Éxodo 2:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca co'na' mashic sham qo'xoic so Moisés, ca 'uo' so na'xa'a eec, ra'piichiu'ga so lqaỹaripi chi lauo' laseripi. Ca retano' quiyim chalego lquesaxanaxa da lo'ueenataxanaxac. Co'na'le, ca iuane'to' so Egipto le'ec ỹouaxantac so chi lauo' le'ec hebreo le'ec.

Éxodo 2:11 Iomraidhean Croise

Éxodo 1:11

Co'na'le, ca' na Egipto laseripi ỹa'ue na neloxoỹaq, qaiyi se ỹala'gue quiyim ro'ueenataxan nqai'en, no'xoñishiguim nqai'en naua na'aate' quiyi Pitón chaqai yi Ramsés, la'maqataxanqa'o' quena' ỹa'maxat na na'ic so Faraón.

Éxodo 3:7

Qam ñi qara'gaxala' queetalco' dá'maq ỹa'xatetac, 'naaco': —Ỹim ỹaatqajam seuanchigui da le'xoric yi ỹalamaxareteripi neeta'ñi yi Egipto. Sa'qaatapega quiyim se nqo'ta dá'maq qohinta'gue quená'maq neloxoỹaq quena no'ueenataxanaq, chaqai sa'deenta dá'maq le'xoric.

Éxodo 5:14

Chaqai qai'neeta qaiỹalqachit qaỹouaxantalec ná'maq nashillipi quena no'ueenatec queso Israel llaalqaipi, ca' qohinapega: —¿Chi'negue ma' scavit chaqai nagui sqo viri cá'maq ỹorete' quen cá'maq ro'ueenachiguii?

Éxodo 5:4

Qam so nashi quiyi Egipto 'naaco': —Qami' Moisés chaqai qami' Aarón, ¿chi'negue ma' ỹaxanñi nqai'ñii na qomyipi da lo'ueenataxanaxac? ¡Mohi, quiitalec da ro'ueenataxanaxaguii!

Éxodo 5:5

Chaqai qai'neeta 'naaco' so Faraón: —Nagui mashic 'xoic na Israel llaalqaipi quenajo 'laua, ca' ¿sham ỹaxanñi nqai'ñii da lo'ueenataxanaxac?

Éxodo 5:9

Paguec lquesaxanaxa nqai'ñii ca lo'ueenataxanaxac yijo qomyipi. Ca' chaqaida 'neetari' nqai'ñii se nocoỹaxachishiguim, qaiyi sqai huelec ca na'maachic.

Isaías 58:6

Qam mesqaida. Ma' cá'maq qopaaqataxac yqo'ta 'neetasa': quiyim qaỹachipiaxate' daua lequeete' da se no'uen chaqai qaỹosoguilo naua motel naua nequeetenaxanaxat ỹauego; chaqai quiyim qoỹaxanec ná'maq 'xoic na le'xoric chaqai 'xañiriñi ná'ogue ná'maq chicqaugui da nqa'viic;

Mateo 11:28

Naguipegue' aỹim qamiá'ogue, ma' mashic rco'chiiuec quena ro'ueenataxanaxaguii chaqai quena ri'ỹaaguii, ca' ỹim ñco'mataxandec qamiri.

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,