Éxodo 2:22 - La'qaatqa ñi qota'olec Qota'olec & Qota'olec Novita Na Qomyipi

²² Ca so'maxare 'uo' so llaalec, ca' so Moisés ỹanco' leenaxat Gersón, loqo'm ỹoqa'a ca chicqa'gue, ma' 'naaco': —Ỹim ỹoqa'a ca sachicqa'gue quenajo 'laua sentalec nagui.

Éxodo 2:22 Iomraidhean Croise

Génesis 23:4

—'Eno'm ỹoqa'a ca sachicqa'gue quiyim salequetauguilo qamiri, qam ỹim sahotaque miiñiỹot aỹim ca 'laua quiyim loma' ayi ỹasauaxana, qaiyi seshinñi ayi ỹoua tot qaca.

Éxodo 2:10

Ca co'na' mashic ỹeuc so noctoqui', ca' qaỹodou'a so noctoqui' aso llaale so Faraón. Ca aso'maxare ỹiro quiyim lalamaxaret llaalec. Ca ỹanco' leenaxat Moisés, loqo'm qanaqajshiguim, ma' 'naaco': —Ỹim ñaqajta na'le sachigoxotañigui yi huaxaỹaq.

Éxodo 22:21

'Neeto' sqa 'maxachiỹa'gue chaqai 'ñiỹari' ca ỹoqa'a ca chicqa'gue, ma' qamiri qai'neeta ỹoqa'a ca chigoxoỹa'gue na' ñiita'ñi yi Egipto.

Hechos 7:29

Ca co'na' 'xaỹa dajo so Moisés, ca 'eet, taigue yi 'laua leenaxat Madián. Ca' yi neeta'ñi, qam 'ec ca qom ỹoqa'a ca chicqa'gue. Ca' quiyi, ca 'on, ca 'vio' saua dos llaalqa.

1 Samuel 1:20

Ca co'na'le, ca 'man aso Ana. Ca co'na' ỹovirec ca laloqo', ca ne'qaaño' so llaalec. Ca ỹanco' leenaxat Samuel (loqo'm nashiilaxanaxat), ma' lashiilaxanaxato' na'le quiñi qara'gaxala'.