Éxodo 2:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca co'na' mashic ỹeuc so noctoqui', ca' qaỹodou'a so noctoqui' aso llaale so Faraón. Ca aso'maxare ỹiro quiyim lalamaxaret llaalec. Ca ỹanco' leenaxat Moisés, loqo'm qanaqajshiguim, ma' 'naaco': —Ỹim ñaqajta na'le sachigoxotañigui yi huaxaỹaq.

Éxodo 2:10 Iomraidhean Croise

Génesis 16:11

Ca nagui qami' 'manaxai, ca 'ue ma'le ca qachaalqui'. Ca leenaxat nqai'ñi' ma'le Ismael, loqo'm ñi qota'olec 'qaa, ma' ñi'maxare iuana da re'xoriqui'.

Génesis 4:25

Ca' so Adán lotqai liỹa viguit aso loua, ca aso'maxare 'uo' so llaalec. Ca leenaxato' nqai'en Set, ma' 'naaco': Ñi qota'olec nañan ñi liỹa ỹaalec, ñigui nqai'en so Abel só'maq ỹalauat na'le so Caín.

Génesis 48:5

Hua', ca nagui naua qachaalaxahi' Efraín chaqai Manasés nauá'maq ne'xaỹoqsoqote' najo Egipto na' saqa' ñovita qami' quenajo 'laua, taỹoto aỹim naua'maxare, quiyim ỹalamaxarete' 'neete'm saua Rubén chaqai so Simeón.

Éxodo 2:9

Co'na'le, ca 'naaco' aso llaale so Faraón: —Coñita najo noctoqui', ỹaxachi'. Ca' ỹim seshiueten ma'le ca redaxaqui'. Ca' aso 'aalo ỹodota so noctoqui', ca' iỹaxat.

Mateo 1:21

Ca ma' ne'qaañi yi llaalec, ca ñitegue leenaxat Jesús. Leenaxato' ma'le dajo, ma' nca'laxatec ma'le na lalamaxaret lauo' quena lasauaxaset.

Gálatas 4:5

'Neeta dajo na' novi', ma' ỹahotaque ỹosou'alo qomi' queda lcoñiitaxanaxac na naqataxaquipi, qaiyi ñi qota'a icoñi'chiguita qomi' quiyim ỹaatqajam qomi' lalamaxarete' llaalqa.

Hebreos 11:24

Chaqai so Moisés ma' 'uo' da lpi'ỹaxac, ca co'na' mashic ỹi, ca se ỹa'maxaren quiyim qohinac llaalec aso llaale so nashi quiyi Egipto.

1 Juan 3:1

Ñaqai 'ajñii dá'maq chalego le'xorenataxanaxa ñi qota'olec coqomi' quiyim qohinac qomi' llaalqa ñi'maxare, qam llic qomi' llaalqa. Vichiguiño' ná'maq ñaq ỹo'ueetetac na nanatec hueetalec ana 'laua se ỹa'deene' qomi', ma' se ỹa'den ñi qota'a.

1 Samuel 1:20

Ca co'na'le, ca 'man aso Ana. Ca co'na' ỹovirec ca laloqo', ca ne'qaaño' so llaalec. Ca ỹanco' leenaxat Samuel (loqo'm nashiilaxanaxat), ma' lashiilaxanaxato' na'le quiñi qara'gaxala'.