Éxodo 2:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' chaqaida 'neeto', ma' co'na' ỹa'den so Faraón quiyim so Moisés ỹalauat so Egipto le'ec, ca' relaataxan quiyim qaidaanaque so Moisés, ca' qaỹalauat. Qam so Moisés shi'co' 'eet, quepegue' yi 'laua leenaxat Madián. Co'na' ỹovita, ca nqa'xanño' quena lahi aso ni'ỹa.

Éxodo 2:15 Iomraidhean Croise

Génesis 24:11

Ca co'na' so nelaatec ỹovire'oga da lahi yi na'a', ca' mashic sham napalñi. Ca' chaqaiyi yí'maq laloqo' quena' na 'aallipi idaanaque na huaxaỹaq. Ca' so nelaatec nco'mataxandec saua nauaanaxanaxa late'e quena lahi aso ni'ỹa.

Génesis 25:2

Ca' so llaalqaipi caso'maxare chaqaisaua saua Zimram, Jocsán, Medán, Madián, Isbac chaqai so Súa.

Génesis 25:4

Ca' so llaalqaipi so Madián chaqaiso so Efa, Efer, Hanoc, Abida chaqai so Elda. Ca' najo ná'ogue na llaalqaipi aso Cetura.

Génesis 29:2

Ca' queso no'ueenaxa iuano' aso ni'ỹa, ca quiyí'maq sqoỹoqaque, ca' nco'matesapeguec saua tres lomaate' aso nelo qagreta, ma' ne'taqa'o' quen yi'maxare so iseripi. Ca' aso ni'ỹa 'uo' so lapooque' qa' lodegaxat.

Mateo 10:23

Ca noma' qarocañiỹac queca na'a', ca' 'iichii, quiipegue' ca liỹa. Ma' ỹaatqajam llic da shinac caqamiri, quiyim najo ỹale llaalec novi' ma'le, ma' saqa' nomachishiguim ná'ogue na na'aateripi quená'maq la'a' so Israel llaalqaipi.

Juan 4:6

Ca na'ño' aso ni'llivioxoqui qohinac li'ỹa so Jacob. Qam so Jesús mashic isot queda louoxoc, ca nqa'xanlco' so lap aso ni'ỹa, ma' mashic 'uo' ca na'xa'a lavinñi.

Hechos 7:29

Ca co'na' 'xaỹa dajo so Moisés, ca 'eet, taigue yi 'laua leenaxat Madián. Ca' yi neeta'ñi, qam 'ec ca qom ỹoqa'a ca chicqa'gue. Ca' quiyi, ca 'on, ca 'vio' saua dos llaalqa.

Hebreos 11:27

Ma' 'uo' da lpi'ỹaxac so Moisés, ca' ca'e yi 'laua Egipto, se no'cha'a da lonogoxonaxac so nashi. Ỹaatqajam queetalec dá'maq chi no'ueenataxac, 'ec ra'iito'ot ñi qota'a ñí'maq sqaica iuana.