Éxodo 2:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' so letaxaỹaxanqajnec só'maq na'ñi yi Madián quiyim retaxaỹa'pegue' na nenatqaipi, so'maxare 'vio' saua siete llaale. Ca' queso na'xa'a, ca saua'maxare querepegue' aca ni'ỹa, ỹahosaque naviquishiguim na huaxaỹaq, ca ne'taxane' aso lalo qagreta so leta'a'.

Éxodo 2:16 Iomraidhean Croise

Génesis 14:18

Qai'neeta so Melquisedec, so'maxare nashi quiyi Salem chaqai letaxaỹaxanqajnec na qomyipi quena' qaretaxaỹa'pegue' ñí'maq qaica 'nejem qota'olec, so'maxare naueguec so pan chaqai so lataxa.

Génesis 24:11

Ca co'na' so nelaatec ỹovire'oga da lahi yi na'a', ca' mashic sham napalñi. Ca' chaqaiyi yí'maq laloqo' quena' na 'aallipi idaanaque na huaxaỹaq. Ca' so nelaatec nco'mataxandec saua nauaanaxanaxa late'e quena lahi aso ni'ỹa.

Génesis 24:13

Ca' ỹim seu'e nagui quenajo lahi ana ni'ỹa quiyim ñaqai naquetapegaxaso'ma na huaxaỹaq na nequetegaxaipi la'a' najo 'laua.

Génesis 29:2

Ca' queso no'ueenaxa iuano' aso ni'ỹa, ca quiyí'maq sqoỹoqaque, ca' nco'matesapeguec saua tres lomaate' aso nelo qagreta, ma' ne'taqa'o' quen yi'maxare so iseripi. Ca' aso ni'ỹa 'uo' so lapooque' qa' lodegaxat.

Génesis 41:45

Ca' so Faraón ỹa'uo' da dalaxaic leenaxat nqai'en so José, ỹanco' da la'aamataxanaxat na Egipto laseripi Zafnat-Panea, chaqai ỹo'naxañiguit aso Asenat, llaale so Potifera, só'maq letaxaỹaxanqajnec na Egipto laseripi quena' qaretaxaỹa'pegue' na nenatqaipi. So Potifera na'ñi yi na'a' leenaxat On. Ca chaqaido' da 'neeta na'le so José co'na' idaanlec nqohin yi Egipto.

Éxodo 3:1

So Moisés reloqoto'o' quen aso lalo qagreta so niỹoqo' Jetro, da liỹa leenaxat Reuel, só'maq letaxaỹaxanqajnec na neeta'ñi yi Madián quena' qaretaxaỹa'pegue' na nenatqaipi. Ca 'uo' so na'xa'a, ca' so Moisés ỹo'degue aso qagreta yi 'laua qaica qom, ca ỹoviraqteta'a aso qa' ladocai Horeb, da liỹa leenaxat Sinaí, asó'maq lalamaxarete ñi qota'olec.

1 Samuel 9:11

Ca co'na' mashic que', taasashi'ma ca na'ñi so na'a', ca 'uo' so natenda'guit nequetegaxaipi idaanaque huaxaỹaq. Ca inate'o' so 'aallipi, 'neraco': —¿Peeta'a chaqaino' najo hua'ñi quiyim ñauanaxa'e' cá'maq ra'ỹaauec nanchaqaina?