquenaxanaxaqui'. Ca' ¡qamiri cochiiỹa dá'maq nachaalataxaguii, ca 'neeto' sqai pacqajñigui cá'maq ra'qaachiguii na' ñaqai qami' ne'nec caca roua'e'!

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Mateo 19:18

Ca' so ne'nec 'naaco': —¿Nega'ỹo' cá'maq 'neete' caua'maxare? Ca' so Jesús 'naaco': —Sqai lauataxañi'; sqai dalaxachi' roua'e'; sqo cachi'; se na'majñirelec ca liỹa;

Romanos 13:9

Ma' na naqataxaquipi 'naacsa': “Se nocachisa'guit aca se roua'e', sqa lauataxañi', sqo cuachi', se na'majñi'relec ca liỹa, se ripichira'a ca ỹoqa'a”; qam nauajo chaqai ná'ogue na liỹa naqataxaquipi imaaguilo dauajo na'qaatqa 'neracsa': “Rauochitegue ca riỹa'e', 'nejem nqai'ñi' qami' nauochiralta'.”

Hebreos 13:4

Chaqai quiyim ná'ogue se napacalec da leloxoỹaxac ca nouaỹaxac. Quiitalec quiyim 'maxachii'tegue dá'maq 'neeta ca nouaỹaxac. Ma' ñi qota'a ỹa'ue ma'le ca nouaxanaxaset na nedequenaxaiquipi chaqai ná'maq ỹadalaxat aca loua.

Santiago 2:11

Ma' chaqaiñi ñí'maq qota'a ñí'maq 'naac: “Se lapa'ira'ñi' aca se roua'e'”, qai'neeta 'naac: “Sqa lauataxañi'.” Ma' no'm 'ue ca se lapa'ñi' aca se loua, qam ralauataxan, ca chaqa'ma' se na'xaỹaxana na naqataxaquipi.

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.